ثورة المترفين.

[بوعمر الكويتى]

يجب على كل كويتي يتوفر له المأكل والمشرب والملبس ​

أن لايحتج على اي شي ويضع لسانه داخل فمه فيكفيكم فخرا الاكل والشرب والملبس
من منكم يحلم ان يقود فورد كراون فكتوريا 2012 مكيفه مزوده بنظام ABS مانع للأنزلاق و Airbag واقي من الصدمات
من منكم يحلم ان ينام تحت وحده سنترال ماركه ونسا طنين ونصف بصوت هادي
من منكم يحلم ان ينام على فرشه طبيه من اسفنج البغلي او الجريوي
من منكم يحلم بلبس دشداشه فضفاضه خامها من كاكولي مطرزه بسروال الفهد​

تبا لكم ماذا تريدون​

خذ فره على اليمن وليبيا وسوريا وتورابورا وتونس
والعراق والصومال وبعدها نجاوبك :وردة:



.

 

[بسطويسي]

خذ فره على اليمن وليبيا وسوريا وتورابورا وتونس
والعراق والصومال وبعدها نجاوبك :وردة:



.

نعم اخي الكريم فالذي ذكرتهم
لايجدون بانزين الترا لسيارتهم الفارهه ونحن هنا نغدق على سيارتنا الفارهه بالبنزين الخصوصي والالترا والبانزين الجديد الوردي الذي لتره بربع دينار
ونحتقر من يعبي بانزين ممتاز
فنحن مترفين والبانزين يشهد لنا فلما الخروج لا أعرف قاتل الله الماسونيه!
يارجل هل تعلم ان الكويتي يبدل ملابسه الداخليه مرتين باليوم!
بينما تلك الشعوب تبدل ملابسها الداخليه مرتين بالسنه​

 

[خولة]

مترفين
عندكم فلوس
عندكم سيارات
وعطور وشسمه
والخ
خلاص .. لاتطالبون بأي حق لكم واحمدوا ربكم..!!
ولا تسألون عن ميزانيات منهوبه ..
ولا تطالبون بقوانين تطبق الجميع ..
ولاتحاربون الرشاوي والفساد
ولاتعترضون على اعلام مسيئ وقنوات تثير الفتن ..
ولاتفكرون في اجيال قادمه مستقبلها مجهول..
مدري متى يستوعب البعض ان سياسه (التعليف) ماتعمر وطن..!!

لا فض فوك .. سعيدة هذه المرة اننا اتفقنا .. :وردة:

 

[بن بطوطه]

حقهم يا اخ زعبي للتعبير عن رايهم ومو كلهم مترفين ترى ...

الي الومهم فيه انهم لجاو للشارع

صاجب السمو قالها نواب وعندهم المجلس يتكلمون فيه

 

[عـيـمـي_24]

يا جماعه

شلون نسينا هذا يقول ثورة المترفين

ونسينا موضي مع التجمع الي صار بساحة الاراده تأييد لناصر المحمد

منو المترفين الحين

 

[اللة يعز دار سلوى]

=عـيـمـي_24;3162002]يا جماعه

شلون نسينا هذا يقول ثورة المترفين

ونسينا موضي مع التجمع الي صار بساحة الاراده تأييد لناصر المحمد

منو المترفين الحين [/QUOTE]
:إستحسان::إستحسان:

 

[ســـ ــ ـند]

هؤلاء الذي تنعتهم بالمترفين لولا الله ثم جهودهم وعزيمتهم الجبارة لما راية طباخ السم قاعد في بيته الان يكش ذبان من بعد ما كان بيده مصالح البلاد والعباد

هؤلاء المترفين واقسم بالله ثلاثاً بان هم من اللي راح يطهرون الكويت من المرتزقة اللي عاثوو فيها الفساد من دون لا حسيب ولا رقيب


راح تشوف بام عينك فعل من نعتهم بالمترفين وماهي الي بضع ساعات تفصلنا عن اليوم التاريخي اللي راح ينكتب فيه اول صفحة من تاريخ الكويت الجديد و المشرق باذن الله على يد هؤلاء الاحرار

 

[madre]

انا اشهد انها ثورة مترفين

لكن للامانه ترى نصهم جايين فزعه ولا يدرون

 

[ح / م ~]

شكثر انبطاحييييين اهني

بعرف الناس هذي شافوا الثورات بالتلفزيون او سمعوا فيها

الحين الواحد والله عيب يوقف مع الحكومه حتى لو كانت بالطريق الصح

خلاص الزمن تغير ماكو دور عبوديه للسلطه وامجد فيها

هذا الزمن زمن شعووووب

تمجيد ... !؟
لم نعرف لتمجيد مسمى اصلاً
الا من خلال مايتناوله بعض الزملاء عن رموز ونواصب
نصبوها لنافي واديهم المقدس..
مبدأهم غصب طيب لازم نحبهم
ونضع القرابيين لهم..
هذا هو زمن الشعوب اللي يطالبون فيه ..!!
ووتقول بعد ان هناك عبوديه لسلطه!؟!؟
اصلاً لو كانت للعبوديه دور فيها
كان ماتجرأت اصلاً حتئ تحط معرفك باسم عيمي بهالمنتدىٓ

لكن ماعليه لان سياسية وشعار الحكومه غلط من اساسه
واله شفيها لو حاطين سيفين وصقر
​

 

[طرفه بن العبد]

ثورة المترفين​

سيحضرون بسياراتهم الغالية وسيجتمعون ورائحة العطر الغالي تفوح من ثيابهم ثم سيسبون شيخين أو ثلاثة ثم سيغادرون بسياراتهم الغالية..ثورة المترفين

يستعبدون خلق الله في بيوتهم وشركاتهم ثم يخرجون في الشوارع مطالبين بالحرية والعدل والمساواة.. ثورة المترفين.


يرضعون من ثدي الوطن أضعاف أضعاف نصيبهم.. هم ودائرتهم الصغيرة ثم يخدعون ( المسحوقين ) ليخرجوا معهم مطالبين بالعدالة في توزيع الثروة.. ثورة المترفين

جبابرة في وطنهم الصغير لكن تتحدي اكبر شنب فيهم يضغط ( الهرن ) مرة واحدة في طابور السيارات علي الجانب الثاني من منفذ النويصيب ..ثورة المترفين
( لعنوا أبو خير ) الهياكل التنظيمية للوزارات والهيئات الحكومية بواسطاتهم وملئوها بكوادر أحزابهم وأبنائهم وأقربائهم الغير مستحقين متجاوزين المواطن المسحوق والمستحق.. ثم يذهبون لاعتلاء المنصات خاطبين ضد الفساد والمفسدين.. ثورة المترفين.

يتطايرون مثل الجراد إلي دولة خليجية صغيرة ليس فيها حرية ولا ديمقراطية ليأخذوا منها أموالاً يستخدمونها للمطالبة بالحرية والديمقراطية في بلد الحرية والديمقراطية الكويت.. ثورة المترفين.

عند الانتخابات يهجرون الوطن ويلجئون لحزبهم وطائفتهم وقبيلتهم وطبقتهم.. ثم عندما يفوزون يريدون أن يحكموا الوطن كله ببدعة الحكومة الشعبية..ثورة المترفين

احسن رد عليك هو رد شايب شمرى قبل 30 سنه على وزير الصحه عبد الرحمن العوضى

يوم بلغوه انه صار وزير عصب الشايب وقال كيف يصير وزير (هنا اسقاط على صاحب الموضوع )
قال الشايب والله وامانه انى بالمطبه

ليش ما تحترم جماعتك وربعك اذا كنت زعبى مدرى زغبى

 

[وين نروح]

نبي نجي بفانيله ومكسّر , جايين جايين مهما تكالبتوا

وأبي أشوف تصريحاتكم بعد يوم الأثنين شلة الجابرية ​

 

[طرفه بن العبد]

يالربع الرياجيل وشجها قعدت تقلب :إستنكار:

يا سونار الله يعافيك تسأل وانت عارف

بعض الذكور اذا صكه النوط ابو الف على خشمه تدمع عيونه ويصير امينه رزق

مثل اختها اللى فوق غنيمه رزق

قوله اخس وجه

 

[ولد عطا]

ياجماعه أثبتو للكاتب لزعبي أنكم مومترفين وأنكم صج أهل للكرامه الي تتكلمون عنهاا وأنكم شجعان وأنكم رجال ونامو بساحة الأرادة :باكي: مايصير تتجمعون 10 بليل لبرد الوقت وترجعون الساعه 12 وغيركم بالدول الثانية الي يطلع مايرد لا هو ولا أهله وتقولون مومترفين ممكن تقولي شلون المترف صاير والله العالم تضحك عليكم لحد يقول سكوبي ودهداري وخرابيتكم عندكم رد ردو ماعندكم أكرمونا بسكوتكم السؤال ليش ماتنامون بالساحه مثل الدول الثانية ثلج وقاعدين وحر وقاعدين مايتنازلون

 

[ساهر الليل]

الاخ غنيم الله يهديك

خليت البردعه ومسكت الحمار

وبعدين كلن يرا الناس بعين طبعه انت مترف وعلى بالك كل الكويتيين مثلك


ماشاءالله مهندس بالنفط وكاتب وبتاع كلو معاشك 10000 من غير علاجك والاوفر تايم والامتيازات الاخري


وفوق هذاوماتبي الكويتيين يخرجون يطالبون بالعداله

 

[بسطويسي]

الاخ غنيم الله يهديك

خليت البردعه ومسكت الحمار

وبعدين كلن يرا الناس بعين طبعه انت مترف وعلى بالك كل الكويتيين مثلك


ماشاءالله مهندس بالنفط معاشك 10000 من غير علاجك والاوفر والابلاوي


وفوق هذاوماتبي الكويتيين يخرجون يطالبون بالعداله

طلع مهندس بالنفط!
والله توني ادرى وفعلا ان عرف السبب بطل العجب!
بعد ماأضربوا ووقفوا تصدير النفط وطعنوا الكويت ومسكوها من اليد اللى تعورها
وتم الرضوخ لهم وصار مترف فتح هالموضوع!
المعاش رزم وتأمين علاج وسفر وخصومات واثاث شقه وبدل واجار او بيت
ماينلام يمكن يخاف يجي مجلس او حكومه تسحب منهم هالامتيازات الفاحشه
قال مترفين قال!
​

 

[Imaginary]

احسنت يا الزعبي​

وصدقت في تسميتها بثورة المترفين


اعجبتني تويته بتويتر


يقول صاحبها ان لكل مظاهرة سبب ؟


سوريه = يبون حريه


ليبيا = يبون حكم عادل


مصر = يبون ديمقراطيه


تونس = يبون تحسين المعيشه


الكويت = يبون نوم و زيادات


فلم استغرب ابدً تلك التسميه والتي اتت في محلها..​

فهم متظاهرين بالاصلاح للبلد


ويتناسون اصلاح انفسهم اولاً!!


ولاعزاء للوطن...!​

:إستحسان: :إستحسان: :إستحسان: :إستحسان:

 

[ابن زيدون]

بسيارته وعطره

من وظيفته الي غصب عن الدوله توفرها له

ويطلب كل حقوقه الدستوريه غصب عن الراضي والزعلان

ما دام متطلباته في الاطار الدستوري

محاولات الاحباط للشعب بسيارته وعطره والخرابيط هذي ماكو احد يهتم لها الحين

للاسف كل محاولات السلطه يائسه

طرشت جويهل ومعروف شنو تاريخه هالشخص
طرشت الفضل كابتن طيار بالخطوط الجويه وانفصل من خدمته لأكتساحه خمور
وهرب من الكويت بعد فضيحته مع الشيخ ناصر صباح الاحمد سرقة القلاده
الوطن معروفه لراعي الناقلات
عبدالحميد دشتي بواق المخيمات
طرشت شكري النجار انكشفت فضيحته باليخت
ضربت الشيعه والسنه عشان تقول شفتوا يا شعب المجلس شلون فتنه
ضربت القبائل الكريمه عشان يقولون شفتوا شلون صار تجت قبة عبدالله السالم بدو وحضر سنه وشيعه

كل محاولاتها يائسه لان الي معاه الحق مستحيل يضعف او ينهزم

ياليت كل العقول والقلوب بمثل ماتفكر فيه :وردة:

 

[عـيـمـي_24]

خلاص انا راح البس دشداشه مخصره

وشماغ برتقالي وعقالي يضحك وسبعتي مو مضبوطه واصبغ لحيتي

واطلع الذيييل من الشمااغ

وما راح اتسبح وراح العب الساعه ٣ العصر كره ٤٥ دقيقه

عشان صج ريحتي تطلع اوك

وما راح اسمع اغاني نوال ورويشد بالتجمع

بسمع مياده العلي

من اول نظررره

جذي احنا مو مترفيين

رجاال تنطح رجال

 

[Imaginary]

ياجماعه أثبتو للكاتب لزعبي أنكم مومترفين وأنكم صج أهل للكرامه الي تتكلمون عنهاا وأنكم شجعان وأنكم رجال ونامو بساحة الأرادة :باكي: مايصير تتجمعون 10 بليل لبرد الوقت وترجعون الساعه 12 وغيركم بالدول الثانية الي يطلع مايرد لا هو ولا أهله وتقولون مومترفين ممكن تقولي شلون المترف صاير والله العالم تضحك عليكم لحد يقول سكوبي ودهداري وخرابيتكم عندكم رد ردو ماعندكم أكرمونا بسكوتكم السؤال ليش ماتنامون بالساحه مثل الدول الثانية ثلج وقاعدين وحر وقاعدين مايتنازلون

هههههههه صدقت

 

[طرفه بن العبد]

ياجماعه أثبتو للكاتب لزعبي أنكم مومترفين وأنكم صج أهل للكرامه الي تتكلمون عنهاا وأنكم شجعان وأنكم رجال ونامو بساحة الأرادة :باكي: مايصير تتجمعون 10 بليل لبرد الوقت وترجعون الساعه 12 وغيركم بالدول الثانية الي يطلع مايرد لا هو ولا أهله وتقولون مومترفين ممكن تقولي شلون المترف صاير والله العالم تضحك عليكم لحد يقول سكوبي ودهداري وخرابيتكم عندكم رد ردو ماعندكم أكرمونا بسكوتكم السؤال ليش ماتنامون بالساحه مثل الدول الثانية ثلج وقاعدين وحر وقاعدين مايتنازلون

احد فهم من ابو المعاطى شى اللى فهم امانه عليه يفهمنى

عضو بلاتينى !!!!!!!!!!!!!!

ينطبق عليه المثل جت تصيح وعودت

لا على بختك ابو المعاطى