انزين ليش ما تعتنق النصرانية دام موعاجبينك كلهم ؟
.
هذا الصج ياخوي
ترگيا أكثر من عرقيه طائفه وعرقيه كرد ومسيح وشيعه وسنه ويهود
لكن تعال شوف الوضع داخل تركيا
تشوف احد يتكلم عن مذهب الثاني او عندهم نظره للدين ؟؟
حسينيات الشيعه بتركيا افضل من الحسينيات الموجوده بايران والعراق
مساجد السنه بتركيا افضل المساجد بالشرق الأوسط
الكنائس تعال وشوف من متى موجوده أكثر من 400 سنه
اليهود عندهم محكمه بروحهم وبامكانهم يزورون دولة اسرائيل
شعب عايش بسلام ولا مره صارت مشاكل طائفيه يمكن بس حلف العمال الكردستاني
لكن تعال للصوب الثاني العرب والعجم
طبعاً انت شيعي خلاص انت مجوسي حفيد ابن سبأ
وخارج من المله وكافر لو صليت وصمت وحجيت
ودام انت سني وهابي ناصبي من احفاد السقيفه
وكافر تعتبر وكل عقيدتك غلط
قناة وصال السني يتقهقه ضحك واهو يشوف فضائح الشيعه كما تدعي وصال
والشيعي فرحة عمره واهو يشوف فضائح الوهابيه النواصب ع قناة الانوار كما تدعي
اتحداك تقول كلامي غلط يا أخ
بالمنتدى هذا حتى لو موضوع عن كره يقولون لك اللاعب رافضي او اللاعب من احفاد بن تيميه
ناس مساكين مغلوب على امرهم عقولهم فل شحن طائفي
انا بحياتي ما شفت حاكم شيعي او حاكم سني مع طائفته
طبعا جذابين يسوون روحهم وطنييه لگن استغلوا هذا الشرخ الطائفي
عشان كل واحد يخوف شعبه من الجهه الثانيه .. واحنا الي نصرب ببعض