أستراحة وملتقى الخير لأعضاء وعضوات الشبكة الوطنية الكويتيه (٨)

[خجـل]

بس هالحل مايصير بو عبدالله اروح عرس بعبايه اجلس بالبيت ابرك لي !!
عموما ربعنا ومعارفنا ان شاء الله انهم ثقه ولا يلحقنا بهم شك !
الله يستر عالكل يارب

:وردة:​

 

[ام العيال]

الله يسترنا بالدنيا والاخره يارب بس هذا مو حل ابو عبدالله الي تبي تسوي مثل ماقلت ليش تروح للعرس تقعد بالبيت احسن
الحل هو التشديد على المبيلات ولا تكون صاله ولا أوتيل مايخلوا من هذا النظام ويحرص صاحب الصاله او الاوتيل ان اهل العرس يتحملون المسؤليه ويجب احضار مثل هذه التقنيه في عرس ابنائهم ،، واذا رأت اي معزومه لم يأخذوا مبايل اي وحده تبلغ عنها او تخرج من العرس وبس !! شكراً اخواني على هذا الحوار الرائع استأذنكم
بس ام فواز لاتحطين موضوع البدليات تكفين !! انا اول وحده اتبهدل !! ترضين حبيبتج وخيتج تتبهدل !!

 

[( القلب الكبير )]

بس المشكله في انه ماعاد فيه ثقة ..

هنا المعضله
طيب
راح نرد الى نقطة البداية
مافي ثقة
وفي نفس الوقت بروح العرس لابسه و متزينه
شنو استفدنا
اذا في ناس خونه في العرس ممكن ايصوروني ؟ ​

اليوم ماكو جاي بو عبدالله . أكو عصير فيمتو

لا بقلاوة و لا جاي
طيب
العوض ولا القديعة

​

 

[أم فواز]

هههههههههه ابشري يا ام العيال .. لا لموضوع البدليات :إستحسان:

 

[ام العيال]

يحليلنا كلنا قلنا لأبو عبدالله هذا مو حل !! هههه الله يعينك ابو عبدالله على خواتك في الاستراحه !!

 

[خجـل]

هذا الشاي بو عبدالله ومعاه بسكوت عشاء خفيف مره وحده

عن اذنكم بنزل اتعشى اشوفكم على خير

:وردة:

​

 

[( القلب الكبير )]

شوفي يا شباب
عفوا
اقصد يا حريم
الناس أقصد اهل العرس يبون معازيم
يبون ايكثرون السواد
ولما نحن نجبرهم بعد حضرونا و اعتذارنا و نذكر السبب
اكيد راح ايكون هناك تشديد على التلفونات
​

 

[أم فواز]

تفضل استكانة الجاي بو عبدالله ..

 

[أم فواز]

اشعليك حصلت 2 جاي
وانا بعد أستاذن ..
الله معاكم اخواني واخواتي وتصبحون على خير :وردة:

 

[( القلب الكبير )]

بس هالحل مايصير بو عبدالله اروح عرس بعبايه اجلس بالبيت ابرك لي !!
عموما ربعنا ومعارفنا ان شاء الله انهم ثقه ولا يلحقنا بهم شك !
الله يستر عالكل يارب

:وردة:​

شوفي اختى خجل
الاصل بالانسان الثقة و حسن الخلق
لكن المشكلة اليوم
كما ترين و تسمعين
هذه النوعية من الناس الخونه
اساءت للآخرين
وجعلت الناس تخاف و تتحرج
نسأل الله تعالى ان يحفظنا و يحفظكم
و يسترنا و يستركم
من شر الناس
​

 

[( القلب الكبير )]

مشاهدة المرفق 5636


هذا الشاي بو عبدالله ومعاه بسكوت عشاء خفيف مره وحده

عن اذنكم بنزل اتعشى اشوفكم على خير

:وردة:
​

مشاهدة المرفق 5637

تفضل استكانة الجاي بو عبدالله ..

ما شاء الله تبارك الرحمن
بغيت استكانة
صاروا استكانتين
الحمد لله
جزاكن الله خير يا اخواتى ام العيال و ام فواز

و الله يا ام العيال
صار لي ساعة امجابل ثلاث حريم
وين اقدر اقنعهم
نشفتوا ريجي

بس ارد و اقول
الذهاب للأعراس اليوم يعتبر مجازفة و المجازفة خاسر احيانا
يعنى اللى تروح بكامل زينتها اتحمل المسؤولية
و الله الحافظ

طيعوني
ولا تروحون اعراس
طيعوني و خلكم براقعكم و نقاباتكم
و العباية على الراس ابرك ​

 

[( القلب الكبير )]

أزف الرحيل
سبحانك اللهم وبحمدك .. أشهد أن لا اله الا أنت أستغفرك وأتوب اليك ..
تصبحون وتمسون على طاعة وخير و بركة من الله تعالى ..

محبكم

القلب :قلب: الكبير​

 

[بو عزوز مساعد]

صباح الخير لجميع الاخوة والاخوات

يالقلب الكبير
صباحك ومسائك ورد :وردة::وردة::وردة:

 

[( القلب الكبير )]

السﻻم عليك احبتى الكرام
ورحمة الله وبركاته
و أسعد الله صباح ومساء
الجميع بكل خير :وردة:
اهﻻ اخي العزيز بوعزوز
الله يسعد صباحك أنت ومن سيأتي ﻻحقا
:وردة::وردة::وردة:

اليوم انا قاعد امبجر اشوي
عندي مشوار قلت اصبح على اﻻحباب الكرام
ألتقيكم ﻻحقا ان شاء الله ​

 

[بو عزوز مساعد]

ماشاء الله يعني قاعد مبجر
ههههه
متى قعدت انا قاعد من الساعه 7 قطيت المدارس والحين في الدوام

 

[أم فواز]

وعليكم السلام وصبحكم الله بالخير اخواني بو عبدالله و بوعزوز

 

[بو عزوز مساعد]

صباح النور
اهلا بالاخت المشرفه ام فواز

 

[أم فواز]

ياهلا فيك اخوي ..
اليوم حده صخة ..
سبحان الله أمس بالليل الكل كان موجود
الظاهر كانوا سهارى

 

[بو عزوز مساعد]

انا ماحب ادش بالليل
اكون بالديوانية
ندور السوالف
ههههه

الحمد لله

 

[( القلب الكبير )]

هﻻ عزيزي بوعزوز حياك الله مره ثانية
طال عمرك انا نومي متقطع
يبدأ من قبل آذان الفجر
وتالي اقعد الساعة 7 اقط بتتى المدرسة
ارد انا حدي للساعة 10
بس اليوم قاعد فبل الوعد بنص ساعة

ارحب باختى ام فواز :وردة:
صبحج الله بالخير ام فواز
اطالبج يقﻻوة بقﻻوجي ما راح انسى
لما اذوقها
واحكم عليها تستاهل االحنة :إستحسان:
أو .. ﻷ
​