أكبر خطيئه تمت في تاريخ الكويت وأكبر من جريمة الغزو نفسها -بالرغم أني أحد المستفيدين -ولكني أقولها اكبر جريمه ترتكب بحق الكويت وأهلها وعن نفسي ماكنت أتمنى ان تسقط القروض بعد التحرير ...
والكل يعرف أسباب اسقاط الأقساط والقروض بعد التحرير..... "رشوه للكويتين" لأمتصاص غضبهم وكسر عينهم وتسكير أفواهم .
بالنسبه لك ولأشباهك المسأله ماراح تفرق كثير سواء تم اسقاط القروض ولا , لأن الحكومه تعرفكم وتبخصكم زين وتعرف بالضبط شلون طريقة تفكير المواطن الكويتي وأسلوب ونمط حياته الأستهلاكي المبذر , فمجرد مايتم أسقاط القروض ....راح "ترجع حليمه لعادتها القديمه " وكأنك يأبو زيدان...... أسف أقصد يأبو زيد ماغزيت وراح أشوف هالكويتين اطردي وطوابير على البنوك طلبا للقروض الأستهلاكيه الربويه للتمتع بمباهج الحياة والوناسه والفشخره الفاضيه عمال على بطال ...مثل مايقول أخونا الشوام ...
وتذكرني زين .........
راح تحط الحكومه " الطوق برقبتكم " وتسحبكم من مكان إلى مكان مثل ماتبي .....وهالشعب التعبان ما عنده إلا الصارخ (ياحكومه لحقي علينا ترانا غرقنا بالديون ..الله يرحم والديك ) كلاكيت ثاني مره الجزء الثاني الحكومه حاطه رجل على رجل تضحك وتتفرج عليكم ..لأنكم مجرد "ورقة لعب" حاطتها بالجيب تلعب فيها بالوقت ألي يعجبها , وكله على حساب الكويت ومستقبلها ...
عموما هيك شعب ....بدو هيك حكومه
نصيحه أخيره للأخ والأستاذ المحترم / جاسم السعدون
ياعمي لاتعب روحك وتجهد نفس ك.....يبا أنت تنفخ ب
جربه مقضوضه
هذي بلد أنتهى أمرها من زمااااااااااااااان ....نعيش في الوقت الضائع قبل مايطلق الحكم صفارة النهايه .....نهاية هذا البلد التعيش وشعبه وحكومته إلى أتعس منه