أستراحة وملتقى الخير لأعضاء وعضوات الشبكة الوطنية الكويتيه (٨)

[أم فواز]

​

يمر عام
ويهل عام
وأنتم شعاع
ينير قلوب الأصدقاء​

وكل عام وأنتم بخير​

 

[ام العيال]

يا ربي عفوك...
بالجنة لو بالقشطة يأم العيال..
تسلم الايادي.:وردة:
.​

بالقشطة ياابو معاذ !! ههه ادري دخت تبي تكتب بالجبنه كتبت بالجنة !! الجنه ان شاء الله نلقا احسن منها !! وهي طلبيه من مطعم مو انا مسويتها الكذب خيبه !! قولي يسلم ذوقج او نقلك اقولك يسلمك ربي :وردة:بس طعمها خيال غير الصوص الي بالنص غريب شوي لونه حليبي مع مكسرات يعني كنافة اسبشل للغاليه ام فواز :وردة:ولكل اهل الاستراحة بعد :وردة:

 

[خولة]

أعترف بسعادتي بالانتهاء من وضع اللمسات الأخيرة على منزلنا الجميل الذي قمت بتنسيقه من الألف إلى الياء وحدي والذي أبهر الجميع بجماله وتميزه . ماعرف أصور وأنزل في المنتدى وإلا كان حطيتها وسمعت رأيكم .

الف مبروك والله يجعله منزل مبارك ، بس لازم تنزل صور ونشوف .. ​

 

[khalid ahmed]

يبارك فيج أختي ما قصرتي :وردة:ما أعرف أنزل الصور أمانةً

 

[خولة]

يبارك فيج أختي ما قصرتي :وردة:ما أعرف أنزل الصور أمانةً

​

سهلة ما يبي لها شيء .. صور واحفظ وبعدين اضف ملفات مرفقة ويقول اختار من مكتبة الصور ونزل .. والا خايف من العين .. ​

 

[خجـل]

يبارك فيج أختي ما قصرتي :وردة:ما أعرف أنزل الصور أمانةً

صور مباشره عن طريق الجوال وادخل الشبكه عن طريق الموبايل فيه خاصيه بالرد اضافة ملفات مرفقه اختار اي ملف وينزل تلقائي بالرد
ومبروك المنزل
:وردة:​

 

[khalid ahmed]

سهلة ما يبي لها شيء .. صور واحفظ وبعدين اضف ملفات مرفقة ويقول اختار من مكتبة الصور ونزل .. والا خايف من العين .. ​

لا حشا والله عندنا وعندكم خير اشدعوى خايف من العين ! أحاول أنزل صور أكثر من مره تفشل ليش مادري

 

[أم فواز]

​

 

[رُبـّـمــا]

صباح الخير يا اهل الاستراحة :امرأة:
عندي موعد س 11 الا ربع مع طبيب العيون
دعواتكم
بالليل البس نظارة شمسية ماتحمل الضوء الا وقت بسيط
عيني اليسار احسها في حالة خمول بس تبتنام

عيني اليمين لا تمام
الحمد لله رب العالمين
يا الله إنك تشافيني وجميع مرضى المسلمين اللهم آمين يا رب العالمين

 

[الدّر]

الله يشفيج إختي العزيزة ربما

ضعي يدك على عينك اليسرى وارقيها بالمعوذات وآية الكرسي وسورة الفاتحة وإن شاء الله خير
ولاتكشخين وايد جدام هالحريم يمكن وحدة عطتج عين

 

[ام العيال]

حبيبتي ربما ربي يشافيج ان شاءالله ،، وان شا اللهء عارض ويروح بس عندج طبيب البحر مال العيون فيه خوش أطباء
صاجه الدر الرقيا تنفع ترى ،،، مسكينه تدودهت دازه لج مكرر ثلاث مرات ،، لج بالقلب ياربما من يحبج :وردة: :قلب:
ربي يديم عليج الصحة والعافية وعلى كل المسلمين انا سمعت اذا دعيتي لاحد ادعي للمسلمين معاج بدعائج لكي يستجاب ،ماتشوفين شر :وردة:

 

[أم فواز]

صباحكم ورد :وردة:
ماتشوفين شر حبيبتي ربما .. وان شالله ما تطلعين من طبيب العيون الا وانتي مرتاحة

الدر شفيه جهازج ههههههه .. مستهل من صباح الله خير

 

[الدّر]

ضبطيني أم فواز مسحي المكرر ماعليج أمر

صباحكم الهواء العليل

 

[أم فواز]

هههههه تم طال عمرج :وردة:

 

[أم فواز]

صباحج ورد ونوير اختي ام العيال :وردة:

 

[الدّر]

مشكورة تسلم الأيادي

ماتعرفون أكاونت يبيع (دوااا) شتوية بس شكلها حلو وملونة ؛)

 

[ام العيال]

هلا فيكم وصباحكم طاعه وذكر الكريم ام فواز والدر :وردة:

شوفي حبيبتي @الدّر عندج بالري عند الايرانيين الي قبال سوق الجمعة ،، وعند الصفافير الي بالكويت حول سوق الاوقاف وراه جنه عندهم شغلات حلوه ،، وكان عندي اكاونت
بدوره لج حبيبتي :وردة:ان شاء الله ماضاع من كثر مااضيف وامسح بالانستقرام ،،

 

[أم فواز]

مشكورة تسلم الأيادي

ماتعرفون أكاونت يبيع (دوااا) شتوية بس شكلها حلو وملونة ؛)

فيه اختي الدر بس وايد غاليين ... اسعار مبالغ فيها
ماكو الا سوق الصفافير ,, عندهم اشكال و أرناقطبي وتخيري وبأسعار معقولة

 

[ام العيال]

@الدّر حبيبتي شغت لج مو اكاونت واحد الا على كيف كيفج !! روحي للانستقرام وحطي بالهشتاق كلمه بس دوه ويطلع لج اكثر من واحد وان شاء الله يعجبج واحد منهم :وردة:

 

[أم فواز]

@Kuwaiti_creative
هذا انستغرام يبيع دوّات جذيه :