الداخلية: إصدار جوازات المادة 17 للبدون اعتباراً من الأحد

[المراسل]

أبلغت مصادر أمنية ((سبر)) أن وزارة الداخلية ستعيد فتح التقدم بطلب استصدار وتجديد جوازات المادة 17 الخاصة بفئة غير محددي الجنسية اعتباراً من يوم الأحد المقبل، على أن يقتصر الأمر على المرضى الراغبين في

مواصلة القراءة ...

 

[خطاب]

اهو بروحه جواز ماينبلع ومايوديك الا الدول اللي تفيز بمطارها مثل دول اسيا السياحيه وسوريا ومصر

لازم اكون مريض وفي كتاب من الوزاره علشان اطلع هالجواز الخايس الرمادي

حتى تروح عمره مايوديك الا يكفلك ويأمنك كويتي او مكتب تأمين 500 دينار او مع حمله تنربط معاهم معفنه يومين بالباص مع العزاب ولك جم ساعه بالمدينه ويرجعونك

حتى الحيوان اكرمكم الله ياخذ راحته بالسفر جوازه مو مقيد ولا مشروط مثل هالشروط ومع هذا مايصرف

 

[اجبرت الروح]

والله
لو يعطون البدون جوازت احسن عالاقل يربحون شركات الطيران

 

[تويتر الكويت]

نعطيهم جواز

لا ما نعطيهم جواز

نعطيهم

لا ما نعطيهم

جواز ازرق ولا رصاصي

ازرق

لا بنغيره رصاصي

لا اصفر علشان القدساوية

لا اخضر علشان العرباوية

لا خلاص اسود علشان نخلي حياتهم سودة

مدته خمس سنوات

لا هونا مدته سنة وحدة بس

لجميع الحالات

لا غيرنا راينا بس حق المريض واللي يبي يموت

شنو البدون بنظركم بشر ولا فيران تجارب

تراهم ناس عندهم مشاعر ويحسون

ليش تلعبون باعصاب الناس يا حكومة​

 

[استغفر الله~]

اخ بس الله يهديهم ويحلؤون هالمشكله ويريحووونا ويريحون ابهاتنا الكبار اللي عانوا وتعبو وهم بالسلك العسكري وماكو لا تقدير ولا مكأفأه لهم ... الحمدالله ع كل حال

 

[برقان1]

الموضوع خبر قديم منذ سنتين وقد يلتبس على القراء انه خبر جديد

كذلك مخالفته للمادة 25 من قوانين الشبكة

25. يمنع رفع المواضيع سواء من قبل نفس الكاتب أو غيره بدون إضافة حقيقية أوجود مستجدات على صلة بالموضوع.

لذلك ...الموضوع (مغلق )