الأرستقراطي
عضو فعال
لاحول و لا قوة الا بالله ،،، دازين لي ڤيديو في رجال غرقان بالدم و يتشهد بسوق الجمعه ،،، منو يعرف سالفته
أنا شفت المقطع لكن موعارف سبب نزيف الرجل الله يشفيه ، المفروض من الموجودين ما يوقفون ويطالعون الرجال ينزف المفروض يشيلونه ويطيرون فيه على أقرب مستشفى علشان يوقفون النزيف ويعطونه دم لكن الناس صارت سلبيه بطريقه مخيفه لو كان أخو واحد منهم كان مانطر ثانيه وحده
لا حول ولا قوة الا بالله
الله يرحمه ان شاءالله
واتمنى حذف الموضوع علشان ليكون دعايه بطريقه غير مباشره للفيديو سيئ الذكر
و الله يسامح المصور
لا حول ولا قوة الا بالله
انا شفت المقطع .. شي يعور القلب
الرجال الله يرحمه ويغفر له مو عارف شنو يسوي
وده يفتح صدره من الام .. واستفراغ الدم كان مخيف
الرجل زاع دمه كله
الله يستر بستره
زوجته الله يصبرها ويعينها كانت مصدومه وتصيح
ماتدري تتم يم زوجها ولا تلم عيالها !
تصيح على مصابها وبنفس الوقت تنادي عيالها
اخر شي خذت زوجها بحضنها كأنها امه
يارب تسترنا
يارب ترحمه وتغفر له وتصبر اهله وزوجته وعياله
قسم بالله موقف يبجي الحجر
اسئل الله العظيم ان ينتقم من المصور ويبليه بعمره
....الله يرحم المتوفي
الريال من سكان منطقة الفنطاس وعنزي
وكان يعاني من جلطات بااخر ايامه وكان يستعمل مسيل الدم
وبسوق اليمعه صارت معاه جلطه حاده ومن قوة الجلطه دخل الدم بالرئه وقام يرجع دم المرحوم
وبالنسبه للي صور المقطع انا اشوف انه جزاه الله خير الي خلانا نشوف المقطع منه الناس تتضع ان الموت يأتي فجاه بدون انذار
وانه خلانا نترحم علي المتوفي
واتوقع ان نسبه كبيره شافت الفيديو وترحمو علي الميت
الله يرحمه
لاطبعا وانا ماكنت اقصد الي فكرت فيه....
للموت حرمه ومعنى كلامك انك تأيد كل من يصاب في حادث ويموت يجب ان يصور لكي تكون عبره وموعظه عن الموت ..
فهل تقبل ان يصور قريب لك وهو يحتضر والدماء تسيل منه بهذا المنظر ... رحمنا الله احياء كنا واموات