سؤال وجواب سؤال عن الأبر :)

[جواهر*]

السلام عليكم
أسعد الله أوقات الجميع بكل خير
...
سؤال عن سبب منع ابرالمضاد الحيوي من زمان اي مريض التهاب لوز وغيره يخيرونه بين الأبر او الكبسول مضاد حيوي
ليش من سنتين مانعينهم
في ضرر مثلا؟؟
وسؤالي الثاني عن ابرفيتامين دال اي شخص فيه نقص اول علاج له كورس ثلاث شهور مل شهر ابرة فيتامين دال
وايد ناس واطباء يقولن مو زينة الابر على الجسم وتضر الكبد !ماعرفنا الاطباء يعطونها والاطباء يحذرون منها ننو نصدق !؟
أفيدونا جزاكم الله خير​

 

[إنفصام]

اذا الاطباء علي كلامج اختلفو
احنا المساكين بنعرف !

وماتشوفون شر

 

[أم فواز]

وسؤالي الثاني عن ابرفيتامين دال اي شخص فيه
نقص اول علاج له كورس ثلاث شهور مل شهر ابرة فيتامين دال
وايد ناس واطباء يقولن مو زينة الابر على الجسم وتضر الكبد !
ماعرفنا الاطباء يعطونها والاطباء يحذرون منها ننو نصدق !؟
أفيدونا جزاكم الله خير​

هلا اختي فوضت امري لله
بالنسبة لأبر فيتامين دال .. يعطونها للمريض اللي نسبة النقص عنده كبيرة
يعني اذا بيّن الفحص ان النسبة نص ونص يعطونه حبوب ..
والابر مفعولها أقوى وأسرع من الحبوب ..

ترى فيه وايد أشياء يسوونها هني عندنا ويبالغون فيها ..
على سبيل المثال .. مرة طقيت السرير بأصبع رجلي و ورم عليّ
ورحت الطبيب وقالي لازم نجبسه لج .. وكان بعدها بيوم بسافر
فتخيلي شكلي وانا مسافرة ومجبسّة ريولي !
طبعا ما رضيت لاني حسيت ان الرضة مو قوية ولا تحتاج جبس
يوم سافرت بعدها ووصلت هناك .. اول مارحت الطبيب جان يحط
على صبعي مرهم ولفها بشاش وقال لي حاولي ما تمشين عليها وايد !!
متخيلة الوضع ؟
هذاك يقول لي جبس .. قبسّت عليه بومة :وردة_ذابلة:
مع احترامي لبعض الاطباء رايحين فيها ومايدرون وين الله قاطهم

 

[Way one]

اختي الكريمه فوضت
هذي اسئله حساسه تتطلب اخصائيين ..وليس محلها الشبكه .
وبالنسبه للحالات .الافضل يراها طبيب .بعدين يقرر .لكن نظريا" صعب الوصول للنتيجه المطلوبه للتشخيص .
مراجعه الطبيب مهمه جدا" ..
..
اختي ام فواز
طبيب الكويت لم يخطئ ..والطبيب الخارجي .اتخذ تشخيصه بناء على الوضع المرئي ..ترى حسبة الوقت اثناء الرضات او الكدمات مهمه .ممكن يكون في تجمع مياه .او دم متجلط او ما إلى ذلك ..
يعني مثلا ..
انا طبيب ..يأتيني مصاب برضه قبل ساعه .يختلف تشخيصه عن المصاب بعد يوم . فهنا ممكن يحدث تطور ايا" كان لحالة المصاب .
والاغلب تخف الرضه . بعد ساعات ..جذي اكثر الحالات ..
بالنسبه لفيتامين د ..تصدقين احس مرات انه مرض العصر !

الله يشفي مرضانا ومرضى المسلمين

...

 

[أم فواز]

اختي ام فواز
طبيب الكويت لم يخطئ ..والطبيب الخارجي .اتخذ تشخيصه بناء على الوضع المرئي ..ترى حسبة الوقت اثناء الرضات او الكدمات مهمه .ممكن يكون في تجمع مياه .او دم متجلط او ما إلى ذلك ..
يعني مثلا ..
انا طبيب ..يأتيني مصاب برضه قبل ساعه .يختلف تشخيصه عن المصاب بعد يوم . فهنا ممكن يحدث تطور ايا" كان لحالة المصاب .
والاغلب تخف الرضه . بعد ساعات ..جذي اكثر الحالات

الا غلطان وأقول هالكلام على مسؤوليتي
يا خوي @مع الله .. بعض الأطباء حتى ما يطلّون بوجه المريض .. اشخطوا هالروشتة وسيدا الصيدلية !
الرضّة اللي صارت لي ابدا ما تستاهل ان ريولي تتچبس شدعوة ؟ خو كلها صبعي الصغير !!
عموما ترى احنا بموضوع ثاني ونأسف لهذا أختنا @فوضت امري لله:وردة:

اخوي @مع الله بالنسبة لمرض نقص فيتامين د ترى حتى هاليهال قاعد يصير فيهم .. الله المستعان .

 

[تويتر الكويت]

يعني مثلا ..
انا طبيب ..يأتيني مصاب برضه قبل ساعه .يختلف تشخيصه عن المصاب بعد يوم . فهنا ممكن يحدث تطور ايا" كان لحالة المصاب .
...

هل فعلا انت طبيب او انك تفترض انك طبيب

 

[تويتر الكويت]

بالنسبة لنقص فيتامين دال من اهم اسبابه
عدم التعرض الكافي لاشعة الشمس المباشرة في الاوقات المسموح بها التعرض للشمس

 

[جواهر*]

أخوي القدير @إنفصام
الشر مايجيك ... واحنا لنا الله
الغالية @أم فواز
صحيح كلامك الاطاء مو دائما تشخيصهم سليم وصحيح وابسؤال بعرف هل فعلا ابر فيتامين دال لها آثار جانبية؟
المعروف كل علاج ودواء له اثار واعراض وتختلف في اللي اثرها قوي واللي ضعيف...

أخوي العزيز @مع الله
موضوعي مو القصد منه استشارة في علاج باخذة انا ابي اعرف معلومات عن هذي الادوية ومتأكدة في بالشبكة ناس عارفة وعندهم دراية بهالموضوع ..
وكل الشكر لكم على المشاركة

 

[جواهر*]

اخوي @تويتر الكويت
رغم انه سؤالي مو عن أساب نقص فيتامين دال .. بس احب افيدك انه الاكل اللي اغلبه معلب مضاف اليه مواد كثرت اكل الجن سبب من أسباب النقص والخلل بالفيتامين بالإضافة لقلة التعرض للشمس.....

سؤالي عن ابر المضاد محد جاوبني؟؟
COLOR]

 

[الخاطر]

أختي الدكتور صارف لي فيتامين ( د ) شهر نوفمبر 11
وكنت متردد بأخذها
هذا مؤيد وهذا يحذر والنت من صوب ,,,{ وضعت بالطوشة }
وتوكلت على الله
وأخذت الابره يوم الثلاثاء 14/1/2014وسافرت نفس اليوم
بس عند اخذها شوى آلام
بالعضل نصف يوم وتوني جاي امس من السفر وماشفت إلا الخييير​

 

[تويتر الكويت]

كثرت اكل الجن سبب من أسباب النقص والخلل بالفيتامين بالإضافة لقلة التعرض للشمس.....

سؤالي عن ابر المضاد محد جاوبني؟؟
COLOR]

هل تقصدين الجبن
ولماذا كثرة أكل الجبن يؤثر على فيتامين دال

 

[Way one]

القضيه ماهي قضية اني طبيب او لا
انما مثل هالامور الصحيه .تعتبر حساسه .حرصا" على صحة المريض .لذلك مكانها في العياده .عند اطباء مختصين . مو هنيه انا مثلا كادود وانيت شعرفني بالادويه والابر والاعراض المصاحبه لهن
السالفه مو حدره بدره

مع خالص الاحترام والتقدير للإخت الفاضله فوضت صاحبة السؤال .والاخوه والاخوات الطيبين
وعلى رأسهم اختي الشيخه ام فوازواخوي الشيخ تويتر الكويت والاخ الفاضل انفصام والاخ الفاضل الخاطر ..

وتسلمون وتعيشون ...

 

[جواهر*]

شكرا للاخوة المشاركين
والله يبعد عنكم وعن الجميع المرض وكل شر

سؤال مالقيت له جواب ابر البنسلين ليش ممنوعة؟

 

[Way one]

ابر البنسلين ..مو ممنوعه اليوم صرفت لمريضه مسنه ..

اختي العزيزه الاستاذه الفاضله فوضت :
الافضل مراجعة الطبيب الاخصائي ..واسأل الله السلامه لكل مريض ...

...

 

[تويتر الكويت]

شكرا للاخوة المشاركين
والله يبعد عنكم وعن الجميع المرض وكل شر

سؤال مالقيت له جواب ابر البنسلين ليش ممنوعة؟

يمكن عدم توفر الابر بكثرة بسبب رخص أسعار الحبوب
الحبوب أرخص من الابر ( الحقن )
لا صحة للإعتقاد السائد بأن حقن الدواء ( الإبر ) أفضل من إعطائه بالفم.
في العديد من الحالات يكون أخذ الدواء
عن طريق الفم أفضل من أخذه بواسطة حقنة،
إن خطر معظم الأدوية يزداد عند حقنها بدلا ً من أخذها بالفم.
كذلك فإن حقن طفل مصاب بالشلل البسيط
( وعلاماته كعلامات الزكام )
قد يؤدي إلى الإصابة بشلل حقيقي
يجب أن يكون حقن الأدوية محدودا ً جدا ً
وحقن ابر البنسلين يحتاج فحص للحساسية
لان بعض الناس لديهم حساسية شديدة من البنسلين
وممكن ان يؤدي اخذ الابر لوفاة الشخص الذي لديه
حساسية من ابر البنسلين
وتذكرون أول كان الطبيب يطلب فحص
لحساسية الشخص للبنسلين قبل اعطائه ابرة البنسلين
بالاضافة الى ان اعطاء الابرة بالخطأ يسبب أضرار للمريض
حيث ان بعض الممرضين والممرضات
لايملكون المهارة والخبرة الكافية في حقن الابرة بالطريقة الصحيحة

 

[جواهر*]

أخوي العزيز @مع الله
اعرف اكثر من مستوصف مايعطون والدكاترة اللي فيه يقولون اكثر من سنتين ممنوع وبدون مايكرون سبب منع!؟

الاخ القدير @تويتر الكويت
شكرا للمعلومات القيمة والتواجد

 

[Way one]

شكرا" استاذه فوضت

اصدق كلامك .. ولك كل احترام وتقدير

..