سؤال وجواب يااخوان عرسي بشهر 10الحقو علي ابيكم تضبطوني بلوشنات وعطر

[Maradona]

صبحكم الله بالخير

اببلش دايركت

انا ابالي عطر ديزل ولوشن ديزل

وابيكم تشورون علي عطر ثاني

ابطلع زقرتي جدام العروسه

ابي شغل زقرتي



وابيكم تشورون علي بالخياطين الطيبين


والله يكرمكم ابي دوشق تمام وابي تلفزيون


بالعربي دلوني علي درب الصحيح



واخيرا دعائكم لي بالتوفيق بزواجي

 

[كويتي قديم جداّ]

بارك الله لك وعليك .. يا زميل :وردة:
=========
هذه كلها أشياء بسيطة وثانوية ..(عطر/ دوشق)
أهم شيء أن تتدرب وتتعلم = كيف تحسن معاملتها !!​

ما رأيتُ أثمن من كنز < الاحترام > يقدّمه الرجل لزوجته
ويتحلى به .. فالعدل والاحترام: هما قاعدة العلاقات الاجتماعية .. ​

نعم ،، أرشد وانصح وإن اضطررت فأدّب،، واضحك وامزح
وإن شئت فاغضب إذا رأيت ما تكره !!​

ولكن .. إياك والإهانة ( دعس الراس:إستنكار.
فإنها تورث البغضاء .. وجاءت في الأثر باسم: (الفرك)​

فإن أعظم ما تستثمره في نفس هذه الأسيرة
هو احترامها ..​

خذها من أخيك الأكبر ​

 

[الحر_189]

يالحبيب حاليا من احسن العطور الموجوده بالسوق عطر توم فورد

وعندك عطر قديم بس اعتقد منوعه لانه اسرائيلي بس ريحته قويه حيل اسمه تشارلز

اما ديزل اي شي
وبخصوص اللوشن والبشره ووو ( هذي الامور كلها تروح صالونات عندهم هالسوالف وحمام مغربي وو يرجعونك جديد )

وبخصوص الخياطين علشان لحد يقص عليك والخام الزين

انصحك تاخذ خام من خياط ابو الحسن ......بالديره بسوق الاقمشه وفي فروع ثانيه بالمثنى وو تاخذلك دشداشه وحده او ثنتين غاليات حيل وتشترط عليه مايتعفسون يعني مثلا تاخذ المتر 20 دينار لانك ماراح تتزوج كل يوم

وتروح الله يسلمك لشرق ابراج العوضي في خياطين هناك ممتازين مثل المقص الذهبي وخياط النجمه وغيرهم

وسلامتك ومبرررررررررررررررررررروك مقدما ومنها المال والعيال

 

[S3d1987]

اذا تبي لوشن على مستوى شي زقرت روح اسواق القرين بلولوهايبر ماركت اول مادشيت على يسارك في كشك صغير اسمه عود غاليري بتحصل عنده انواع عديده من اللوشن انا شخصيا اشتري منهم الزهور الفرنسيه وعنده وايد انواع ثانيه روح وشوف شنو اللي يعجبك

 

[إنفصام]

واخيرا دعائكم لي بالتوفيق بزواجي

بالتوفيق وبالرفاء والبزارين :وردة:


وهذا لا يعلي عليه وريحته تشمها علي بعد 2 فرسخ

 

[سنـين التّيــــهـ..]

بالتوفيق وبالرفاء والبزارين :وردة:​

وهذا لا يعلي عليه وريحته تشمها علي بعد 2 فرسخ ​

ههههههههااااي:باكي:


يعني انتم ماتعطرون الا لبغيتوا تتزوجون​

 

[ذعذاع]

مبروك

عرسك شهر ١٠ وتفكر بلوشن ودوشق !! وش هالعجله.


روح للكوت عند زهور الريف على ما اظن اخذ انواع واشكال عالفواكة ع مدري اخذ

اذكر قبل عرسي قطيت ١٥٠ دينار كلها لوشن وعطورات كل هذا تجنباً للصرع مسيكينه


تلفزيون عندك بلازما لسي دي

دوشق عندك البغلي دق عليهم ياخذون مقاسات التفصيل






​

 

[عبدالرزّاق السّنْهُوري]

بارك الله لك وعليك .. يا زميل :وردة:

=========
هذه كلها أشياء بسيطة وثانوية ..(عطر/ دوشق)
أهم شيء أن تتدرب وتتعلم = كيف تحسن معاملتها !!​

ما رأيتُ أثمن من كنز < الاحترام > يقدّمه الرجل لزوجته
ويتحلى به .. فالعدل والاحترام: هما قاعدة العلاقات الاجتماعية .. ​

نعم ،، أرشد وانصح وإن اضطررت فأدّب،، واضحك وامزح
وإن شئت فاغضب إذا رأيت ما تكره !!​

ولكن .. إياك والإهانة ( دعس الراس:إستنكار.
فإنها تورث البغضاء .. وجاءت في الأثر باسم: (الفرك)​

فإن أعظم ما تستثمره في نفس هذه الأسيرة
هو احترامها ..​

خذها من أخيك الأكبر ​

نصيحة تكتب بماء الذهب . :إستحسان:​

 

[النوف]

العطر : شانيل - النسائي والرجالي

لوشن : في معطرات الجسم روعة عند القرشي وكذلك بودي شوب

دوشق : غريبة طلبك هو طبيعي اذا شريت غرفة عروس بيكون معاها والافضل البغلي

،،......،،،،،،

وعرسك شهر ١٠ يعني يمديك وبالهداوة تسوي كل شي

ناس بأسبوعين ويخلصون كل أشغالهم؛؛...​

 

[بوشاهين]

اخذها نصيحه مثل ماقالو الاخوان

الدشداشه
عند الخياط

والخياط يبي خام
والخام تلقاه عند محل بصفة الصراريف صاير على زاوية فجه سرداب عنده خوش خام والله ناسي اسمه اذا ذكرته راح ادز اسمه لك على الخاص ممتاز وسعره معقول

والدوشق
عند البغلي

لاتبالغ تشتري دوشق بسعر خيالي ترى كله دوشق اللهم اذا كنت متين هذا شي ثاني


والعطورات
عند المركز الفرنسي او فافوم
نصيحه اشتر عطر ( ديور هوم ) وادعيلي لاتاخذ السبور اخذ العادي لونه غامج

واللوشن
عند زهور الريف اخذ الليمون والبابايا وهم راح تدعيلي
واذا مالك خلق روح الحواج كل شي عنده

والتلفزيون
عند الغانم
اخذ سامسونج سمارت الجديد موغالي


نصيحه
لاتدش اي محل وتقوله انا معرس وبيك تضبطني والله يمصون دمك ويدبلون السعر

اخر نصيحه واهم نصيحه

مثل ماقال اخونا كويتي قديم
هالله هالله
بالاحترام فهو سر نجاح هذه الزيجه

نسأل الله التوفيق لك وان يرزقك بالذريه الصالحه اللهم امين

 

[Maradona]

بارك الله لك وعليك .. يا زميل :وردة:
=========
هذه كلها أشياء بسيطة وثانوية ..(عطر/ دوشق)
أهم شيء أن تتدرب وتتعلم = كيف تحسن معاملتها !!​

ما رأيتُ أثمن من كنز < الاحترام > يقدّمه الرجل لزوجته
ويتحلى به .. فالعدل والاحترام: هما قاعدة العلاقات الاجتماعية .. ​

نعم ،، أرشد وانصح وإن اضطررت فأدّب،، واضحك وامزح
وإن شئت فاغضب إذا رأيت ما تكره !!​

ولكن .. إياك والإهانة ( دعس الراس:إستنكار.
فإنها تورث البغضاء .. وجاءت في الأثر باسم: (الفرك)​

فإن أعظم ما تستثمره في نفس هذه الأسيرة
هو احترامها ..​

خذها من أخيك الأكبر ​

الله يطولي بعمرك يالغالي

انا عندي قاعده مايمد ايده علي امرته الا الرخمه

وتعاملي مع الناس دايم بااخلاف فما بالك بشريكة حياتي اكيد ابواسيها بالمره وافرح بالحلوه

لابد من التضيحات

مرورك يشرفني

 

[Maradona]

الله يطولي بعماركم عزالله ماقصرتوا


ودي ارد علي واحد واحد بس والله مستعجل

واكتب وانا ماسك الايفون


يااخوان الي يقولي ليش مستعجل


مااحب انسى اي شي ابي كل شي اول بأول


يااخوان ابي البيجمات مالت البيت الزقرتيه وين القاها


لازم اول ست شهور بجمات عقبها سروال وفانيله ✌

 

[بدركوم]

بخصوص العطورات واللوشن وشخصياً استخدم منتجاتهم من سنوات لوشن وعطورات وشاور جل وديودرنت

1-Bath & Body Works
2 -The Body Shop

 

[بوشاهين]

الله يطولي بعماركم عزالله ماقصرتوا


ودي ارد علي واحد واحد بس والله مستعجل

واكتب وانا ماسك الايفون


يااخوان الي يقولي ليش مستعجل


مااحب انسى اي شي ابي كل شي اول بأول


يااخوان ابي البيجمات مالت البيت الزقرتيه وين القاها


لازم اول ست شهور بجمات عقبها سروال وفانيله ✌

هههههههههههههههههههههه

عزالله صاج
بس اول جم شهر

تلقاها

عند
دبن هامز