صفحة الألغــــــــــــــــــــــــــــــــــــــــاز

[أمين أفندي]

أنا إختي أم فواز
رايح على أول كلمة باللغز اللي هي (( السر ))
لأن كل شطر محير

 

[تأبط خيرا 62]

محاولة اخرى

الحصاله أو التجوري

 

[أم فواز]

أنا إختي أم فواز
رايح على أول كلمة باللغز اللي هي (( السر ))
لأن كل شطر محير

طيب منّي منّاك حاول
لأنك انت الأقرب لحد الان

 

[أم فواز]

محاولة اخرى
الحصاله أو التجوري

رمعه خطيرة !!! :إستحسان:
بس ابتعد عن الاشياء الملموسة

 

[تأبط خيرا 62]

اذا كان غير ملموس اذن هو

التوفير

 

[أمين أفندي]

إذا السر غلط
ممكن اللغز أو سؤال المليون

 

[أم فواز]

اذا كان غير ملموس اذن هو
التوفير

 

[المختصر]

سرّه مدفون في الليل والنهار
والكل ودّه يعرف اللي في بطنه
هو شيٍّ ينفع للصغار والكبار
والذكي بس اللي يعرف رطنه
_______________________
أعتقد : المستقبل؟ أو الحظ؟​

 

[أم فواز]

واخييييراً :إستحسان:
واحد منكم توصل للحل
يا ترى من هو

دقائق وستعرفون من هو سعيد افندي
اقصد سعيد الحظ

 

[المختصر]

واخييييراً :إستحسان:
واحد منكم توصل للحل
يا ترى من هو

دقائق وستعرفون من هو سعيد افندي
اقصد سعيد الحظ

ودي اعرف منو اللي حل اللغز؟؟ ... ودي .. مافيني صبر!

 

[أمين أفندي]

صرنا بين نار الغدا ونار الجواب
وأعتقد نار الغدا أهون مليون
ترى المخ ضارب وصاير خراب
والربع جواعى ولا ينطرون

 

[المختصر]

صح لسانك والله يا امين افندي .. انا معاك وأؤيد جوابك ..
وناطر الاجابة على رمعتي .. خالية معدتي .. بس اذا جوابي غلط .. الله يخليك امسح دمعتي :باكي:

 

[تأبط خيرا 62]

صرنا بين نار الغدا ونار الجواب
وأعتقد نار الغدا أهون مليون
ترى المخ ضارب وصاير خراب
والربع جواعى ولا ينطرون

توكل على الله وروح تغدى اخوي
اخاف الربع يخونون
اسأل مجرب

 

[أم فواز]

إذا السر غلط
ممكن اللغز أو سؤال المليون

نعم امين افندي هو ( اللغز )

سرّه مدفون في الليل والنهار
والكل ودّه يعرف اللي في بطنه
هو شيٍّ ينفع للصغار والكبار
والذكي بس اللي يعرف رطنه

سرّه مدفون يعني محد يعرف الإجابة الا صاحب اللغز .. وبعدها الاعضاء يخمنون ويعرفون الجواب .. واللغز بأي وقت يوضع بالنهار والليل .. وطبعا هو مفيد للكل .. والذكي فقط هو اللي يعرف يفكر فيه ويجيب اخرته !

اتمنى يكون اللغز وارد ومقبول وسامحونا على القصور .. واخرّناكم عن الغدا

 

[أم فواز]

ساعه خورافية من نصيب الاسد امين افندي



وهذي شاليهات بس ما ادري اي ديره .. هههههههه .. ويالله روح تغدى

 

[المختصر]

يستاهل البيرق أمين افندي
وصح لسانج يا ام فواز:وردة:
مشكورة على هاللغز الحلو والجوائز الطيبة :إستحسان:
والشكر موصول لاخونا تأبط خيرا:وردة:

 

[أم فواز]

تستاهل الطيب اخوي المختصر ويستاهل امين افندي ..
وشكرا لمحاولاتك ومحاولات الاخ تأبط خيرا ..
الله يعطيكم العافية .

 

[تأبط خيرا 62]

يستاهل الطيب كل الطيب
وشكرا للاخت ام فواز كانت فرصة الواحد يحرك خلايا الدماغ خصوصا اليوم سبت لا دوام ولا تداول

حياك الله اخي المختصر مشاركة الطيبين امثالكم تحفز على التواصل والتفاعل

 

[المختصر]

وجاكم لغز جديد ...

يقول:
ان سكتنـا تلقانا اجـتمـعنا فـي الحـال
ولو تكلمنا بحرف نفترق على طول
وحنا اوصافنا ترتبط بمقاييس الجمال
وتغنوا كثير فينا من أهل الشعر فحول

بالتوفيق للجميع
:وردة:​

 

[أم فواز]

وجاكم لغز جديد ...

يقول:
ان سكتنـا تلقانا اجـتمـعنا فـي الحـال
ولو تكلمنا بحرف نفترق على طول
وحنا اوصافنا ترتبط بمقاييس الجمال
وتغنوا كثير فينا من أهل الشعر فحول

بالتوفيق للجميع
:وردة:​

صح لسانك المختصر على هاللغز الروعه

شرايك في هذول الثنتين