القلاف في الأولى

[أبوعبدالرحمن العبدلي]

قرر النائب السابق حسين القلاف خوض انتخابات مجلس الامة 2008 وسجل اليوم اسمه في قوائم المرشحين بالدائرة الاولى ، وكان القلاف قد اعرب اكثر من مرة عن عدم نيته خوض هذه الانتخابات حيث قال مؤخرا بانه لن يغامر بعمامته في الانتخابات

 

[Modest]

كل يوم اعلان انه ما راح ينزل ومسوي دعوه للقنوات ويؤكد انه لن ينزل ...

هذا سيد ويجذب ...

شلون يمثل الامة باجر ...

 

[السباعي]

هذا مثل مسيلمة الكذاب كل يوم له راي ماله كلمة رجال وهو معروف عنه سندباد نازل عناد على عدنان
وليخرب ويشتت اصوات الاخوان الشيعة
بالامس كان يقول لا انا ضد التحالفات وضد التحالفات
والكل شافه من يدخل يوم الاقتراع حاط ايده بايده المرشح صلاح خورشيد يفترون على الغرف التصويت ويكلمون الموظفين والامن وتالي بالاخير يقول ما في تحالفات وانا ضد التحالفات

ونزوله مع خورشيد في قائمة واحدة هالمرة ياكد تحالفه (القديم الجديد) مرة اخرى
لكن شكله راح ياخذ طراق ثاني
بس لا يطعن بشيعة الكوفة ههههههههه

 

[سيف خالد]

مسكين السيد قعد شهر ايمع هالشباب بالحوش ويشرح لهم معنى العمامه واهمية العمامه ودور المؤمن في الحفاظ على العمامه وما وراء العمامه وما فوق العمامه وترشيح العمامه و الويل الويل لمن يخون العمامه ولا يعطي العمامه صوتا ولن اخون العمامه ولن اهين العمامه ولن ابيع العمامه ..

وبالاخير نزل بالأولى ..

ويا ويلكم يا سواد ليلكم

اذا ما فازت العمامه ..

 

[السباعي]

لا وينه وينه اللي قال ماراح ينزل وماراح ينزل
واذا بأنزل بالرابعة مدري الخامسة
ضيع خارطة الطريق ولا وين الخريطة

 

[رؤى]

الله يسامحك يا سيد

 

[ذو الفقار الحيدري]

--------------------------------------------------------------------------------

قرر النائب السابق حسين القلاف خوض انتخابات مجلس الامة 2008 وسجل اليوم اسمه في قوائم المرشحين بالدائرة الاولى ، وكان القلاف قد اعرب اكثر من مرة عن عدم نيته خوض هذه الانتخابات حيث قال مؤخرا بانه لن يغامر بعمامته في الانتخابات

هذه الباية يا سيد
وبعدين هدد الناس يجدتك الزهراء سلام الله عليها

 

[راشد الهاجري]

وين اللي بكو بدموع من دم عندما سقطت العمامه

هل سيعطونه المره هذي؟؟؟؟

 

[الراي]

الله يوفقه انشالله

 

[شيعي ليبرالي]

يا عمي احنا بالمجلس ما نبي سيد نبي واحد يخدم الكويت

 

[q8_1990]

تصوري راح يصير سقوط مدوي للشيعة في الدائرة
الاولى ممكن ان يحصلون على مقعد او مقعدين بالكثير

 

[قديم]

امبين من ردود فعل الاخوان

انهم تأثروا وايد بنزول السيد القلاف

وانا معاكم ابادلكم نفس الشعور

بس خلونا نتحكم بالعقل

اول شى ترى حرية الترشح مكفولة للكل

وثانيا السيد القلاف ماراح يكون له اى تأثير على المرشحين الاقوياء

ولكن تأثيره على المرشحين الضعفاء

وبالتالي اتصور ان اللى خايف من نزول السيد هو المرشح الضعيف الذي لا يستحق ان يرشح روحه للمجلس

 

[السباعي]

وثانيا السيد القلاف ماراح يكون له اى تأثير على المرشحين الاقوياء

ولكن تأثيره على المرشحين الضعفاء

وبالتالي اتصور ان اللى خايف من نزول السيد هو المرشح الضعيف الذي لا يستحق ان يرشح روحه للمجلس

هلا والله كلام سليم
بس ليش ما قال هالكلام الجميل من نزل عدنان عندكم في الرميثية وقامت القيامة والا هو الكيل بمكيالين وقال صاحب الجنة من سقط :راح اشتكي عليكم اللي اسقطوني واحاسبكم يوم القيامة وبالجنة عند السيدة فاطمة؟
ليش يهدد الناس ويخوف الناس بالسخافات الرخيصة؟ من قال عنك انت قسيم الجنة والنار
ترى ما يهدد الناس ويشدد على الناس الا الانسان الضعيف المهزوم
الشديد مو العصبي بالصرعة والصراخ والعويل الشديد الي يملك نفسه ويمسك اعصابه عند الغضب والشدة

تدري ان القلاف هو المرشح الوحيد بين اكثر من 300 مرشح بدوائر الكويت كلها اللي ماحط وما كلف نفسه باعلان صغيّر في اي جريدة (شكر وعرفان) لابناء الدائرة اللي صوتوله ؟ ما تقولي ليش ؟
ازين اللي ما صوتولك عرفنا انهم راح يدشون النار ههههه بس واللي صوتوك وقوفو معاك شذنبهم ما تشكرهم ؟ ولا انت بس تبيهم وقت الانتخابات وبعدين سلام عليكم ماتعرفوني ولااعرفكم

ترى الكلمة الزينة او الشينة سلاح ذو حدين وقبل ما يصرح بأي كلمة مثل (زلاته الطائفية) لازم يحسب الف حساب قبل ما يقولها لانه الكلمة يمكن تقرب اوتبعد او تجرح اوتصلح اوتأذي الفرد ويمكن تقتل بعد!

 

[Dejavu]

أعتقد ان الناخبين واعين ويعرفون منو نازل عشان ينافس ومنو نازل يخرب ...

لذلك نزول القلاف لن يؤثر ...

لكنه سوف يفتح علينا باب "مناحه" جديدة عند خسارته ...

تحياتي

 

[ذو الفقار الحيدري]

لكنه سوف يفتح علينا باب "مناحه" جديدة عند خسارته ...

تحياتي

عزيزي ديجافو
من حق أي كان ترشيح نفسه،
إذا توفرت له الشروط
و للناخب حرية الاختيار، و أنا عن نفسي لن أصوت لسيد جسين

و أتمنى ألا يستخدم أسلوب التهديد كما فعلسابقا

 

[كـويتي صريح]

القلاف خـــربط حسبة القوائم الشيعيه


واكيد راح يأثر بشكل او بآخــــر


وما نزل نفسه الا بعــد ما حسبها وتكتكها

​

 

[المنسي]

نزول السيد قرار حكيم ... و فرص فوزه ..اكثر من الجيده ...
ماهو تطبيل لاكن كلام من واقع و متابعه ...
محبين السيد في الكويت اعدادهم كبيره و لا يستهان بهم ... و مالكم شغل بكلام البعض .. كلامهم مو من خبره و حسبه انتخابيه ...
السيد من 1992 و هو في المعمعه الانتخابيه ... الاستهانه بقدراته الحسابيه و التكتيكيه هو خطأ

حاليا بعد نزول السيد اتوقع نجاح 7 نواب شيعه في الدائره الاولي ....
وهو رقم جيد جدا ...

 

[حبيب الشعب]

بسم الله الرحمن الرحيم

بعد نزول سيد حسين اعتقد الكل عرف ليش نازل وشنو السبب بعد تصريحاته الاخيره ,,,, لكن حسب خربتي الاخنتخابية البسيطه اتوقع له شر هزيمه وزهبو روحكم يا اهل الدائره الاولى حق الدعوه مالته هالمره شوفو شنو راح يقول
حسب توقعاتي مايطوف 1000 صوت
المنسي انا مو معاك في هالشي كلشششششش لان اهل رميثيه كلهم مايبونه يعني اللي راح يصوت له فقط القلاليف وليس كلهم عاد عليك الحسبه
شكرااااا
الله يكون في عون اهل الدائره

 

[Dejavu]

ما أعتقد ان تكتكها ولا حسبها ...

واذا كانت تكتكته وحسبته نفس المره اللي طافت ... لما كان يقول انا الاول دوروا على الثاني ...

فمثل ما قال البعض نحن على موعد مع "مناحة" جديدة ...

المنسي ...

منو السبعة اللي راح يوصلون على حسب تصورك ...


تحياتي

 

[راشد الهاجري]

سبعه؟؟؟؟؟؟؟؟؟؟

شرايك إن تنافس الشيعه راح يكون على كرسي واحد ويدخل معاهم في التنافس أحد العوازم اللي برا الفرعيه هههههههه