سؤال وجواب البريد الكويتي «الممتاز» !

[« غ ـريب الأطوآر »]

السلام عليكم

انا مشترك بأرامكس واللي مشتركين فيها بيعرفون ان اسعارها خرافية

بشتري قطع كمبيوتر ومودم للإنترنت من امريكا عن طريق موقع امازون

وابيهم يوصلون لي عن طريق البريد الممتاز (ادري انه فاشل وبطيئ لكنه ارخص الموجود)

شلون طريقة كتابة العنوان وشلون استلم الاغراض ومتى ؟ < .. 3 اسئلة بواحد

ومايمنع اذا احد يقترح لنا شي بديل غير ما سبق ذكره .. وشكراً
​

 

[الجناعي]

لازم يكون عندك صندوق في البريد الكويتي الدجه

تقدر تفتحه برسوم عاديه

بس اللي اعرفه ان امازون نادر مايشحن بره امريكا !

 

[adilalroh]

اكتب عنوانك العادي ( والاهم اكتب رقم تيلفونك)..مو لازم يكون عندك صندوق بريد
احسب مدة الشحن- التراك نمبر -
ومر عليهم بكيفان..وعطهم رقم الشحنه
يعيبه انه بطئ- الاغراض عرضه للكسر( اطلب منهم يغلفونها صح)

24813640 - 24882945

 

[الديفي]

انا طالب قطع كمبيوتري من امازون ومع الاسف مضطر استعمل ارامكس الغاليه
لأن بريد الكويت اصبح اسوأ من بريد الدول الافريقيه الفقيره

اخر مره رحت بريد كيفان "سنترال كيفان" السرداب لإستلام طرد قبل سنين وهناك معامله سيئه والموظفين الكويتيين نفسيتهم بخشمهم لا نظام والمكان قذر ووسخ شيء يفوق الوصف سنترال كيفان

شيء طبيعي تضيع القطع ويقولون ما وصلنا شيء..

يريت لو يتم تخصيص البريد بالكويت

بس انتا تقول انك طالب مودم!!.. المودم انقرض لأنه خاص بإشتراك الـ Dail Up يمكن قصدك راوتر؟

 

[meshal]

اذا البائع أمازون فهو ما يشحن خارح أمريكا .

 

[مقص الرقيب]

عزيزي انا جربت البريد الممتاز وجربت الارامكس ..


البريد الممتاز التكلفه منخفضه ولا حاجه لصندوق بريدي والاستلام من كيفان ...

لكن من بعد ان ضاع لي اغراض طلبتها حرمت مره اخرى اطلب من البريد الممتاز

دخت السبع دوخات عشان القها من بريد كيفان الي المطار الي بريد المنطقه لكن

بدون فائده ... راحت علي على الرغم من وجود التراك نمبر معاي ..


اما ارامكس فرغم التكاليف المرتفعه قليلا الا انك تضمن وصول طلبك ، حتى

لو لا قدر الله ضاع او تاخر وصولها فهناك تعويض عن ذلك ..


من واقع تجربه اتكلم .


تحياتي
​

 

[كويتي قديم جداّ]

البريد الممتاز ,, ينفع للإرسال (من الكويت- للخارج)

ولا ينفع للاستقبال !!

حشا,, لاسلكي مو بريد​

 

[بدركوم]

لن ازيد عن تجارب الاخوان مع البريدي الكويتي ... الا اذا كنت تريد تجربة ضايع اغراضك هذا شي ثاني

مالك الا ارامكس للاوزان الصغيره و myus للاوزان الكبيره

 

[« غ ـريب الأطوآر »]

يعطيكم العافية كلكم بلا استثناء .. استفدت من كل اجابة :وردة:

البريد بدول الخليج مستواه ارقى من اللي عندنا بسنوات ضوئية للأسف .. نتأمل خير بمجلسنا الموقر يحل هذي المعضلة :/

اشكركم جميعا ً مرة اخرى :وردة:
​

 

[بو عليوي]

انا اطلب معاهم طلبات مكثفة وما شاء الله عليهم شغل زين صج ياخذ فترة مرات توصل لشهر وشي علما يوصل

واكتشفت ان بعض شحناتي ضاعو ولما سالت قالوا ممنوعه ويرجعونها لمصدرها .... تقدر تكلم البايع يرجع لك فلوسك

ومميزات البريد الكويتي
رخيص جدا جدا ولا حاجة لفتح صندوق فقط اكتب عنوان بيتكم
يوصل حق باب بيتك الصبح الساعه ٨ غالبا

 

[Abdullah_J]

البريد الحكومي الكويتي والتسوق بالنت

السلام عليكم

اليوم قمت بفتح صندوق بريد في بريد الدوحة وأعطوني رقم الصندوق وبعض البيانات

مع العلم أن محل سكني منطقة الفردوس لكن توجد مشكلة في بريد الفردوس وهي عدم وجود مفاتيح ! ( شغل حكومة عادي لا تستغربون )

لذلك اضطررت أن افتح الصندوق في بريد الدوحة

اللآن ما هي طريقة إدخال العنوان في المواقع للطلب المباشر

البيانات

الكويت
صندوق بريد 59051
رمز البريد 93151
مكتب بريد الدوحة

هل أقوم بكتابة عنوان السكن ( الفردوس ) وكتابة رمز البريد الذي استملته من بريد الدوحة !!

Address
Address 2
City
State
Zip


ارجو من الإخوة المساعدة

 

[اليعربي]

السلام عليكم

اليوم قمت بفتح صندوق بريد في بريد الدوحة وأعطوني رقم الصندوق وبعض البيانات

مع العلم أن محل سكني منطقة الفردوس لكن توجد مشكلة في بريد الفردوس وهي عدم وجود مفاتيح ! ( شغل حكومة عادي لا تستغربون )

لذلك اضطررت أن افتح الصندوق في بريد الدوحة

اللآن ما هي طريقة إدخال العنوان في المواقع للطلب المباشر

البيانات

الكويت
صندوق بريد 59051
رمز البريد 93151
مكتب بريد الدوحة

هل أقوم بكتابة عنوان السكن ( الفردوس ) وكتابة رمز البريد الذي استملته من بريد الدوحة !!

Address
Address 2
City
State ولايه
Zip


ارجو من الإخوة المساعدة

شوف اخوي تاكد هل الموقع يشحن شحن مباشر او غير مباشر
مثال في مواقع تشحن خارج البلد
وفي مواقع تشحن فقط داخل امريكا
وفي مواقع تشحن شحن غير مباشر يكون عندك صندوق بريد امريكا تندز له ومنها الي الكويت يمكن شوي السالفه معقده بس بالنهايه توصل

http://www.adslgate.com/dsl/showthread.php?t=1165565

الرابط هذا راح يفيدك اكثر بطريقه كتابه العنوان سواء مباشر او غير مباشر

 

[بن ذى يزن]

Address عنوان البيت والقطعه والشارع والجاده ورقم البيت
Address 2 هذا يكون اختياري بس انسخ العنوان اللي فوق
City الفروانيه
Stateالفروانيه
zip 00965
واهم شي رقم التلفون يكون 00965 ورقم تلفونك وسجل
رقم ثاني بعد يمكن ما ترد


واذا وصلت الشحنه راح يدقون عليك او يدزون مندوب لبيتكم
يوصل ورقه لك

وانت تقدر تتابع التراك عن طريق موقع الشركه اللي
شاحنه الاغراض لك وتعرف اذا وصلت ولا لأ


وعلى حسب بعض الشركات يبين عندهم طريقة الشحن

وبالتوفيق

 

[اليعربي]

Address عنوان البيت والقطعه والشارع والجاده ورقم البيت
Address 2 هذا يكون اختياري بس انسخ العنوان اللي فوق
City الفروانيه
Stateالفروانيه
zip 00965
واهم شي رقم التلفون يكون 00965 ورقم تلفونك وسجل
رقم ثاني بعد يمكن ما ترد


واذا وصلت الشحنه راح يدقون عليك او يدزون مندوب لبيتكم
يوصل ورقه لك

وانت تقدر تتابع التراك عن طريق موقع الشركه اللي
شاحنه الاغراض لك وتعرف اذا وصلت ولا لأ



وعلى حسب بعض الشركات يبين عندهم طريقة الشحن

وبالتوفيق

باين اصلا من الخيارات التي لديه انه لا يوجد خيار الدوله يعني اما شحن غير مباشر على صندوق بريد امريكي وبعدها يشحن الي الكويت
اوشحن داخلي في امريكا وما يشحن برا

 

[بن ذى يزن]

باين اصلا من الخيارات التي لديه انه لا يوجد خيار الدوله يعني اما شحن غير مباشر على صندوق بريد امريكي وبعدها يشحن الي الكويت
اوشحن داخلي في امريكا وما يشحن برا

يطلع بالصفحه الرئيسيه مكان الدوله

او يطلع له خيارات كنتري


اذا ما يشحن يقوله ما يشحن not available kuwait :وردة:

 

[NewMan]

قطع غيار الكمبيوتر رخيصة بالكويت
بس اذا مصمم ما لك غير ارامكس
صج اسعارهم مشكوك فيها بس تراهم اهون من الباقين
البريد الحكومي ما انصحك فيه و الشركات الثانية رسومها عالية
حاول تشتري اغراضك من نفس المتجر و اطلب منهم يحطونها في كرتون واحد علشان ارامكس تحسبها على اساس انها طرد واحد و تقل عليك تكلفة الشحن و التخليص و غيره

 

[Q8 1]

انا اطلب معاهم طلبات مكثفة وما شاء الله عليهم شغل زين صج ياخذ فترة مرات توصل لشهر وشي علما يوصل

واكتشفت ان بعض شحناتي ضاعو ولما سالت قالوا ممنوعه ويرجعونها لمصدرها .... تقدر تكلم البايع يرجع لك فلوسك

ومميزات البريد الكويتي
رخيص جدا جدا ولا حاجة لفتح صندوق فقط اكتب عنوان بيتكم
يوصل حق باب بيتك الصبح الساعه ٨ غالبا

نفس الى حاصل معاى اطلب عن طريق البريد العادى واستلم من كيفان
ولا مره حصل معاى نقص او تلف اوفقدان الحمدلله
الامر طبيعى