سؤال وجواب شهادتي هندسه كهربائية وأبي اكون طيار ..

[MeshoX]

اذا كانت شهادتي هندسه كهربائيه ( بإذن الله ) بكالريوس وابي اكون طيار بقطر او الامارات او الكويت فما هو مسماي وكم الراتب مقارنه بين هذه الدول الثلاث وماهي طبيعه العمل ..

طبعا قبل كل هذا ابي اعرف وين ادرس الدوره للتأهيل سمعت ان في جامعه بالسعوديه للطيران .. وسمعت ان الداخليه يدزون بعثات بريطانيا للطيران الحربي بس يحتكروني مايخلوني اتوظف بغير الداخليه ومايعطوني خبره ومعاشهم اقل من طيار مدني

انا الى الآن ماتخرجت وباذن الله 3 سنوات على اقصى تقدير واتخرج هندسه كهربائيه


معلومتاكم حيل مهمة بالنسبة لي لأني قاعد ارسم مستقبلي وكلي ثقه فيكم ... :وردة:

 

[قبس]

الطيار الكويتي مرغوب فيه بقطر والامارات ورواتب اكثر من الكويت
عشان تصير طيار تاخذ دبلوم طيران (سنتين بس)

كليات الطيران المتعارف عليها بالاردن وبريطانيا
اما السعودية ماعرف عنها شي

الكويتية تعتمد دبلوم الطيران البريطاني فقط ومن كلية وحدة ما اعرف اسمها واحتمال رسومها تكلف 30000 دينار
وحتى لو تجيب الدبلوم ونسبة قبول توظيفك بالكويتية ضعيفة جداً

كلية الاردن ممكن تكون مقبولة من الشركات الثانية

هذي المعلومات الي عندي وموفق

 

[Q8 1]

اعرف واحد درس طيران فى بريطانيا مجمل التكاليف 47 الف دينار
لما رد ماقبلوه الكويتيه يبون ساعات طيران كثيره
الى اعرفه انه يتوظف مساعد كابتن الين مايصير عنده ساعات اكثر ويترقى كابتن طيار
راح اشتغل بشركات ثانيه برا الكويت وجمع ساعات طيران ورد قدم علي الكويتيه هم ما انقبل
بنهايه دخل وظيفه ضابط عسكرى ولا استفاد من شهادة الطيران المدنى
وتخرج عمره كبير شويه عن دفعته

اشور عليك تراجع الخطوط الجويه وتطلع على الشروط بنفسك هناك العلم الاكيد لا تخسر بنهايه