أحــلـــى مــطــعــم فــــي الـــكــــويــــت؟

[كويتيه ماركه]

مطعم سهران :إستحسان:
لناس السهيره​

 

[المهذب]

اذا طلبت أو حتى كنت في مطعم بيتزا هت
لا يفوتك تطلب طبق لازانيا.....شي كبير يا عوومري شي كبير ..!

 

[يمك دروبي]

برج الحمام حلو
وفيلا فيروز احلى

 

[سنـين التّيــــهـ..]

برج الحمام حلو يعجبني

 

[أم فواز]

في كافيه في الافنيوز اسمه paparotti

دمار .. لا لا خيال .. عنده كل انواع الجاي بالحليب وبالزنجبيل

وعنده صمونة طعمها رهيب .. داخلها خليط من المالح والحلو

شي ما اقدر اوصفه .. وعموما هو ما يبيع الا هالصمونه يعني

لازم تاكلونها ​

 

[يمك دروبي]

مطعم الصخرة موب شين
بس من عرفت أنة لحزب الله
بطلت اروح لة

 

[عاقل ومجنون]

السبع الجائع الفحيحيل عنده شاورما لذيييييذه بس لاتجلس عنده

 

[١١١]

هههه
سألت صاحب الليموزين قبل ما نزل للفندق وين افضل مطعم بحريات قال على طول مطعم (شهد)عند سوق الخضرة سمك فرش وعالم زحمة قلت له يعني مطعم زين ونظيف قال ما يحتاج ، نزلت الفندق وريحت شوي وطلعت بروح للمطعم ركبت مع راعي التاكسي الهندي وقلت ابي مطعم شهد على بالي انه من المطاعم الكبيرة والمعروفة مشى شوي وقال ايش مطعم قلت مطعم شهد عند سوق الخضرة قال ما يعرفه راح الرجال يسوى اتصالات بعد ما وقف وقال صديق مافيه مطعم شهد استغربت وقلت نزلني عند الفندق نزلت الا ثنين من الشباب مفتولين العضلات سلمت عليهم وسألتهم عن المطعم ضحك وقال هذا مطعم صغير شعبي واكثر الطلبات سفري وطاولات صغيرة لكن انا بوديك لمطعم عليه الكلام اصر ابن الحلال وطلعت معه وقال بوديك لمطعم بحريات اسمه( برج الحمام ) وبصراحة انحرجت لا اتعب الرجال يمكن بعيد وشفت مطعم (برجر كنج) على الكورنيش قلت يارجال ماقصرت والف شكر لك هذا يمشيني هاليلة وبكرة بطلع لمطعم ( برج الحمام )وفعلا طلعت للمطعم وكان مطعم جيد وخاصة قسم الطاولات اللي بجانب البحر . وفيه مطعم ثاني بحريات ايضا قريب مرة من الابراج نسيت اسمه طبخه زين لكن الجلسة غير مريحة مره .

 

[أم فواز]

المطعم التركي" اميرجان سويتس " في مجمع الافنيوز

و يعتبر من اشهر المطاعم القديمه في تركيا ..

المطعم من كثر ماهو روعه كله تلقون عنده زحمه ..






وطبعا لا تنسون القهوة التركية المشهور فيها



صراحة اعطي المطعم ( 6 نجوم ) ******​

 

[عاقل ومجنون]

المطعم التركي" اميرجان سويتس " في مجمع الافنيوز ​

و يعتبر من اشهر المطاعم القديمه في تركيا .. ​

المطعم من كثر ماهو روعه كله تلقون عنده زحمه ..​

​

وطبعا لا تنسون القهوة التركية المشهور فيها ​

​

صراحة اعطي المطعم ( 6 نجوم ) ******​

بوه شيشه ولا لاااااع .





.

 

[أم فواز]

بوه شيشه ولا لاااااع .
.

والله ما شفت عندهم شيشة .. واتمنى انهم ما يوفرونها
نبي ناكل بدون اثار دخان
تقدر تروح وتسأل ​

 

[عاقل ومجنون]

والله ما شفت عندهم شيشة .. واتمنى انهم ما يوفرونها
نبي ناكل بدون اثار دخان

تقدر تروح وتسأل ​

:باكي:






:باكي:






:باكي:

 

[أم فواز]

مطعم تايلندي اسمه ( Ubon )
مكانه في منطقة الصالحية .. بقرب سفريات الاتحاد الإماراتية ..

عنده أطباق جديدة .. وأفكار حلوة .. مثل هالطبق ( أرز مقلي ) في قالب فاكهة الأناناس :




ومشهورين بالشاي والحليب التايلندي .. وطعمه يختلف وايد عن الشاي والحليب العادي ..




وهذه مجموعه من إطباقه :

 

[سايروس]

ياسلام يافزاعة على المطاعم :إستحسان:
يبيلة
لاازم اسير عليهم

 

[أم فواز]

هلا فيك اخوي سايروس ..
هذا تلفونهم اذا ضيعّت .. انا ما اعرف اوصّف المكان كلش
ت: 22260848

 

[sozy]

السلام عليكم
افضل مطعم فى الكويت للماكولات الكويتية هو كوست الخليج رااااااااااائع , لم اتذوق هذا الطعم الرائع الا عنده​

 

[المهذب]

في مطعم رائع لا يفوتكم ....خصوصا في مجال المجابيس خصوصا مجبوس اللحم والاكلات الكويتية
المطعم اسمه ( أرزاق )
مكانه ..تخيل نفسك في شارع فهد السالم ومجمع المثنى على أيدك اليمين
تلف يمين بعد المثنى تجد أمامك فندق ملاصق بمجمع المثنى اسمه سويس بلازا
مقابل سرداب مواقف مجمع المثنى من هالجهة ستجد المطعم أمامك.
العاملين في المطعم أغلبهم فليبينيات ..عيبه أن عدد طاولاته لا تتجاوز 10 طاولات
بالدورين الأول وألارضي...ماعون مجبوس اللحم مثلا ب ثلاثة دنانير ونص.​

 

[المهذب]

مطعم
محماس
للأكلات الكويتية ..وخاصة مجبوس اللحم ..وبرياني أو مجبوس (مكبوس ) دجاج
....تذكروا هالأسم ...
(...محماس...)
شي رائع بصراحة..هالمطعم خلاني أكره طبخ البيت ..!

عيبه ما فيه قعده داخل..يعني طلبات ..والطلب لازم يكون بحدود 7 دنانير وفوق
موقعه في السالمية ..مقابل مستشفى هادي على الجهة الأخري من طريق الفحيحيل السريع
بجانب المركز الاسلامي (وذكر ) تماما ..​

 

[شرااار]

معطم خوش فلافل

 

[الجيش الحر]

أم فواز بعد نصيحتج بتجربة المطعم التركي اثق بذوقج وانا مغمض وسأزور المطعم التايلندي ان شاء الله.

وخبز الباباروتي خيالي مع جاي الزنجبيل ويسبب الادمان عليه.