سؤال وجواب انا كويتي وامي هنديه وأبي ادش ضباط سواء شرطة او جيش

[Kandri]

سلام عليكم ورحمة الله وبركاته

يا اهل الخير عندي اسأله واتمنا احد يجاوبني عليها

اول شي انا سجلت بالمنتدى بس علشان هل سؤال

انا كويتي الجنسية و امي هنديه وأبي اقدم حق ضباط يصير ولا لا ؟

واذا مايصير لانه امي مو كويتيه شلون اقدم حق امي الجنسية ؟

بتقولون خل ابوك يقدم لها بقولكم متوفي من كنت ياهل الله يرحمة أتمنى تفيدوني

 

[ali111]

للأسف الضباط لازم لازم أمك كويتية مادة أولى يعني حتى لو تجنست ما تقدر تدش ضابط
أنا الي أمي كويتية مادة أولى وأبوي مادة أولى ما انقبلت ضباط
الضباط أنسى بس حق جماعة الكرامة وربعهم انصحك تدش الجيش رقيب إذا شهادتك ثنويه
وأنا الحين ناطر يفتحون الجيش
وأنصحك بالجيش لأن تتخرج رتبتك رقيب أما الشرطة ما يعطونك رقيب
وإذا تبي ادخلك معاي
بش شنو شهادتك وجم نسبتك

 

[Kandri]

للأسف الضباط لازم لازم أمك كويتية مادة أولى يعني حتى لو تجنست ما تقدر تدش ضابط
أنا الي أمي كويتية مادة أولى وأبوي مادة أولى ما انقبلت ضباط
الضباط أنسى بس حق جماعة الكرامة وربعهم انصحك تدش الجيش رقيب إذا شهادتك ثنويه
وأنا الحين ناطر يفتحون الجيش
وأنصحك بالجيش لأن تتخرج رتبتك رقيب أما الشرطة ما يعطونك رقيب
وإذا تبي ادخلك معاي
بش شنو شهادتك وجم نسبتك

شهادتي ثانوية متخرج ب 80 علمي انزين ترا عندي واسطة قوية حيل عندي نائب همن مايصير ؟

 

[ali111]

ماشاءالله يا معود 80 وعلمي اشتبي بالعسكرية
والله نصيحه دش جامعة الكويت احسن لك
يا الحبيب أنا قدمت قبل 3 اشهور طبعا تعبي البيانات عن طريق موقعهم يوم تيي تحط بيانات الوالده لازم يطلب منك رقم الجنسية والمادة الأولى ويوم تروح عندهم لازم معاك جنسية الوالدة تعطيهم ياها مع جنسية الوالد أو حصر الوراثة إذا متوفي هذا الي اعرفه وشفته بنفسي والله أعلم
وإذا على الواسطه هذا أنا يبت أكثر من واسطه من نواب ومن مكتب الوزير وما انقبلت كل الكويتيين عندهم واسطه نواب بس مو ع الواسطه وبس لازم أشياء ثانياً
إذا مالك خلق تدرس دش ضابط صف وأمورك طيبه والقبول بدون واسطه تنقبل عادي والدورة 6 اشهور وتتوظف والراتب 800 أو يختلف على حسب الوحده والمكان إذا في الجيوان أقل

 

[bindlbah]

اللي اعرفه الام اي جنسيه
بس ماخذه جنسيه على ابوك
يعني جنسيتها كويتيه

 

[عبدالرحمـن]

وعليكم السلام

من صجك علمي 80 وتقولي ضباط ،، لو انا منك رحت بعثه هندسه ، توكل على الله وروح

 

[طالب قانوني]

للأسف الضباط لازم لازم أمك كويتية مادة أولى يعني حتى لو تجنست ما تقدر تدش ضابط
أنا الي أمي كويتية مادة أولى وأبوي مادة أولى ما انقبلت ضباط
الضباط أنسى بس حق جماعة الكرامة وربعهم انصحك تدش الجيش رقيب إذا شهادتك ثنويه
وأنا الحين ناطر يفتحون الجيش
وأنصحك بالجيش لأن تتخرج رتبتك رقيب أما الشرطة ما يعطونك رقيب
وإذا تبي ادخلك معاي
بش شنو شهادتك وجم نسبتك

يالغالي معلومتك غلط مع احترامي لك
واحد من الربع أمه ماده سابعة و حاليا سنة ٤ ظباط الداخلية ✌️

 

[ali111]

يالغالي معلومتك غلط مع احترامي لك
واحد من الربع أمه ماده سابعة و حاليا سنة ٤ ظباط الداخلية ✌️

يمكن كلامك صحيح الله أعلم لكن الداخلية وزارة والدفاع وزارة وشروطهم تختلف والله أعلم
هذا إلي شفته أثناء حضوري هناك والكشف على المستندات لاحظت جميع المتقدمين يسلمون جنسيات لون غلافها أسود (أسود = مادة أولى) وحتى لما سألت ربعي ردو علي بنفس الجواب
وإذا معلوماتك صحيحه الله يجزاك خير

 

[ali111]

يالغالي معلومتك غلط مع احترامي لك
واحد من الربع أمه ماده سابعة و حاليا سنة ٤ ظباط الداخلية ✌️

للعلم الجيش أقوى وأفضل من الداخليه ومكان حساس أكثر حتى نجمة الجيش ليش لونها ذهبي لأنها بمرسوم أميري أما الشرطة فضي لأن مرسوم وزاري (عشان جذي تشوف الداخلية ترقياتهم أسرع)
يعني الفرق واضح وما يتقارن ضابط شرطه عادي مع ضابط عسكري سواء جيش أو حرس وطني
:وردة:

 

[طالب قانوني]

يمكن كلامك صحيح الله أعلم لكن الداخلية وزارة والدفاع وزارة وشروطهم تختلف والله أعلم
هذا إلي شفته أثناء حضوري هناك والكشف على المستندات لاحظت جميع المتقدمين يسلمون جنسيات لون غلافها أسود (أسود = مادة أولى) وحتى لما سألت ربعي ردو علي بنفس الجواب
وإذا معلوماتك صحيحه الله يجزاك خير

ماعندي علم منو افضل جيش او شرطة

للعلم كل شهايد الجنسية لونها اسود مو بس للمادة الاولى و الله يوفقك سواء عسكري او مدني

 

[الشكوىى لله]

أذا بخاطرك الداخليه وماعندك واسطة الضباط أدخل دورة رقباء أوائل راتبك أول مربوط صافي بحدود الـ ١٠٥٠ وأذا توزعت بأداره ماشيلهم بدل الحجز يوصل الـ ١٣٠٠ نصيحه أفتك من الچيش انحش بالعربي

 

[الشكوىى لله]

أو كمل دراستك وعين من الله كل خير أفضلك مت العسكريه ^_^

 

[تويتر الكويت]

يسلمون جنسيات لون غلافها أسود (أسود = مادة أولى)

اخوي جميع شهادات الجنسية الكويتية لونها اسود
مافي جنسية لونها اسود وجنسية لونها احمر
الفرق في مواد الجنسية يكون مكتوب داخل شهادة الجنسية
صاحب المادة الاولى يكتبون له ( وفقا للمادة الاولى )

 

[alkingz]

نصيحه لوجه الله لادش العسكريه قدم على وظيفه مدنيه في ديوان الخدمه او مطافي

 

[alkingz]

نصيحه لوجه الله لادش الجيش زباله

 

[prince]

بالواسطه كل شيء يصير وبس !

 

[الفوهرر2013]

الزم الاستغفار وراح تشوف العجب وهذا كلام ربك ورسوله بس كثر من الاستغفار وان صرت ضابط لا تنسى تعزمني ههههههه