يا هلا اخي الجهراوي
طيب اهو بعد قال انا لاني بدوي ولاني حضري
شنو تفسيرك لبقية الجملة يا ترى؟؟؟
عفوا
اسلوب النفي اسلوب رخيص وماراح يطوف على الناخبين
بالكويتي الفصيح ماكول خيره
المحارب متأثر بالانتخابات الامريكية
الطيب مفكر حاله ( المرشح الديمقراطي اوباما )
لكي ينجح المرشح لابد من توفر 4 شروط
1- قاعدة ينطلق منها سواء قبيلة أو حزب أو طائفة
2-مواقف وطنية
3- خدمات للناخبين
4- حضور اجتماعي واعلامي
ولا شرط ينطبق على المحارب
فهاردلك
وحاول مرة اخرى
حكمه والله حكمة يالجهراوي .... وكلامك ذهب ومدوزن صح
لابد من قاعدة او تيار
مواقف وطنيه
حضور اجتماعي
اما مسالة (( صلبيخات مو للبيع )) فهذي اقولك استريح والغانم اثبت انه للبيع
الجهراوي على فكره ليش هالكثر محتر ومتحامل على المحارب يا اخي اشوي اشوي حرقت المشاركات حرق على موضوع المحارب وعموما ترى الشباب كلهم داعمين المحارب وصدقني اوباما هذا اللي مو عاجبك ومو عاجب ربعك احنا مراهنين عليه واتمنى اتزور كم ديوانيه بصليبيخات والدوحه وغرناطه والقيروان وانت نازل وشوف الدعم والتاييد حق المحارب البلد غرقانه وانت تقول خدمات شراح اتفيدنا الخدمات والمعاملات شوف طرح الرجل فكر وتشريع واسلوب والله في الدائره لحد الان محد ترس عيني من الجدد وحتى من بعض القدامى كثره يا عمي للحين اتدور معاملات وترزز وتحيلق حق النواب المصلحه والوطنيه يالجهراوي ابدى وبعدين انت جهراوي شكو يالثانيه........
حدك مفضوح يا الجهراوي هدي اشوي يعني اللي يطرح طرح وطني تقول هاردلك واللي يبيع ويشتري تلمع فيه...وعلى فكره منصور المحارب ما قال كل اللي تقوله بصيغتك المفضوحه ولاهداف مكشوفه بس ما اقول اذا هذه النوعيات اللي مثلك اكيد بنرجع ورا...وحلوه زئبق اتفجج من الضحك؟؟؟لانها شعار ربعك وكلامك وتعريفك عن الخدمه ومصلحة المواطن لم يقدمه بطرح راقي الا المحارب حتى الان...وعطنا ربعك شنو قدموا
معنى كلامك يا الجهراوي ان الكويت بتتم في هالتخلف اللي فيها صح؟
تجاوزات وواسطات وراسك خشمك وتكتلات طائفية وقبلية
يعني الكويتيين ماراح تتوحد صفوفهم ابدا ؟؟
جنك تقول لا للتجديد لا للتطوير لا للتقدم لا للنهوض بمستوى البلد
والله حرام .. وين كنا ووين صرنا
........................
الله اكبر عقب ما كنا جدام .. صرنا تلايا الناس ومحد ورانا
وما المشكلة في تغيير الواقع يا الجهراوي؟؟
عندما نقتنع انا وانت بفكرة .. ثم ينضم لنا اثنان .. ثم عشرة .. فألف
بعدنا سينشأ جيل أفضل منا بكثير
وعلى الرغم من عدم توفر الشروط الاربع بالمحارب .. إلا انني اتمنى وصول المحارب وكل شاب في نفس تفكيره واهدافه للمجلس ..
أشكر سعه صدرك عزيزي
ودمت بالف خير