سؤال وجواب شالحل مع باب الحمام (الله يعزكم ) الخربان من الماي ؟

[q8gym]

السلام عليكم


شباب عندي باب الحمام خشاب الله يعزكم ويكرمكم متقشر من تحت بسبه الماي شالحل عشان الحق عليه

 

[أنا رايق]

باب الحمام بكبره تشيلة وتحط باب ألمنيوم فقط للحمام لان الخشب ابداً مو للحمامات
أو تحط قطعة ألمنيوم على الجزء المتضرر من الباب بحيث لو لأمس الماء يكون على الألمنيوم 

 

[شمري كويتي]

الحل سهل وبسيط​

اولا الباب المفروض يكون من الومنيوم​

او اي نوع من المعادن غر القابلة للصدأ​

اما اذا تبيه خشب وماتبي تغيره​

فالحل ايضا بسيط وسهل جدا​

تذهب الى محلات المعادن او الالومنيوم​

وتطلب منه يفصل لوح ستيل​

بشرط يكون ستيل اصلي غير قابل للصدأ​

مو يحطلك حديد او معدن يصدي من الماي​

بطول نص متر تقريبا​

او اكثر حسب تقدير الفني​

ويلزقه في الباب من الاسفل​

ويغلفه على الباب دار مادار من الجهتين

بارتفاع نص متر فقط من من كل جهة

يعني ربع ارتفاع الباب اذا كان طوله مترين​

وانسى ان الباب يخرب لو 100 سنة​

طبعا هذا الكلام كله بعد شغلة مهمة​

بعد تصليح الباب عند النجار​

ويحدد النجار هل الباب يصلح او لا​

وهل يجب تبديله او تصليحه​

حسب درجة التلف اللي حاشه من الماي​

والافضل طبعا باب المنيوم وريح راسك​

 

[meshal]

في لوحة رقيقة كأنها مغطاة بقصدير مادري شسمها بالضبط الشاهد تندق مسامير ناعمه . وتوضع اسفل الباب .

وعندك حل بالجديد باب من الغانم والفحام .
ضد الماي والصدا والحريق بعد .

 

[Mr.Max]

اتوقع الله اعلم صاحب الموضوع يقصد الشرشوب وليس الباب بالكامل

واقتراح الرايق جميل

باب الحمام بكبره تشيلة وتحط باب ألمنيوم فقط للحمام لان الخشب ابداً مو للحمامات


 

[عزيز وغالي]

اخوي ترا الباب بكبره جديد مع شرشوبه 40 دينار
شيله وريح راسك وخله يحط لك بالجزء الاسفل قطعة المنيوم وصلي الله وبارك

 

[اليعربي]

اذا تبي الشكل
طبعا الباب الخشبي افضل من اللمنيوم

وعلشان ما يخترقه الماي ويخربه

يجب ان يقوم النجار برفع الباب يعني ما يكوون نازل على الارض وياصله الماي
يعني رفعه انش ونص كافي

خله يقوم بنحت الجزء السفلي لجميع ابواب الحمامات

كما ان طلاء الباب مهم ويمنع الماي خصوصا ان بعض انواء الاصباغ تعتبر عازل للماي ومقاوم

 

[ARMOUR ON]

مالة داعي مخاسير وتخلي الوافدين يمصون دمك الشغله بسيطة وماتاخذ ربع ساعه
شيل مفاصل الباب ونزلة وباب الخشب خفيف وخذ قياس الباب من تحت بالسنتيمتر وروح اي محل المنيوم يقصلك قطعتين كبار امام وخلف خفيفه مو سميكة سعرها مايتعدا دينارين وتطقها بمسامير رفيعه مثل الابر حجم صغير قياس سنتي تقريبا وترد تركب الباب ....
رياضة ....وتوفير فلوس وبركة

 

[بقيييط]

الحل الاقتصادي حبل وشرشف وعلق الشرشف مكان الباب
​

 

[ابعتذر]

الحل الاقتصادي حبل وشرشف وعلق الشرشف مكان الباب
​

:باكي::باكي::باكي::باكي::باكي:

 

[ساهر الليل]

مشكلة باب الحمام انه باب حمام