رُبـّـمــا
عضو مخضرم
بسم الله الرحمن الرحيم
شلونكم اخواني خواتي .. شخباركم ..
انا بخير الحمد لله ..
ومنشغلة بترتيب الأوراق ..
عندي دفاتر متكدسة بدنيتي ومكتبتي قديمة ماتشيل ..
وعندي ملفات جديدة حابة أضيفها ..
سنة
2013
حاطة بقشتها على راسها تقول تأخرت والمشوار طويل ..
ووصتني جم وصية قالت لي :
يا بنيتي ثلاث إلزميهم والتزمي فيهم :
* النية الطيبة
* التسامح
* التفاؤل
وثلاث لا تخذلينهم :
* الصبر
* الكرامة
* العفاف
وثلاث وخري عنهم :
* النفاق
* الطمع
* هوى النفس
وثلاث تعلّميهم :
* التوفير
* الحكمة
* اقتناص الفرص
وثلاث جابليهم :
* قرآنج
* أمج وابوج
* عيالج
وثلاث احترسي منهم :
* كيد الحريم
* القال والقيل
* فتح دفتر قديم
وثلاث تودّدي لهم :
* سجادة الصلاة
* الصمت
* الخير
وقالت بعد :
انا بروح وبترك لج دفتر جديد ..
ارسمي فيه نفسج بالطريقة اللي تحبين.تكونين عليها ، ولا تفكرين وانتي ترسمين انها بتعجب الناس أو لا..
لأني عطيت كل واحد منهم دفتر يرسم اللي يبيه ..
انا بروح وبسلّم الأمانه لأمكم
2014
يا عاالِم تلحقون على الدفاتر أو ينتهي وقتكم وتروحون معاي !
وقبل لا اروح يا ربما قوليلي اللي بخاطرج تحققينه وتسوينه وتتمنينه بالسنة الجديدة ..
قولي بس بشرط ..
تقرنين اللي بخاطرج بالدعاء .. واليقين الجازم بأن الله العظيم يملك تحقيقها ..
وقعدت اعدد عليها شنو أبي واتمنى لي ولأحبابي وللكون وهي تنصت لي بكل حب وشغف ..
قالت والحين لازم امشي واتوكل على الله المسافة من الأرض للمجهول يا بنيتي طويلة ..
حاولت اخليها تقعد
وتكشت في
2014
حاولت اقنعها ماتتركنا بس للأسف فشلت ..
والحين..
ممكن تقولون لي شنو بخاطركم ؟
آنا أؤمن.جدا في إن الأماني المكتوبة تكون أقرب للواقع من مجرد رصدها في البال والخاطر ..
شنو بخاطرك في السنة الجديدة ؟
شنو ودك يصير ؟ يتغير ؟
شنو تتمنى ؟
شنو فيك مأذيك وتبي تلغيه ؟
ممكن تشاركونا اللي بخاطركم ؟
شلونكم اخواني خواتي .. شخباركم ..
انا بخير الحمد لله ..
ومنشغلة بترتيب الأوراق ..
عندي دفاتر متكدسة بدنيتي ومكتبتي قديمة ماتشيل ..
وعندي ملفات جديدة حابة أضيفها ..
سنة
2013
حاطة بقشتها على راسها تقول تأخرت والمشوار طويل ..
ووصتني جم وصية قالت لي :
يا بنيتي ثلاث إلزميهم والتزمي فيهم :
* النية الطيبة
* التسامح
* التفاؤل
وثلاث لا تخذلينهم :
* الصبر
* الكرامة
* العفاف
وثلاث وخري عنهم :
* النفاق
* الطمع
* هوى النفس
وثلاث تعلّميهم :
* التوفير
* الحكمة
* اقتناص الفرص
وثلاث جابليهم :
* قرآنج
* أمج وابوج
* عيالج
وثلاث احترسي منهم :
* كيد الحريم
* القال والقيل
* فتح دفتر قديم
وثلاث تودّدي لهم :
* سجادة الصلاة
* الصمت
* الخير
وقالت بعد :
انا بروح وبترك لج دفتر جديد ..
ارسمي فيه نفسج بالطريقة اللي تحبين.تكونين عليها ، ولا تفكرين وانتي ترسمين انها بتعجب الناس أو لا..
لأني عطيت كل واحد منهم دفتر يرسم اللي يبيه ..
انا بروح وبسلّم الأمانه لأمكم
2014
يا عاالِم تلحقون على الدفاتر أو ينتهي وقتكم وتروحون معاي !
وقبل لا اروح يا ربما قوليلي اللي بخاطرج تحققينه وتسوينه وتتمنينه بالسنة الجديدة ..
قولي بس بشرط ..
تقرنين اللي بخاطرج بالدعاء .. واليقين الجازم بأن الله العظيم يملك تحقيقها ..
وقعدت اعدد عليها شنو أبي واتمنى لي ولأحبابي وللكون وهي تنصت لي بكل حب وشغف ..
قالت والحين لازم امشي واتوكل على الله المسافة من الأرض للمجهول يا بنيتي طويلة ..
حاولت اخليها تقعد
وتكشت في
2014
حاولت اقنعها ماتتركنا بس للأسف فشلت ..
والحين..
ممكن تقولون لي شنو بخاطركم ؟
آنا أؤمن.جدا في إن الأماني المكتوبة تكون أقرب للواقع من مجرد رصدها في البال والخاطر ..
شنو بخاطرك في السنة الجديدة ؟
شنو ودك يصير ؟ يتغير ؟
شنو تتمنى ؟
شنو فيك مأذيك وتبي تلغيه ؟
ممكن تشاركونا اللي بخاطركم ؟