مطعم ميس الغانم لا يحوشك.. تعشيت فيه وبعد كم ساعه شالتني الاسعاف للاميري قلبي تعب
احلى كباب هو قصر النخيل وسعره معقول وجو عائلي يصلح اخذ المره واليهال
بس وين مطعم الهدى؟ هل هو بجانب مطعم النجوم العراقي؟!!
مطعم الوزان هذا فيه سواق الشاحنات جالسين فيه؟ معقوله شغله نظيف حق الكويتيين؟
turkish grill تركش غريل
كعضول تصير رفيجى .؟؟
.كم هو جميل ان نصبح اصدقاء ..
دام السالفة يوميا عشاء ومشويات بعد ..
صراحة انت :إستحسان: مو نفس واحد من الربع معزر فينا ومجعص حده
يوم بطاط بيديان ويوم بسكويت وحليب ويوم خبز رقاق وباجلاء
ويوم تلش نقزرها شاى وقهوة فقط :باكي:
دامك جذى اسمع يالحبيب ونصيحة دام ماتبى برستيج ومطاعم فخمة
وعشاء حق ربع الديوانية ..
انصحك بمطعم نظيف ولحومه طازجة
ومشوياته لذيذة جدا ..واسعاره رخيصة جدا .
.عدة مرات اذهب له مع اصدقاء شرواك من المنطقة الرابعة .
وعجبنى طعم مشوياته اللذيذة خاصة الكباب والريش رائعة .
مطعم مشويات (حدائق حلب ) ..
.فى جليب الشيوخ ..وهو قديم من 30 سنة ومعروف
واعتقد اغلب اهل المنطقة الرابعة يدلونه ..
على الشارع الرئيسى من جهة العباسية القديمة
مقابل سينما الجليب و شارع المدارس ..
من وجهة نظرى هو افضل مشويات فى الكويت رغم بساطته
وعيبه وسلبياته فقط انه مزدحم بالزبائن غالبا والطلب يتأخر ساعة
وهناك من يحجز مسبقا دور قبل طلبه.!!!
وبالعافية ..:وردة:
السلام عليكم ..
افضل مطعم للمشاوي
مطعم الهدى بخيطان .. التوصيل على حسب توفر السياره
هذا رقم الهدى سفري 24737545
**
مستر كويتي " كباب عراقي عجيب " بالرقعي
رقم التيلفون للتوصيل 24991996
:وردة:
turkish grill تركش غريل
مطعم الوزان من الساعه ثمان بالليل وانت طالع كله كويتيين
واللحم يقصه قدامك ونظيف ويكفي انه عربي او ما يسمى الهجين العربي مو استرالي او هندي
مادري عن فتره الظهيره او خلال اليوم شنو الزبائن
بالنسبه لسواق الشاحنات شدخل نظافه المطعم بالزبائن
واذا فيه سواق شاحنات على قولتك شي عادي كونه بالشويخ
قاعد اقولك يستخدم لحم هجين عربي في حين ان معظم المطاعم وحتى المطاعم الراقيه تستخدم اللحم الهندي وصار الاسترالي عمله نادره عندهم
ترا المطعم لا تقيسه بديكوره او شكل صحونه او مكانه
من اسوء المطاعم
وانا اصلا اكره المطاعم خصوصا انها تستخدم اسوء وارخص المكونات ولازلت اقول شغل البيت افضل واذا على مشاوي بامكانه ان يشويها بنفسه كلها خيشه فحم وذبيحه من اختياره ويقطعها بنفسه
لكن مهما صار مردنا للمطاعم
في مطاعم اهون من غيرها ووضعنا لاخونا افضل الموجود
تركش قريل الله يديم النعمه هو بصووب والاكل التركي بصوووب
على حسب طال عمرك اذا تبي شي دسم وحلو عليك بفرحات بس سعره مبالغ فيه ولاكن من وجهة نظري يساهل
وعندك مثل ماذكرو الشباب الهدى الوزان وحدائق حلب عندي هو الافضل
ويوجد مطعم بري اسمه باب الحاره هم موطبيعي[/
باب الحاره وين صاير؟ و عنده توصيل ؟
شكرا اخي الكريم
اذا تفضل شي كلاس وهادي بدون ازعاج حتما مطعم الصنوبر على البحر ,,
واذا تبي نظام سريع ولذيذ مطعم النجوم في خيطان ماكو عليه
الصنوبر ما يصلحلي كطلب للديوانيه يالغالي( راح يطشر المعاش اذا بطلب كل مره)
النجوم فيه توصيل؟
ابي مطعم فيه خدمة توصيل من فوق الساعه 9
شكرا اخي الكريم
مطعم الوزان بالشويخ عند دوار الفحم او المهبوله على خط الفحيحيل السريع على فكره اللحم عربي وتقدر تدش المحل وتشوف اللحم
عندك مطعم
وردة الرميثية
في شارع عمان بالسالمية
عنده خوش كباب ..ومع عيش اذا تبي
الهدى مطعم صغير قريب من سينما خيطان
امس كنت قريب عليه و حبيت اجربه بس شفت العمالة كلهم مصاروة لابسين خلاجين مقطنة جان ادق سلف و انحاش
حبيبي افضل مطعم صراحة بالكويت هو مطعم بوابة الصالحية الي في حولي شارع شرحبيل اللحم جدامك يسوي لان عندة قصاب بنفس المطعم ولحم عربي بس لازم تقولة عربي اذا ما قلت راح يعطيك استرالي انا اطلب من عند صارلي أكثر من 16 سنة لا والوالد الله يحفظه صارلة أكثر من 35 سنة يعني قبل الغزو على فكرة الاسم المطعم تغير من سبيل الهادي الى بوابة الصالحية الكيلو مشويات مشكلة مع ماعون عرايس وحمص ومتبل 8ونصف دينار
وهذا رقمه 22615599 اسم صاحب المطعم ابو بشير سوري جربوه وذا طلع موزين لكم حق وتقبلوا مروري سلام