موضوعج جميل وشيق اختي الفاضلة سوزان
تبين الصراحة رأيي اهو لا عيب ولا حرام مادام انه كلا الطرفين يتعرفون على بعض بقصد الخطوبة والزواج ويمكن يتفادون الاختلافات او الخلاف مع بعض عشان لا يلجأون للطلاق بعدين والزمن هذا محد يبي الزواج التقليدي الاكثرية طبعا مو قصدي الكل
ثاني شغلة انا تزوجت بالطريقة التقليدية من مواطن كويتي وبنفس عمري بالعشرينات وانا بعد مواطنة كويتية لكن للاسف حصل الطلاق وما استمرينا مع بعض قعدنا بس مع بعض شهر ونص
فاللي استنتجته من خلال تجربتي عشان المرة الجاية ما اقع في نفس اخطائي الي سويتها في زواجي الاول هو اني لازم اعرف خطيبي قبل الزواج وبعد شي ثاني سؤال الاهل عن اهل الولد او الولد نفسه ما ينفع لانه كل بلاوي الطرف الاخر تطلع ويظهر على حقيقته لما يعيشون مع بعض تحت سقف واحد
وشكرا اختكم جوري