سؤال وجواب استفسار عن مستقبل الحقوق (نداء للخريجين الحقوق)

[حقوقي1]

السلام عليكم،،،
هاذي اول مشاركة لي فالمنتدى وانا متابع للمنتدى من سنين لما فيه من نقاشات مفيدة وحبيت اخذ رايكم ياشباب انا توني متخرج من الثنوي وسجلت بحقوق مصر بس الحين محتار مابين حقوق مصر ودبلوم القانون في التطبيقي محتار بين المستقبل سمعت ان خريجين مصر مايجيبون معدل طيب ومايتوظفون في الاماكن الحساسه نفس التحقيقات والفتوى والنيابه ..واذا ابدخل دبلوم قانون وجبت معدل اقدر اكمل جامعة الكويت ولا مايصير ...اتمنى ماتبخلون علي ومحتاج ردودكم باسرع وقت مع اني لاحظت اكثر دارسين الحقوق في مصر موظفين و اعمارهم بالثلاثينات وفوق اتمنى تردون ولاتنسونا من دعائكم

 

[قبس]

حقوق جامعة الكويت والجامعات الاخرى سواء المحلية او العالمية متساويين في الرواتب واولوية التوظيف في الوزارات والجهات الحكومية الملحقة بديوان الخدمة المدنية فا افضل لك باكالريوس مصر على دبلوم الكويت

بالنسبة للتوظيف في الهيئة العامة للتعليم التطبيقي والتدريب فا تملك نفس الفرص
اذا كنت راح تعمل مدرس في احد كليات القطاع التطبيقي مثل معهد الدراسات التجارية فا لازم يكون معدلك العام ٣ نقاط من اصل ٤ نقاط
ميزة الي يحصل على معدل اعلى من ٣ نقاط ما يملك افضلية في التعيين
الي حاصل على دورات تدريبية في الحاسب والي حاصل على اختبارات الايلز او التوفل بنتائج عالية يحصل على افضلية التعيين
وذلك بعد اجتيازه المقابل الشخصية من قبل اللجان المختصة
هذا فيما يخص قطاع التطبيقي او قطاع التدريس

فيما يخص قطاع التدريب فا قبولك يكون مباشر مع مدير المعهد والنسبة غير مشروطة مثل معهد الدورات التدريبية الخاصة

اما وزارة الداخلية والتحقيقات والامور البوليسية فا اعتذر ما املك معلومات عنها

واخيرا ما اضن تقدر تكمل بجامعة الكويت بعد ماتخلص الدبلوم في معاهد الكويت التطبيقية

لذلك لو كنت انت اخوي الصغير كان فرضت عليك تلتحق في جامعات مصر او الاردن
وعلى فكرة يمدحون الحقوق في جامعات الاردن على الاقل نسب التخرج افضل من مصر

وكل التوفيق لك

 

[abdullahBNadam]

وعليكم السلام
بالنسبة للدراسة في مصر فما عندي فكرة
في الكويت اللي أعرفه تخصصات الحقوق في التطبيقي، جامعة الكويت، وكلية القانون العالمية http://www.kilaw.edu.kw
بالنسبة للتحويل إلى جامعة الكويت من التطبيقي فلازم يكون معدلك 3.5 من 4.0 وفيه شروط ثانية>>>
>ص56 http://reg.kuniv.edu.kw/admission/adm_guide14.pdf
وإذا تبي تدرس شويه في مصر وتكمل في جامعة الكويت طالع ص51

 

[حقوقي1]

الله يعطيكم العافية ماقصرتوا حبيت اسئلكم عن كلية الحقوق الكويتية العالمية شلون منهجها تعجيزي ولا حلو واذا في معلومات ثانية علموني عنها

 

[تويتر الكويت]

الله يعطيكم العافية ماقصرتوا حبيت اسئلكم عن كلية الحقوق الكويتية العالمية شلون منهجها تعجيزي ولا حلو واذا في معلومات ثانية علموني عنها

ما أنصحك فيها كلية فاشلة و ادارتها فاشلة
هذا رأيي الشخصي وكل شخص له راي