سؤال وجواب اقدر اتزوج طليقتي عن طريق المحكمة؟

[ARMOUR ON]

كل عام وانتو بخير وتقبل الله طاعتكم
ابي ارجع طليقتي ولظروف خاصة مقدر اجيب مملج واروح لهم البيت هل اقدر اروح معاها ويكون مثلا معاها اخوها او ولد اخوها ونملج بقصر العدل عند الموثق الشرعي مثلا ؟
وهل الشغلة سهلة ولا فيها روح تعال ؟

شكرا :وردة:

 

[شمري كويتي]

طبعا تقدر​

شدخل المأذون الشرعي بالموضوع​

ههههههههههههههههه​

حضور المأذون الشرعي للبيت ليس شرط من شروط الزواج​

ادارة التوثيقات الشرعية في وزارة العدل ( المحاكم )​

فيها مأذون شرعي​

اذا الطلاق طلاق رجعي مايحتاج حضور الزوجة ولا احد من اهلها​

بس انت بروحك تروح وترجعها تاخذ بطاقتك وبطاقتها​

واذا طلبوا الزوجة لسماع اقوالها وهل توافق على الرجوع​

الموضوع سهل جدا تروح زوجتك ويسمع المأذون الشرعي​

في ادارة التوثيقات الشرعية كلامها​

اما اذا الطلاق طلاق بائن لازم حضور الزوجة ووالدها اذا كان حي​

اذا كان والد الزوجة حي لا يسد مكانه احد ابدا اطلاقا نهائيا​

اما اذا والد الزوجة متوفي يكون وليها اخوها الشقيق​

ثم الاخ غير الشقيق​

لانه زواج جديد بعقد جديد ومهر جديد​

والمهر حسب الاتفاق حتى لو دينار واحد يجوز شرعا​

حسب قناعة الزوجة ورغبتها في العودة وتسامحها

اذا هي تبي ترجع توافق لو على دينار

اما اذا مالها خلق ترجع بتطلب مهر كبير

اتفقوا على المهر أول قبل لاتروحون

علشان لاتنحرج قدام القاضي

هذا اذا كان الطلاق طلاق بائن​

والموضوع سهل جدا وتخلص بنفس اليوم​

والرسوم طابع بدينار واحد فقط لاغير​

 

[شمري كويتي]

للعلم في مأذونين شرعيين واجد ماياخذون شي ابدا

لانهم ما يحق لهم اشتراط مبلغ معين

اللي يبي يعطيهم اكرامية كيفه

و اللي ما يعطيهم مالهم اي حق عليه​

 

[المهندس عمر]

حلو لما الازواج يرجعون لبعض بدل هدم بيت ,, وفقك الله

 

[اليعربي]

شوف اذا طلاق رجعي يعني طلقه وحده

ما يحتاج ماذون ولا ولي امر


مجرد توثيق اوراق

اما طلقتين تحتاج ماذون وولي امرها

 

[كويتي مال أول]

كل ما أروح للعدل لازم أشهد ... مرات ناس ماعرفهم وأجانب أشهدلهم وأدعي لهم أن الله يوفقهم

الله يهنيكم ويوفقكم



ماتبون شاهد؟

 

[ARMOUR ON]

جزاكم الله كل خير
الشمري شرحك وافي وكافي بارك الله فيك وفي الاخوان
شلون اعرف طلاق رجعي او غيرة انا شفت ورقة الطلاق مكتوب طلقة اولي رجعية
بس صارلي تقريبا سنة وكم شهر مطلقها
يستلزم حضور ابوها او شلون ؟

 

[سنـين التّيــــهـ..]

الله يوفقكم يارب...​

اذا ملجتوا..:امرأة::رجل:



تعالوا الاستراحه...


العشا على بو طلال :شراب:


والفرقه على ناصر:إستحسان:​

 

[شمري كويتي]

جزاكم الله كل خير
الشمري شرحك وافي وكافي بارك الله فيك وفي الاخوان
شلون اعرف طلاق رجعي او غيرة انا شفت ورقة الطلاق مكتوب طلقة اولي رجعية
بس صارلي تقريبا سنة وكم شهر مطلقها
يستلزم حضور ابوها او شلون ؟

هذا يسمى الطلاق الرجعي

انا ما اقدر افتي في الامور الشرعية

لزيادة التأكد اسأل اي واحد من المشايخ​

 

[بدوي ذرب]

اذا طلقتها 3 مرات لازم محلل !!!

يعني تملج علي واحد وبعدها يطلق وترد تملج عليها

واذا تبي محلل انا بالخدمة

 

[خولة]

اذا طلقتها 3 مرات لازم محلل !!!

يعني تملج علي واحد وبعدها يطلق وترد تملج عليها

واذا تبي محلل انا بالخدمة

هل انت جاد ؟! .. المحلل ليس بالاتفاق بل زواج شرعي .. الزواج بنية الطلاق لا يجوز .
​

 

[كويتي مال أول]

اذا طلقتها 3 مرات لازم محلل !!!

يعني تملج علي واحد وبعدها يطلق وترد تملج عليها

واذا تبي محلل انا بالخدمة

تعوذ من أبليس
هل تعرف ماذا لقب الرسول عليه أفضل الصلاة والسلام من يتزوج أمرأه ليحلها لزوجها؟

 

[سور الكويت]

اذا طلقتها 3 مرات لازم محلل !!!

يعني تملج علي واحد وبعدها يطلق وترد تملج عليها

واذا تبي محلل انا بالخدمة

المحلل المستأجر او المتفق معه

يسمى في الاسلام

التيس المستعار​

 

[بدوي ذرب]

الجماعة استلموني ..واتركوا صاحب الموضوع !!

يمكن تعجبنا ونهون ما نطلق ؟؟ ويمكن يدفع مبلغ طيب

وياخذ درس مو كل من زعل طلق ..وابرا مما اقول والله يهديه ويردهم لبعض

 

[خـالد]

بدوي ذرب ، من أحنج مارأيت

 

[بدوي ذرب]

بدوي ذرب ، من أحنج مارأيت

بو وليد .. ما عليك زود

 

[فتحي كميل]

الله يوفقك صاحب الشأن ان أبغض الحلال عند الله الطلاق

 

[ARMOUR ON]

المحلل المستأجر او المتفق معه​

يسمى في الاسلام​

التيس المستعار​

اما التيس المستعار هههه
سألت عنها عبالي غشمرة طلع صج سبحان اللة لهدرجة مكروة المحلل

 

[الكتالوني]

تردها بدون لا ترجع لابوها ولا اي شخص اذا ماكتملت عدتها 3 شهور

بس تروح المحكمه قبل لا تستلم ورقة الطلاق الزرقه

واذا اكتملت العده تزوجها من جديد

انا ياكثر ماتزوجت وطللقت
:وردة:

 

[bujassim]

يعمي الزواج

انا مرتين وتوبه

بدور وحده من بره