السلام عليكم جميعا .. قبل سبوع رزقني الله بمولوده في اراضي المانيا بمنطقة روزنهايم طبعا في ظروف غير متوقعه والحمدالله تمت الامور على خير لكن مقارنة بطوارئ الكويت والمانيا شتان فرق بين السما والارض هني بالكويت الطوارئ مايمدي تقول آي الا انته داش ومخلص هناك وانته تقول آي واخ واوخ تدفع فلوس تقرقش وانته تمشي بالمممرات وتعب وانا مو مسويه تأمين ولا شي طبعا تكلفة الولاده بمنطقة ريفيه بعيده عن العاصمه نقدر نقول طبيه علاجيه والتكلفه حول ٤٠٠٠ دينار يعني المستشفى اييب الويعه بس لو كنت بالكويت وفي مستشفى رويال حياة مع اكشخ اكبر غرفه ودكتوري من برا اقل شي ٣٠٠٠ لا وقاعدتلي ٣ ايام هناك فرق بعد ذلك انتهيت من مستشفاهم طلعت من المنطقه روزنهايم لتكملة اوراق المولوده في منطقة فرانكفورت لانه القنصليه مكانها هناك تبعد ٦ساعات بالسياره او ٧ الرحله بالسياره خفيفه وتمام مع الجي بي ار اس ماكو تعب لكن القنصليه خرابيط بعد ما وصلنا القنصليه استغرب الموظف عن سبب وجودنا هني ولازم نروح ميونخ طبعا زوجي ما رضا وقال انا معاي مولوده واطفال وزوجتي تعبانه كنت لازم ادخل المستشفى في فرانكفورت لانه صار معاي نزيف في جرح الولاده بسبب الجو الحار اللي بالمنطقه الريفيه كان الجو نار فاستغرب زوجي انه يبونه يروح ميونخ بعد ذلك دخلت المستشفى بفرانكفورت مستشفى فاشل مادري شلون يقولون الطب الحديث بالمانيا اربع مرات سحبو مني دم واربع مرات قزوني ابره غلط ماشتكيت ولا شي قلت المهم اخلص طبعا دخولي المستشفى واللللله يوم واحد بس فقط كان والمبلغ ٣٠٠٠ يورو بالضبط يعني ١٢٥٠ دينار فوق الالف استغربت قلت اكيد في شي غلط فتكلمت مع الدكتور قالي ماعندج تامين همن مو مقنع الرد على شنو انا بديرتي ومستشفى خاص ادفع اقل من هالمبلغ بوايد طبعا هاذي كلها ظروف طارئه صارت معاي ودفعنا وخلصنا بس ودي اعرف السفاره شتسوي للمواطنين الي يسافرون ويصير معاهم جذي يعني نفرض ما كان مع زوجي هالمبلغ صج يعني شلون نموت بالمستشفى لانه خاطبنا القنصليه كله عندهم هالرد ماندري مانعرف الله يعينكم عموما الله يعز الديره واميرنا ويحفظه واقول حمدو ربكم هني الناس طاقينها قواري وكعابي واحنا ديرتنا ما يكمل ١٨ اقوى اكشخ موتر عند الباب يا جماعه انامرت. معاي ظروف صحيه حتى بفرنسا طوارئ ادش بعد ساعه واللللله على مااقول شهيد احمدو النعمه ديرتنا ديرة خير مانبي واللي يعرف سلمان الحربش عفيه يقول له يسنع اموره والقنصليه اللي بفرانكفورت ياريت يكون تعاملكم احسن من جذي لاني حقيقه تعبت بهالسفر وظروفي كانت مو على عالحسبان ولا البال شكرا