ازدهار الانصاري
عضو بلاتيني
افرح
لوشفت قلبك سعيد ن ومرتاح
والم روحي واجيلك بعطر فواح
اهلهل
واطش واهليه
واعلق زينة الافراح
افرح
لو شفت قلبك سعيد ن ومرتاح
لجن شوفتك هاليومين صارت عصيبة
مالك خلق تحجي ودموعك صبيبة
لااقدر اسألك شبيك زعلان
ولا ني طبيبه
بس قلبي يظل حيران وتايه وسواح
افرح لو شفت قلبك سعيد ن ومرتاح
ردت اسألك خفت اسألك لادموعي تسّبقني
ما صدقت يوم ن لقيتك صديق ودومك تفّقدني
بس الوقت ما عنده وفه
حتى سؤالك عز عليا
وضاع مني
وظليت وحدي بهيمتي اقول يا صاح
افرح
لو شفت قلبك سعيد ن ومرتاح
اخ والاخ ياخويه معناها عميق
ارجاك بهالدنيا تظل دومك صديق
بس الوفا طبع ن صعب
ما يقدر عليه الا الذي
بروحه رفيق
وشلون ترفق وانت طبعك ماله مفتاح
افرح
لوشفت قلبك سعيدن ومرتاح
قلت اليوم خل ابجي دموعي حرقت عيوني
خل تطلع تخلص قلبي من حسراته وظنوني
ودورت واتلفتت بلكت تمر
وبلكت ياصاحبي صوتي يوصلك
وتحن وتجيني
لجن همي كثر وزادت علي الجراح
واظل وحدي افرحلك
يوم ال تجيني سعيد ن ومرتاح
سلام
التعديل الأخير: