بشتري بانشي او بقي .. اي افضل نوع وماركه

[العثماني]

كالعادة انا دائما اخذ رايكم في كل ما انوي عملة من باب الاستفاده من تجاربكم .. والاستفادة من بركة المشورة وما خاب من استشار ...

اليوم افكر اشتري بقي اوبانشي حق ولد اخوي عمره 12 -13 سنه تقريبا ومتفوق وانا مواعده بهدية بحدود 100 دينار وطلب مني بقي وما عندي مشكلة ازيد المبلغ ل 200 او حتى 300 المهم الاستفاده ولكن لو اشتري مستعمل او جديد هم ما فيه مشكلة لاننا ميانه

اشتري بقي ولابانشي

ما هو افضل نوع

متوفر له قطع غيار

قابل للصيانة

خرباته قليله

يكد

مو مهم البانزين


اشتري مستعمل ولا جديد

وانا افضل المستعمل

 

[whahd1]

والله يا اخوي نصيحه لا تشتريله لا بقي ولا بانشي ولا سيكل لانه هذي الاشياء خطره واسالني انا شفت بعيني محد قالي

 

[بوكهرب]

و هم اقولك نصيحه لاتشتريلة بانشي ولا سيكل وحق الي عمره خطر اكثر

واقل طيحة وحادث كسر بالظهر وشلل... ومافي احد يسلم من طيحاتهم وحوادثهم و مستشفى الرازي اكبر شاهد ...

اعرف واحد من الاقارب صغير عمره 20 سنة طالع اهو و معاه ولد جارهم صديقه من الروضه

واهم بالشارع انقلب البانشي بصاحبة وداستة السيارة وتقطع جسمة لأشلاء واجزاء كان منظر

رعب وصدمه خلت صاحبة يحرم يسوق البانشي ...

نصيحتي اشترله لابتوب .... او بلايستيشن 3 وشركة بنوادي سباحه ...الخ

 

[بو مشيري]

الي اعرفه البانشيات والبقيات طايح سعرهم حيييل من فترة ، بس يااخوي مثل ما قالو الشباب نصيحة لا تشتري ابد ولا تفكر فيه الله يكفيك شره و يسلمكم من كل شر ..

في جهاز اسمه wii .. نفس السوني والاكس بوكس ، في العاب وايد توصله بالتلفزون وبايده ويلعب ، جهاز ترفيهي حركي مناسب لعمره ، وغير هذا قاعد بالبيت مرتاح ما يصيبه اي ضرر ان شاء الله ( الا اذا انحول وطقك بالغلط ) ، وسعره مناسب ( 60 - 80 ) دينار ..

 

[العثماني]

بارك الله فيكم


وقررت اسمع نصيحتكم



وشكرا لكم على التفاعل

واتمنى اسمع مقرحات لالعاب بس فيها حركة

 

[الفراشة]

الزميل بومشيري

ياليت تقولي عن هالجهاز وين أحصله ؟؟؟ وكم سعره وشلون ألعابه ... وشلون نلعب فيه .. أبي بالتفصيل ...

 

[بو مشيري]

ننتندو تراهن على جهاز الألعاب الجديد Wii

تتوقع شركة الألعاب اليابانية الشهيرة " ننتندو" أن يحقق جهاز الألعاب الجديد Wii يضاهي النجاح الذي حققه سابقه المحمول DS عند طرحه الشهر القادم.
ويتميز الجهاز الجديد بأنه يتم التحكم فيه باستخدام يد واحدة وليس اثنتين كما هي العادة في أجهزة الألعاب الأخرى.
وتعمل شركة " إليكترونيكس آرتس" حاليا على تقديم سبع ألعاب فيديو جديدة حتى مارس 2007 وذلك مع العلم بأن الشركة كانت تخطط لطرح خمس ألعاب فقط.

وتتوقع ننتندو أن تبلغ مبيعات جهاز DS حتى مارس 2007 حوالي20 مليون جهاز في مختلف أنحاء العالم. ويتميز هذا الجهاز بشاشة قابلة للمس إذ يستطيع مستخدموه ممارسة الألعاب بمجرد لمس الشاشة باستخدام قلم خاص بدلا من استخدام لوحة مفاتيح. ويبلغ سعر هذا الجهاز حوالي 130 دولار في الولايات المتحدة.
وبالنسبة للجهاز الجديد Wii، تقدم ننتندو جهاز تحكم أشبه بجهاز تحكم التليفزيون عن بعد. ويقوم هذا الجهاز بتتبع الحركة من خلال خلايا استشعار للحركة مما يسمح للمستخدمين بالميل بالجهاز مثل مضرب التنس أو حمله عاليا مثل سيف مما يفتح آفاقا جديدة للألعاب الإليكترونية.
وبفضل برنامج Wii Sports، يستطيع الأجداد الاشتراك في مباراة تنس مع أحفادهم في غرف المعيشة.

اختي الله يسلمج الجهاز تحصلينه بالرحاب ، انا فكرت آخذه من الغانم او اليوسفي على اساس انه اضمن بس كله نفس الطقة ، شفته عند الشباب بالديوانية وعجبني ، ما اعرف عنه اشياء وايد الصراحة ، لكن الي اعرفه ان :

- سعره الحالي من ( 60 - 90 ) حسب التطوير ماله على ما اعتقد واذا بتاخذينه من الرحاب كاسريهم شقي راسهم مكاسر
- الاشرطة فيها نسخ كوبي احسن من البليستيشن الثالثة ما يركب الا اصلي يعني سعر السيديات رخيص !
- و يشبك online مثل السوني والاكس بوكس
- الاشرطة والالعاب مناسبة لجميع الاعمار ، يعني هني وهني ، وفي العاب اصلية على ما اعتقد ترفق بالجهاز عند الشراء

http://wii.com/ الموقع الرسمي للجهاز
http://wii.nintendo.com/ القسم من موقع نيتندو الي الجهاز تابع لها
http://www.saiedi.com/vb/showthread.php?t=36843 موضوع شرح يساعدج ان شاء الله

:وردة:

 

[سيد هاشم]

إذا بتشتريله بانشي, في بانشي yamaha أحسن أنواع البانشيات, وفيه suzuki, بس ذيله أحجامهم كبار يعني إذا بيركبهم بس بالر أو بالشاليه.

وإذا تبي تشتريله جهاز wii مثل ما قال بو مشيري هم زين وأحسن بعد منعا للخطر. سعره بحدود 150 أو أقل شوي, وألعابه حلوة يعني super mario - sonic وهالنوعية مالوت ninetendo.

 

[سيد هاشم]

- سعره الحالي من ( 60 - 90 ) حسب التطوير ماله على ما اعتقد واذا بتاخذينه من الرحاب كاسريهم شقي راسهم مكاسر

:وردة:

60 لي 90 !! الأسبوع اللي طاف شارين الجهاز وبالمكاسر وصلناه دينار 135, مو معقول انت متأكد عشان إذا متأكد أروح أتهاوش ويا صاحب المحل.

 

[الفراشة]

جزاك الله خير على المعلومات أخوي بومشيري ...

 

[بو مشيري]

حياج الله اختي الكريمة :وردة: وإياج ان شاء الله :وردة:




سيد :وردة: صاحبي بالديوانية قالي شاريه ب 110 .. و وين شاريه من مدة بعد يمكن حروة السنة ، توني وانا أسأله عن المعلومات بالمسنجر قالي الحين بالكثير سعره 90 !

روح امسك صاحبك وكسر راسه :d ، بس يخوك كل شي يجوز .. شوف الخبر المرفق

ويبلغ سعر هذا الجهاز حوالي 130 دولار في الولايات المتحدة.

130 دولار وصاحبي شراه ب 110 دنانير ، يعني عادي ربعنا يبيعونه بيوم وليلة 130 دينار !!

====

سيد :وردة: ، توني أسأل الاهل .. حصلوه قبل شهرين بمركز سلطان مع لعبة اصلية هدية بتسعين دينار .. !

وحده من ثنتين : يمكن انه صار نفس الي صار بال ps2 وارتفع سعر الجهاز بعد ما خلا السوق من التجاري بشكل مضاعف من .. يا انه انت ماخذه يمكن مع العاب او زيادات اصلية فرقت هذا السعر !

 

[سيد هاشم]

حياج الله اختي الكريمة :وردة: وإياج ان شاء الله :وردة:




سيد :وردة: صاحبي بالديوانية قالي شاريه ب 110 .. و وين شاريه من مدة بعد يمكن حروة السنة ، توني وانا أسأله عن المعلومات بالمسنجر قالي الحين بالكثير سعره 90 !

روح امسك صاحبك وكسر راسه :d ، بس يخوك كل شي يجوز .. شوف الخبر المرفق


130 دولار وصاحبي شراه ب 110 دنانير ، يعني عادي ربعنا يبيعونه بيوم وليلة 130 دينار !!

====

سيد :وردة: ، توني أسأل الاهل .. حصلوه قبل شهرين بمركز سلطان مع لعبة اصلية هدية بتسعين دينار .. !

وحده من ثنتين : يمكن انه صار نفس الي صار بال ps2 وارتفع سعر الجهاز بعد ما خلا السوق من التجاري بشكل مضاعف من .. يا انه انت ماخذه يمكن مع العاب او زيادات اصلية فرقت هذا السعر !

أنا شريته من الرحاب والمصيبة أن كل المحلات هناك نفس السعر 150 - 130, شنسوي الجهاز وشريناه ما ينفع الندم,

هذا عيب اللي يروح يشتري وما يعرف شي عن السلعة اللي بيشتريها.

 

[العثماني]

بو مشيري ... بارك الله فيك

سيد بارك الله فيك

انا من فترة ما قمت اشتري الا اسئل الشباب في المنتدى ... لان المشورة خير وبركه

وسمت ان فيه ناس تشتري من برا الكويت وبالنت وارخص بس تحتاج شوية معرفة وشوية صبر

 

[حمود راعي السيكل]

لا تغلط غلطة بدافع الحب

ياخوي أنصحك تشتري له شغله تفيده اكثر من انها تضره

حنا مشكلتنا انا نحب عيالنا, ومانبي نكسر بخاطرهم, نبي لهم الافضل والاحسن, بس نتصرف غلط لما نحسب اننا باعطائهم بعض الاشيا (او المميزات) انها ممكن تكون بمصلحتهم

بالنسبة للبانشي وهالاشيا, ممكن توديه الامكنة اللي فيه تأجير وتخليه يستانس شوي وانت موجود معاه (وجدام عيونك وتحت اشرافك)

صدقني ياخوي, ماتسوى عليك وعليه لا سمح الله يصير له شي بالمستقبل.

وان زعل ومد بوزه شبرين (لوول الجهال يسوونها) اخذه معاك وروحوا مستشفى الرازي, خله يشوف اللي طايحين مكسرين هناك, صدقني راح يهوّن ساعتها (هذي الطريقة مجربة ونفعت)

وشكرن

 

[العثماني]

بارك الله فيك يا اخ حمود بس عندي طلب خاص