كنت محبوب من الجميع وكنت مدلل عند الجميع
وكنت أقوم بعمل المقالب مع الكبار و الصغار
و أموت من الضحك اذا نجح المقلب
وكنت جرئ و لا أهاب مجالس الرجال
وكنت أقوم بسرد القصص الطويلة التي أقوم بتأليفها من خيالي
وكنت أقوم بالضحك والكركرة اذا ضحك المستمعين
واذا حسيت ان المستمع مل من السماع أقوم باختصار القصة
وكان خيالي خصب جدا والقصص تتوالى بشكل يومي ولا تنتهي
كنت أحس اني قاعد أضحك عليهم و أستعبط عليهم
وبالاخير اكتشفت انهم كاشفيني وفاهمين حركاتي بس قاعدين يجاملوني
لاني طفل وما يبون يكسرون بخاطري لذلك يسمعوني ويتحملون قصصي الطويلة
أكثر وحدة كانت تتحملني جدتي الله يرحمها لاني اجبرها تسمع القصة كاملة
طبعا مو اجبار بمعنى الكلمة لكن افرض كلامي على الشخص اللي احسه يحبني ويدللني
وكانت تتثاوب وتقط نغزات يعني تبي تنام وانا عمك اصمخ وقاعد اسرد بالقصة