السلام عليكم ورحمة الله وبركاته ..
اولا: انا عضو جديد ومن زمان كنت ناوي اسجل بالمنتدى
لانه بصراحه سمعته حلوة بالاضافة للناس الطيبة اللي تمضية الوقت معهم كنز
>>بلـــش نفاق
..
المهم مالكم بالطويلة
انا سلمكم الله خريج ثانوية عامة هالسنة القسم الادبي
ونسبتي 85% اللهم لك الحمد ..
ومحتار وين اروح ..
طبعا قدمت عالبعثات وحطيت اول تخصص ادارة مخاطر
يمدحونة حيل ويقولون له مستقبل
واذا قبلوني فيه رحت وذا تخصص ثاني ما ظنتي
وقدمت على التطبيقي (مفتش جمركي )
وناطر النفط يفتحون
وما ادري هل اكمل دراستي
ولا اخذ دبلوم واتوظف بالجمارك
ولا اتوظف على شهادتي الثانوية
..وجني سمعت ان عمر الشهادة الافتراضي
سنتين وعقبها انقعها واشرب مايها !!
سنتين وعقبها انقعها واشرب مايها !!
وموسوس وكل ما شاورت زادت حيرتي
المستقبل الوظيفي مسببلي هاجس مؤرق !!
وبن برد يقول :
اذا بلغ الراي المشورة فاستعن بحزم نصيح او نصح حازم
_____
واذا عندكم نصيحة او توجيه لا تقصرون وياي وشكرا لكم
واذا عندكم نصيحة او توجيه لا تقصرون وياي وشكرا لكم