نداء :راجعوا فواتير زين

[ولد النوخذه]

تفاجأت وانا اشاهد البرنت لمكالماتى الخارجيه (خدمة جوال) بوجود مكالمه واحده قيمتها اكثر من 60 دينار ومدتها يومان متواصلان و8 ساعات !!! شئ غير معقول. كانت المكالمه منى وانا فى المانيا اثناء السفر لمندوبى فى الكويت . والاكثر مفاجاه انه ايضا مسجل فى البرنت انى متصل بنفس الرقم مرتين بعد تلك المكالمه بربع ساعه ولمدة دقائق !!!!!. الموظفه كانت اكثر منى مفاجأه وكتبت هى الشكوى قبل ان امرها !!

امتنعت عن الدفع وقدمت شكوى ودفعت فقط المبالغ المستحقه لباقى الفاتوره .

بينى وبينكم لولا انى لا احب الازعاج لسجلت قضيه بالمخفر وارسلت فاكس لاحد الصحفيين (اللى يحب هالسوالف ).

 

[بو فايز]

من المفترض ان تنشرها فى الصحافة

ولك اجر فيهاااااا

 

[Civilian]

لالالالالالالالالالاتسكت
ياخي احنا عندنا طبع شين
لي حصل لنا ظلم او خطا نسكت ونكفتي باجرائات عاديه (عن دوخة الراس)
الافضل انك تشتكي وتفضحهم بكل مكان حتى لايقع شخص اخر ضحيه لتلاعبهم

 

[الحريه وطن]

ارسلهل للصحافه
عشان الشعب المغلوب علي امره

 

[حمود راعي السيكل]

انك تسكت عن حقك اللي يضيع؟

هذا اسلوب الضعفاء وقليلي الحيلة

انك تبعثها كشكوى للصحافة, وتحط ايدك على خدّك وتنطر يصير شي؟

هذا اسلوب (اسمحلي) الاتكاليين

انك تستخدم حقك القانوني, واستشارة محامي (يكون متخصص بهيك قضايا)؟

هذا هو الاجراء الصحيح واللي المفروض انك تسويه



بتطلع أعذار وانك ماتبي مشاكل ولا عوار راس؟
تبي تتحلطم؟
بتكتب موضوع بس عشان فشة الخلق؟

اسمحلي.

راح تثبت المقولة الملازمة للكويتيين.


طبعا كلامي كله هذا بفرضية انك صادق بطرح المشكلة اللي حصلت لك, وبأنك فعليا مظلوم فيها.

وبس



المايك للي بعدي

 

[يوزر انتحاري]

انت ماتحب الازعاج .. وثاني يطوّف ..... وثالث ماله خلق ... والعالم تتقوى علينا وتنهب كمان وكمان..... لو انت وغيرك وكل من يطيح بيده دليل عليهم ترفعون قضايا وتمرمطونهم حزتها يعرفون انه الله حق وانه المواطن واعي لهم ومايرضى بالاستغفال والاستغلال ... يعني جتك الفرصة لحد باب بيتك وتركتهم؟؟ الله يهداك افضحهم واحتسب الأجر! لانهم ناس تخاف ماتستحي!

 

[كويتي خالص]

يا ريت تنشرها .....!

والله غربلونا ....وباقونا ....!

 

[بو جاسم]

أنشرها .... لأني ما عندهم مانع يشرشحون خلق الله بالقضايا ومنع السفر

 

[Edrak]

تفاجأت وانا اشاهد البرنت لمكالماتى الخارجيه (خدمة جوال) بوجود مكالمه واحده قيمتها اكثر من 60 دينار ومدتها يومان متواصلان و8 ساعات !!! شئ غير معقول. كانت المكالمه منى وانا فى المانيا اثناء السفر لمندوبى فى الكويت . والاكثر مفاجاه انه ايضا مسجل فى البرنت انى متصل بنفس الرقم مرتين بعد تلك المكالمه بربع ساعه ولمدة دقائق !!!!!. الموظفه كانت اكثر منى مفاجأه وكتبت هى الشكوى قبل ان امرها !!

امتنعت عن الدفع وقدمت شكوى ودفعت فقط المبالغ المستحقه لباقى الفاتوره .

بينى وبينكم لولا انى لا احب الازعاج لسجلت قضيه بالمخفر وارسلت فاكس لاحد الصحفيين (اللى يحب هالسوالف ).

دز ايميل لجريدة الشاهد فهي الجريدة الوحيدة التي تستطيع نشره .. و اذا تهاونت بذلك فأنت سبب من اسباب الفساد في الكويت .. فقم بواجبك كمواطن