سؤال وجواب أسألة تخص قضية العضل ؟

[Gori]

السلام عليكم ورحمة الله وبركاته

لو سمحتو انا عندي شوية اسئلة تخص قضية العضل :-

اولا: انا متقدم لي رجل لبناني مسلم سني المذهب ... وانا عمري 24 سنة وانا كويتية سنية المذهب هل يصير ارفع قضية عضل على الوالد لأن الوالد مو موافق انه يزوجني منه ؟؟ وهو هذا الشخص الي متقدم لي راح يجي الكويت على شهر 4 لانه هو حاليا عايش برة الديرة عنده شغل وراح يجي الكويت عشان ارفع قضية انا وياه ضد الوالد

ثانيا : شنو شروط رفع قضية العضل ؟؟؟ وجم راح تاخذ من الوقت لو رفعتها وهل راح تنجح القضية اقصد يعني يصير اكسب القضية ولا لا ؟؟

ثالثا : هل في شروط معينة لقضية العضل ما بين المحكمة السنية والمحكمة الجعفرية بخصوص هذي القضية ؟

وشكرا .... :وردة::وردة:​

 

[عذب الاطباع]

الله يستر عليج و على بنات المسلمين

اذا سوّيتي هالشي تذكري


كما تدين تدان


بكره بنتج تسوي فيج مثل ما سويتي بـ ابوج




وترى هالزلمه اللي تحبينه مو دايم لج


بكره ياخذ حاجته منج ويقطج بالشارع وما راح تلقين إلاّ ابوج


عاد شوفي بأي عين راح تطالعين ابوج بعد اللي سويتيه !

نصيحه


لا تطلعين عن شور ابوج لأن يعرف مصلحتج


بكره الله يرزقج بولد الحلال اللي يسعدج

 

[صهيل الخيل]

واللبناني شيبي فيج يا ام الركب السود؟ اكيد يبي معاشج يالدرام ههه مالت عليج انتي وياه

احلى وأصدق تعليق ويمثل الواقع وأعتقد بأن هذا اللبناني نصاب
​