ترشيد وزاره الكهرباء والماء

[تجمعنا الكويت]

بسم الله الرحمن الرحيم

والله اذبحونا وزاره الكهرباء والماي كل شوي مسج ترشيد وترشيد وقسم بالله حسسوني عايش بافريقيا ماتقول عايشين بالكويت دوله الخير المشكله علي الفقير ترشيد بس وله الغني مايمرون صوبه
والمشكله الحين يعني مغيرين طريقه المسج دازين عزيزي المستهلك ساهم في التقليل من الاحتباس الحراري وتشريد الكهرباء واحنا كل الي عندنا ليتين واحد مكسور فيهم خل يروحون حق الي عندهم ارتدادات طوله كيلو خارج البيت وكلها ليتات شغاله تقول داش صاله افرا مو بيت
ياوزاره الكهرباء انا حتي بالنهار ابي اشغل الليتات شعندكم كيفي انا الي ادفع مو انتو ليل وونهار اخليها شغاله​

 

[جارح]

الوزارة تبي تتستر على خمالها ورداها بس بطريقة ذربة ​

طريقتهم واسهل شي ينفعون شركات الاتصالات ويدزون مسجات على حساب ميزانية الوزارة ​

جيل اغبر ومسؤولين لاحيا وملا مستحى​

بدل تبديد الاموال بالمسجات وتنفيع شركات الاتصالات وفي ظل هالميزانيات الي تعيش دول الخليج مو بس الكويت​

شوفوا لكم شي نذكركم فيه بخير عيزنا واحنا نقول حسوا على دمكم وعيب هالتصرفات ​

ومنا الى وزير الكهرباء والماء الي مااعرف اسمه ولا حتى ابي اعرفه​

 

[عتريس]

السلام عليكم ,,,


ياخي ولله شي مؤسف مايحصل بمعدل مسجين في اليوم الواحد وكلها ترشيد يعني الحمدلله الله عزوجل منعم علينا بالخير والاخوان من 5 سنوات للحين لم يجدو حل لـ مشكلة الكهرباء والماء ,,


أنا سبق وأن حاولت أن آطلق حملة " من حبنا لها بنشتري لها "

ليش مانسوي قطيه " دينارين ونص " من كل مواطن ونشتري مولد كهرباء بفلوسنا ولا منتهم ,,

وفي جزئيه آخرى أنا حسب متابعتي لـ هالموضوع ماشفت أن الكهرباء تطفي علي مجمع تجاري وأهمها الآفنيوز و360 أو بيوت ناس ( هاي هاي ),, ماتنقطع الا علي الناس بالصباحيه والرقه والظهر والعارضيه وخيطان وجم منطقه


السلام ,,​

 

[رجل من الماضي]

وأنا قاعد ارد على هذا الموضوع وصلني مسج من وزارة الكرباء والماء

يقول :

عزيزي المستهلك أن الله لايحب المسرفين فاقتصد لتدوم .


ردي على وزارة الكهرباء والماء أقول لها صندوق التنميه ترى مايقصر


فياليت هالمسجات تحول الى صندوق التنميه الكويتي ليتبرع لكم بمحولات كهربائيه لحل مشكلة الطاقه

احنا اولا من غيرنا

يقول الخبر :

اكدت مصادر إعلامية متطابقة أن الصندوق العربي للإنماء الاقتصادي والاجتماعي وافق على منح الحكومة السورية

قرضاً إضافياً قيمته 30 مليون دينار كويتي لتمويل مشروع إنشاء محطة كهرباء دير الزور.

http://www.alaan.cc/pagedetails.asp?nid=78335&cid=37#​

 

[الواضح1]

بسم الله الرحمن الرحيم​

والله اذبحونا وزاره الكهرباء والماي كل شوي مسج ترشيد وترشيد وقسم بالله حسسوني عايش بافريقيا ماتقول عايشين بالكويت دوله الخير المشكله علي الفقير ترشيد بس وله الغني مايمرون صوبه
والمشكله الحين يعني مغيرين طريقه المسج دازين عزيزي المستهلك ساهم في التقليل من الاحتباس الحراري وتشريد الكهرباء واحنا كل الي عندنا ليتين واحد مكسور فيهم خل يروحون حق الي عندهم ارتدادات طوله كيلو خارج البيت وكلها ليتات شغاله تقول داش صاله افرا مو بيت

ياوزاره الكهرباء انا حتي بالنهار ابي اشغل الليتات شعندكم كيفي انا الي ادفع مو انتو ليل وونهار اخليها شغاله​

وانت صادق حتي الاحرف انت سويت فيها ترشيد

 

[Q8@76]

والله العظيم قهر .... الخير خيرنا ويروح لغيرنا

 

[bujassim]

وزارتنا اي كلام
عندها ميزانيه شكبرها ماتعرف تسوي محطات ؟

 

[مواطن طبيعي]

ابي اعرف كم دفعوا حق شركات الاتصالات عشان يدزون هالمسجات (سيئة الصيت) ؟؟؟ لا يكون السالفه فيها تنفيع حق عيالهم بس ؟؟؟


اعنبو داركم تعطون القاصي والداني وتشحون على شعبكم ؟؟؟


الحمدلله ما ننكر فضل الله علينا ... يالله لك الحمد والشكر


بس يا وزارة الكهربا عيب والله تخرعونا وحنا ببلد الخير ... ازعجتوني بمسجاتكم !!


ابنوا محطات كهربا لديرتكم بدل ما تبون حق لبنان وسوريا اللي بالصيف اذا جيناهم شفنا منهم

معامله خايسه ونصب واحتيال واستغلال وجشع وشوي و يطقونا بالنعال

الكويتي اولى يا يبا

ديرتكم اولى يا شسمكم ... ديرتكم اولى

​

 

[خالد جاسم الم]

رسالة وصلتني من حملة ترشيد:

عزيزي المستهلك ساهم في التقليل من الاحتباس الحراري بترشيد الكهرباء

أخ.. أح

عرفو نقطة الضعف للكويتي
خلاص بنسكر المكيفات
الا الاحتباس الحراري

 

[ملك الإنترنت]

غريبة مافي ترشيد ماء في الكويت

هههههههههههه​

 

[كعضول]

كان الاولى بهالرسايل تتوجه للتجار اللي يملكون الشركات و المصانع فهم من يستنزف الطاقة فوق مستوى حاجته و فاتورته بكل بساطة من غير عناء ولا احساس تندفع من ظهر المواطن اللي على قد الحال من رفع الأسعار عليه واستغلاله

 

[الشاهيين]

الوزاره تبي الفقير يرشد بالاستهلاك عشان الغني بو ليتات افراح يعيش وينعم بالكهرباء
الوزاره ليش ماتكلم الوزارات الي ليتات مكاتبها فاتحه 24 ساعه علي مدار اليوم
والي مومصدق يمر علي طريق الدائري الرابع يشوف مجمع محاكم الرقعي جم مكتب منور