الزميل فهد الحمود
الله يهديك شخطت بالدائرة كلها ولعنت سلسفيل اهلها لعيون مرشح!!!! ومو اي مرشح بعد
محامية التطليق وخراب البيوت الاولى بالبلد!
استريح بارك الله فيك
المهم
هذا موضوع كتبتة يوم 17 ابريل 2008 ايام الانتخابات
مستصغر الشرر الي شفتة ذاك الوقت وهو اقامة ندوات اعلامية سياسية لمرشحات بمدارس البنات اثناء الدوام الرسمي مع اخراج البنات من الفصول واجبارهن على الحضور (ومصادري من داخل المدرسة) وفي اتون الحملات الانتخابية!!!
اقول مستصغر الشرر هذاك كان بوادر بدايات لعملية الافساد والتدمير للعملية الانتخابية والبرلمانية والسياسية وانتهت بضرب الشعب ونوابة وقبيضة!!!
في عام 2008 كنت اسميها السيدة الفاضلة ذكرى
الان بس "ذكرى"
مع الاحداث الجسام والبلاوي الي مرت فيها البلد بسبب حكومات سمو رئيس الوزراء "المخلوع" وين كانت ذكرى؟؟ بغض النظر عن تصريحها لجويهل وقربها الشديد لجماعة الا الرئيس كمحامية وحقوقية وناشطة مهتمة بالشأن العام للبلد والسياسي بالتحديد وين كنتي يا ذكرى؟!؟!؟! بس تطلعين بالانتخابات!!! ما شفنا لها دفاع واحد عن المعتقلين او كلمة حق بالايداعات والتحويلات وضرب النواب!!!
صحيح انها مادخلت المجلس لكن منو منكم يشك انها لو لو لو لو! نجحت بال2009 (ياليتها نجحت) انها الان ستكون من ضمن القبيضة الي تستدعيهم النيابة!!! او على الاقل من ابطال المجلس الصامتون!!! ماتحتاج الى فراسة!!
ذكرى ان طارت معصومة وان وقعت سلوى
ذكرى ذكية واتوقع ان قررت النزول راح تغير من جلدها حالها حال الكثير من المرشحين الذكور بس ذكرى اتوقع غير فنفاقها السياسي من النوع الثقيل التاكن والفهلوي وممكن جدا انها راح تتغزل بالحراك الشبابي للتغيير وتتقرب منهم لفظيا (وهي ابعد الناس عنهم) لانها لاتستطيع التقرب لهم اكثر من ذلك واتوقع انها ستفشل فالوعي ازداد بجرعات هائلة العامين المنصرمين
الله يوفقج ويستر عليج يا بنت الاجواد بس الكتاب باين من عنوانة والمحصلة واحدة وان حاولتي التمثيل والتطبع
ذكرى الرشيدي = مشروع نائب بصام قبيض وبالمحصلة فاسد سياسيا
الي يبي يصوت لها فليصوت بس بعدين لايتحلطم ويتبجبج ويقول محد قالي ترى قلنا!!!
ودمتم