سؤال وجواب الصرااااااااااصير

[رشيدي وقناص]

تتواجد بالبت صراصير صغيره بيضاء اللون
حول مغسلة المطبخ وشلون اتخلص منهم
افيدونا

 

[شجون الكويت]

دق على شركات مكافحة الحشرات ​

 

[ام الثلاث اسوار]

توجد 3 طرق للمكافحة وهي كالتالي

1 تتصل على ادارة مكافحة القوارض في وزارة الصحة مجانا

2 شركان مكافحة الحشرات برسوم مالية حسب نوع المواد

بشرط تكون مرخصة من وزارة الصحة

وشرط أساسي مكتوب رقم الترخيص بالاعلان

لان الشركات الغير مرخصة تستعمل مواد ضارة بالصحة وتسبب امراض خطيرة

3 تباع في الجمعيات التعاونية مواد مكافحة الحشرات والصراصير

مرسوم عليها نوع الحشرة او الصرصور او الذباب

يوجد نوعين بخاخ أو بودرة

الافضل البودرة مفعوله اطول ويستمر فترة اطول

البخاخ اذا عندك اطفال او مريض ربو لايقرب عنده

ولازم تلبس كمام على خشمك اذا رشيت

وتبعد عيونك عن الرذاذ المتطاير من البخاخ

واهم شي تنظيف المطبخ تنظيف كلي شامل

يعني تنفض المطبخ نفض

تطلع الثلاجات والفريزرات والتموين وكل المواعين وتغسل ارضية المطبخ

وتعقمها بديتول خاص للمطابخ

وبعدها ترش البودرة دار ما دار على الطوفة من الاسفل

والمحافظة على النظافة اهم شي في المطبخ

لانها بيئة رطبة وتساعد على انتشار الحشرات والصراصير

وتأكد ان البالوعة الموجودة في المطبخ محكمة الاغلاق

وعدم وجود فتحات او تشققات في الجدار او الارضيات

واهم نقطة عدم استعمال الكاشي القديم او البلاط اللاصق

وعدم استعمال ارضيات خشب او بلاستيك او مطاط او طربال

يجب ان تكون الارضية سيراميك بلون فاتح علشان تعرف مدى نظافته

وعلشان يبين اي شي يطيح عليه

لان الالوان الغامجة تخفي بعض الاشياء الصغيرة مثل البهارات او غيرها

والطوفة لازم تكون ملبسة سيراميك على الاقل ارتفاع مترين

والسقف يكون المنيوم نظيف او جدار مصبوغ وليس فيه تشققات

واهم شي المحافظة على التهوية ووجود شفاط قوي في المطبخ

واذا تقدر تحط شفاط ستيل فوق الطباخ يكون افضل

غير ضروري وليس له علاقة بالموضوع

فقط الفائدة سحب الدخان والابخرة اثناء الطبخ والقلي والشوي

والمحافظة على صحة الجهاز التنفسي للعاملين في المطبخ

 

[ابو هـــادي]

اذا عندكــ بخاخ ريد فليت بس ياحبذا لو يكون كامل
ودخل يدكــ في المطبخ بحيث انت تكون خارج المطبخ والفليت داخل وسحكــ ابو الفليت كله يعني صفيه خلصه
وسكر المطبخ وبعد ساعتين ادخل المطبخ وشغل الشفاط واذا فيه مروحه شغلها بعد وسكر المطبخ مرة ثانيه
وبعد ساعه طف المروحه وكلووو تمام :إستحسان:





حل سريع وتوفير
​

 

[ابو هـــادي]

طبعاً لاتنسى تسكر الاشياء الغذائيه لحمايتها من الرذاذ المتطاير من الفليت

وبعد العمليه غسل ارضية المطبخ وغسل المواعين ومسح دروج المطبخ والطربيزه والاشياء المهمه
​

 

[واضح]

اسرع طريقه خلال خمس دقائق ينتعي امرها وبأقل سعر

مر على محطة البنزين وعبي عبوة ماي صحه كبيره بنزين

بعدين روح المغسله وكب نصه بالمغسله والنص الثاني حول المغسله


خلال اقل من دقيقه راح يطلعون يريدون الهرب ... لاكن اين المفر ... اقرب انعال اضربهم بها وبشده علشان لايتعذبون


وسلامتك

 

[تشالنجر]

والله مشكلتهن مشكله ترش عليهم يموتون بعد فتره يردون ويكتسبون مناعه ودورلك شي جديد يذبحهم

 

[q8eti]

افضل حل هو دواء الجرب للحيوانات تجده عن البيطره
اخلطه مع ماي حسب التعليمات ويذبح الصرور على الريحه مو شرط اللمس
جرب وتلقى الفايده ست شهور اقل شي بيتك بدون صراصير

 

[اليعربي]

والله شوف
اذكر في الثروه السمكيه يوزعون جالون محلول تصبه في البالوعات والحنفيات تكرم
واظن خلال ست شهور ما تشوفها
ونفس الشي الكاز او الكيروسين
وكذلك بانزين بس انتبه من اي شراره

الحل الثاني شركه خاصه ترشلك البيت وتضع محاليل في البلوعات وانت بكرامه
هاذي تقضي عليهم وما تشوفهم على الاقل سنه قدام

في شغله ثانيه يمكن انت راح تنظف بيتك بس المصيبه جيرانك اذا ما رشوا ونظفوا بيتهم خلال سنه يرجعون
اذا تمون عليهم

خل يرشون معاك بنفس الوقت من نفس الشركه اضمنلك ثلاث سنين ما تشوف حشرات

 

[royal-heart]

اسمع يالرشيدي

حنا كانت هذي مشكلتنا

واستخدمنا انواع المبيدات ولا نفعت كلها يومين اسبوع ويردون علينا


الى ان جانا واحد وقال اخذوا علاج الجرب الي يداوون الابل فيه من الجرب ( تسمى كاسه او جارة )

وصبوه في اي مجرى سواء حمام او مغسلة وعبوا منه في قارورة ورشوه خفيف حيل ورا الكنب

والكبت مثلا وغيره

والحين لنا سنتين ما شفنا صرصور واحد او نمله او سوس مع انهم اول مأذينا اذى


بس اهم شي انتبه تراه يكتم يعني لازم تطلع اهلك يوم كامل عن البيت





.

 

[ولد وايل]

البانزين ــ وأقطع

بس لا تقط زقارتك اذا بتطفيها ..

:وردة:​