بشارة يا شباب الكويت ، عليكم بالعافية

[geology-teacher]

المويزري يصدر قرارا برفع القرض الاجتماعي لحالات الزواج الأولى إلى 6 آلاف دينار 2000 هبة والباقي قرض يسدد على أقساط شهرية

دروازة نيوز

مبارك لشباب الكويت الله يحفظهم
وكل الشكر لمن كان له يد في إقرار هذا القانون من الحكومة والنواب الأفاضل
وجزاك الله خير للمويزري :إستحسان:
يارب تكثر أفراح أهل الكويت وتحفظ ديرتنا وأهلها من الحساد ​

 

[سطام الظفيري]

الله يبشرك بالجنه يارب

اجل بكلّم العجوز تخطبلي


وال4 الاف الباقيه كم قسطها ؟؟​

 

[geology-teacher]

الله يبشرك بالجنه يارب​

اجل بكلّم العجوز تخطبلي ​

وال4 الاف الباقيه كم قسطها ؟؟​

مبروك مقدما ! إن شاء الله ينشر القانون بالجرايد ونعرف كل التفاصيل ​

 

[Maradona]

بوثامر يشتغل بصمت ....وبرافو بوثامر علي تجميد الفوزان

والله يوفقك بدربك يابو ثامر

 

[سطام الظفيري]

بوثامر يشتغل بصمت ....وبرافو بوثامر علي تجميد الفوزان

والله يوفقك بدربك يابو ثامر

صدقت​

وإن شالله يكملها أبو ثامر ويرد الحق لأصحابه بإعادة صايد صندوح الى منصبه الأجدر والأكفأ
على رأس الإداره في بنك التسليف والإدخار الذي راح ضحيته بالصفقات السياسيه المشبوها
بين ناصر المحمد والتحالف الوطني​

 

[bo 3jeel]

الف مبروك وباجي اسقاط القروض علشان نتزوج ونفتح بيوت  

 

[سطام الظفيري]

مبروك مقدما ! إن شاء الله ينشر القانون بالجرايد ونعرف كل التفاصيل ​

الله يبارك فيك يارب

ولاهنت ياالامير​

 

[بونورهـ]

الله يبشرك بالخير يستاهلون عيالنا

 

[فهد الرشيدي]

الله يبشرك بالخير

عز الله زادت اسعار المهر ههههههههههههه

يعني الي قبل مهرها 5000 الحين بتصير 7000

 

[كويتي]

الله يبشرك بالخير

انا ليما الحين ماخذيت القرض الاجتماعي يعني لو اروح اقدم عليه الحين يعطوني 6 الاف بدال ال4 الاف ؟
ولا ينطبق علي القانون القديم لاني متزوج من فتره ؟

 

[تجمعنا الكويت]

الله يبشرك بالخير خلاص انا قررت اتزوج المهر انحلت مشكلته

 

[تجمعنا الكويت]

الله يبشرك بالخير

انا ليما الحين ماخذيت القرض الاجتماعي يعني لو اروح اقدم عليه الحين يعطوني 6 الاف بدال ال4 الاف ؟
ولا ينطبق علي القانون القديم لاني متزوج من فتره ؟

لا ياخي لاطالما مااستلمت القرض الاجتماعي تقدر تقدم عليه الحين وتستلمه مالهم شغل انت متزوج من زمان ولا توك

 

[كويتي]

بارك الله فيكم ..

 

[بوصالح 777]

الله يهنيكم
تستاهلون والحين العزابى ماله عذر

لويعطون حق الثانيه انسى يسويها ههههههههههههه

 

[سوزان 1]

تصرفوهم بالهنا
اي خبر قي بشارة بحب ادخله زهقنا من سمات البدن

 

[خليجي عربي]

الله يبشرك بالخير والف مبروووك للعزابيه واللي ما اخذها وهو متزوج خذها وطق لك وحده وكاله هههاي


الله يوفق ابو ثامر وين ما راح والله يوفق باقي الوزراء ويصنون امناتهم

 

[علماني ليبرالي]

شعيب المويزري، أحبّه هالريّال. صاحب مبدأ ومخلص ومحترم جدا بالكلام. أتمناله التوفيق في عمله وفي حياته.

 

[كل مواطن خفير]

زين واللي يبي الثانيه ؟ ​

 

[عبدالباري]

الوزير مسك البردعه وساب الحمار


يا ابو ثامر حل مشكلة الاسكان اللي يعاني منها ثلثين الشعب وخل عنك الامور الصغيره



مدينة صباح الاحمد لحد الان ما عطوهم ترخيص بناء !!!


الناس ملت ... الناس تبي تسكن ... تبي تستقر الناس يابوثامر


ذبحنا جشع التجار والايجار ....


يابو ثامر ... غبي من يعتقد ان الشعب غبي


​

 

[جارح]

الله يديم علي العزوبية
والله يوفق كل من يستفيد منها​