سؤال وجواب الجيش

[Kuwaiti_Army]

السلام عليكم ورحمة الله وبركاته


أنا عندي شهادة متوسط ومقدم على الجيش رتبت وكيل عريف قالو لي فحصك يوم الأربعاء بعد الفحص بيعطوني ورقة الطلبات الي أجيبها


سوالي الاول هل في دورة بشهر ١ او ٢ لان في ناس تقول في شهر ٢ دورة وناس تقول الدورة شهر ٩ ابي اعرف الاكيد

سوالي الثاني كم راتب وكيل عريف بالجيش ، وشنو المكان بالجيش يكون الراتب فيه عالي يعني مثال الشرطة العسكرية او سلاح الدفاع الجوي او الخ... شنو اعلى راتب

وآسف على الاطاله

 

[شمري كويتي]

وعليكم السلام ورحمة الله وبركاته
أخي الكريم الجواب الصحيح
موجود عند المصدر نفسه
أما الناس كل واحد راح يعطيك جواب حسب توقعاته
دامك رايح لهم يوم الاربعاء
اسأل هناك بنفسك وخذ الجواب الصحيح
من المصدر الرسمي نفسه وليس من وكالة يقولون
والله يوفقك بالوظيفة الطيبة ويرزقك الرزق الحلال
​

 

[Kuwaiti_Army]

يعطيك العافية راح اسألهم عن موعد الدورة

بس اخوي شمري فشله اسألهم عن اعلى راتب وين اذا تقدر تفيدني او احد من الأعضاء الأفاضل

 

[شمري كويتي]

أهم شي تتوظف في مكان تحبه وترتاح فيه
شنو هوايتك أو شنو المكان اللي تحبه أكثر
هل تحب البر أو البحر أو الجو
الجيش فيه أقسام كثيرة منها
القوة البرية و القوة البحرية و القوة الجوية
خل تركيزك على الراحة النفسية والاستقرار الوظيفي
اترك عنك التفكير بالراتب والامور المادية
اذا صار تفكيرك مادي راح تتعب​

 

[شمري كويتي]

مو فشلة تسألهم هذا الشي من حقك
من حقك تعرف راتب المكان اللي راح تشتغل فيه
عندهم قسم مختص بالرد على الاسئلة
اسأل في قسم العلاقات العامة راح يفيدونك
الموظفين شباب كويتيين منك وفيك وسؤالك عادي
أتوقع أعلى الرواتب في الحرس الأميري
وكذلك القوة الجوية حلوة وفيها دورات كثيرة
تقدر تسأل الشباب اللي من ربعك أو عايلتك أو قبيلتك
عن أعلى راتب في الجيش في أي مكان​

 

[Kuwaiti_Army]

صراحة عاجبني جدا دوام الشرطة العسكرية بالجيوان لبسهم عسكري بدوام مدني قاعدين بمكاتب و يسجلون المتطوعين

ما تعرف اخوي شمري جم معاشهم؟

 

[شمري كويتي]

صراحة عاجبني جدا دوام الشرطة العسكرية بالجيوان لبسهم عسكري بدوام مدني قاعدين بمكاتب و يسجلون المتطوعين

ما تعرف اخوي شمري جم معاشهم؟

لا والله ما اعرف كم معاشهم
لكن يقولون من سأل ماضاع
اسأل هناك وراح تلقى الجواب الأكيد والدقيق
واذا قالولك الدورة مطولة
أنصحك تاخذ لك دورة في معهد خاص
سواء لغة انجليزية أو كمبيوتر أو سكرتارية
واسألهم هل يصير تكمل دراستك وانت تشتغل
لأن الدراسة أهم من الوظيفة
حتى لو دراسة فنية في معاهد التطبيقي​

 

[Kuwaiti_Army]

يعطيك العافية ما قصرت على النصائح :rose:

 

[Bdr]

الرواتب كلها نفس الشي تقريباً
على حسب توزيعك اعلا علاوات المغاوير والبرييه والبحريه
الجي ون اقل رواتب تكون بالقوى البشريه بس في اماكن علاواتها حلوه الاستخبارات والشرطه العسكريه او ايي مكان بس ما تكون اداري
والاماكن كلها طيبه وانت وشغلك ودوامك والتزامك والله يوفقك

 

[شمري كويتي]

الرواتب كلها نفس الشي تقريباً
على حسب توزيعك اعلا علاوات المغاوير والبرييه والبحريه
الجي ون اقل رواتب تكون بالقوى البشريه بس في اماكن علاواتها حلوه الاستخبارات والشرطه العسكريه او ايي مكان بس ما تكون اداري
والاماكن كلها طيبه وانت وشغلك ودوامك والتزامك والله يوفقك

والحرس الاميري أتوقع ان رواتبهم عالية