المرأة الكويتية والمسجات

[وسم*]

هذا المسج تو واصلني وحبيت أعرف تعليقكم عليه

تعريف المرأة الكويتية:

مخلوقه كثيرة التشره والتزعل والجحاده

تتغذى على الشاي والفستق

تتكاثر في محلات أبو مية

كثيرة الأوجاع

قليلة الابداع

لاتمل من الأسواق والطلبات

شعارها في الحياة ( خلنا نسوي جمعية )

وهل بالفعل المرأة الكويتية هكذا؟

ومالأسباب التي جعلتها بهذه الصفات؟

ولماذا أغلب المسجات تذم المرأة الكويتية وتمتدح غيرها من نساء الدول الأخرى؟​

 

[شوق الطيف]

مخلوقه كثيرة التشره والتزعل والجحاده
ما اعتقد ان الكل شذي بس شنو السبب الي خلاها تتزعل
تتغذى على الشاي والفستق
انا من محبي القهوة واحب الكازو
تتكاثر في محلات أبو مية
ابو ميه يا انها عندها كوشة يهال الله يعينها او انها مدرسة هدايا للأطفال او الطلبة
كثيرة الأوجاع
مو الكل بس الحين مرض العصر للمرأة هو الأنزلاق الغضروفي او الديسك
قليلة الابداع
ما اعتقد هذا صحيح واايد في مبدعات وفي خاملات بي مو الأكثريه
لاتمل من الأسواق والطلبات
اشوه مو منهم ما احب السوف واايد
شعارها في الحياة ( خلنا نسوي جمعية )
انا عندي استقطاع بنكي افضل من الجمعية
ولماذا أغلب المسجات تذم المرأة الكويتية وتمتدح غيرها من نساء الدول الأخرى؟
لو الكاتب من جنسية غير كويتيه لسمعتي المدح للكويتيه

 

[وسم*]

تسلمين على الرد الواضح يالغالية

بس شنو نقول الله يعين المرأه الكويتية كل شي على ظهرها المسكينه ومو عاجب بعد

 

[دنيا الوله]

يا وسم أعتقد هذا طبع في كل الرياييل

الإماراتي يذم المرأة الإماراتية

والكويتي يذم المرأة الكويتية

والمصري يذم المصرية .... وهكذا

شو نقول بعد ... رياييل مايعجبهم العجب ولا الصيام في رجب​

 

[وسم*]

هلا بأختي دنيا بالفعل كلامج صحيح بدليل عدم رد أي عضو في المنتدى على هذه الأسئله كنت أتمنى أحد الرجال يقوم بطرح رأيه لكن هالشي يدل على صحة ماقيل في هذا المسج ويدل على رأي الرجل بالمرأه هههههههههههه

لكن للانصاف ليس كل الرجال ينظرون للمرأه هذه النظره فأعتقد أن 30% منهم ينظرون عكس ذلك فيؤمنون بأن للمرأة دور كبير في حياتهم وحياة أبنائهم

 

[كرستال]

ذكرتني اليوم كنت في حوار مع صديقة لي اخوها تزوج سورية وكانوا رافضين وحاليا تم الصلح وهي تمدح هالمراة واتقولي امور عنها انها من ناحية ادارتها للبيت رديت عليها قلت ايه عادي نفس الشيء انا اسوي جذيه المهم الزبدة ان مشكلة ان المراة الكويتية ما تحاول انها تثقف نفسها في امور البيت وادارة البيت والتعامل وكل هالامور انا اشوفها امور عادية لانها تعودت اني اهتم بهالامور

غيري يشوفها امر كبير ومبهور فيه، امر بسيط قالت لي اياه ....انه طاح على مفرش الطاولة شمع واتقول احترنا شلون نوخره من المفرش قلت امر بسيط حاتي جريدة واكويه كل الشمع يروح قالت فعلا هذا اللي قالته طيب يعني المعضلة مو في الجنسية في المعلومه اللي احنا بعيدين عنها او الاغلبية بعيد عنها طبعا الامهات والجدات من علمهم من دربهم على ادارة البيوت وكانوا يديرون بيوت مشا الله عليهم احسن من اي متعلمه
نحتاج وعي نحتاح وعي
وعي في ابسط الامور ، سمعت وحده لما يطيح زرار من بدله او دشداشه تروح الخياط علشان تركب الزر ، اللي تعجز عن انها تسوي امر بسيط مثل هذا اكيد صعب عليها ادارة باجي البيت
حتى لو كان عندنا خدم لابد من اننا نكون على وعي ودرايه بامور الادارة حتى ندير هالخدم لما يسبب الراحه لنا في المنزل
مو معني انه عندي خادمة يعني انا ما افهم شيء بامور البيت
انا شفت وحده ماخذه الخادمة الجمعية اهي اللي تتسوق معقوله عاجزة اتعرفين شنو محتاج بيتج
وتبين ما يطلعون علينا مسجات العيب فينا احنا عطينا مجال لمثل تلك المسجات
نحتاج نغير من انفسنا حتى ما نعطى مجال لمثل تلك المسجات
تحياتي لكاتبة الموضوع رغم انه يؤلمني لما اسمع مثل تلك المسجات

 

[وسم*]

أولا شكرا على الرد الحلو والذي اتفق معك فيه إلى حد ما

ليش؟؟

لأن مثل مافيه حريم مهملات في بيتهم والاهتمام بأولادهم
في حريم أول اهتمامهم البيت والزوج والعيال