بلاغة شف عن كوادر بعض الجهات ..

M

Mariner

عضو
ادري راح تقولون بلاغة شف .. بس احب اني اعرف عن الكادر مال 3 جهات ..
اسمع انه رواتبهم قويه .. بس مادري شالسالفة محد يبي يقول تفاصيل ..

يعني الخريج اللي توه متعين بهالجهات جم يكون راتبه الكلي ؟

1_ ديوان المحاسبة

2_ الفتوى والتشريع

3_ الطبيب الكويتي في وزارة الصحة بعد ما يخلص سنة التدريب العملي ويتعين

ومبارك عليكم ما تبقى من الشهر ...
 
V

Venezia

عضو بلاتيني
الزميل / Mariner

بداية أرحب بك في الشبكة الوطنية زميلا جديدا بيننا .. فحللت أهلا و وطئت سهلا ..

بالنسبة للكوادر أنا شخصيا معلوماتي بسيطة جدا و هي تخص الفتوى و التشريع .

بالنسبة لخريج كلية الحقوق

عندما يتعين في الفتوى و التشريع يكون راتبه لغير المتزوجين سواء رجال أم نساء / 950 دك .
و بالنسبة للمتزوجين سواء رجال أم نساء يكون الراتب / 1300 دك .

مع مراعاة اذا كانت متزوجة و أصبح راتبها / 1300 دك يتم وقف بدل الايجار من الزوج حيث انه مشمول مع زيادة الراتب التي حصلت عليها الزوجة العاملة في الفتوى و التشريع .

و هذه الآلية متبعة في التحقيقات .. و البلدية .

هذا ما سمتعه من الزميلات الموظفات هناك .. و العهدة على الراوي كما يقولون .

تحياتي .
 
W

whahd1

عضو بلاتيني
انا مرا قلت هال الكلمه كلوني (بلاغه شف ) وبعدين لقيتها بمقالات غنيمه الفهد عن الكلمات الكويتيه القديمه :)
حسيت الاعضاء ما اقتنعو انها كلمه كويتيه
ادري برا الموضوع
 
M

Mariner

عضو
سامحوني على التاخير .. مشاغل العيد ..

مشكور اختي Venezia على المعلومات الوافيه ..
عليهم بالعافية يستاهلون ..

whahd1
هههههه انا احب الكلمات العتيجه عاد ... وعلى مسئوليتي بلاغة شف كلمة كويتية قح :d
 
C

Clockwork Orange

عضو فعال
انا موظف بادارة الفتوى والتشريع لكن كادراي وليس ( قانوني ) .. عندنا المحامين يستلمون مع أول تعيين لهم ( الفئة ب ) 950 دينار مثل ما ذكر ووضح أحد الأخوة .. لكنها قابلة للزيادة في حال كان المحامي بقسم ( القضايا ) لأن فيها مكافآت تشجيعية ( للمرافعات ) وبدلات وحوافز اضافية
أخرى .

بعد خمس سنوات من تاريخ التعيين يترقى المحامي من الفئة ب الى الفئة أ ويكون هذا الاجراء بمرسوم أميري .. وطبعاً هذا يشمل زيادة بحدود 250 دينار تقريباً على الراتب .. هذا بخلاف الانتداب بمعهد القضاء أو بجامعة الكويت أو المعهد التجاري وغيره ! ..

على العموم التعيين بالنسبة لمحاميين الدولة عندنا متوقف من خمس سنوات تقريباً وأصغر جيل من المحاميين لدينا هم من مواليد 1982م وما أدري بصراحة هل عندهم هالسنة نية لفتح الباب أمام الخريجين ؟ ما أعتقد !

 
M

Mariner

عضو
Clockwork Orange
مشكور على التفاصيل المفيده ... ما تقصر والله ...

بس شعدوه محد يعرف جم رواتب الاطباء ؟
زين مو شرط حديثي التخرج.. بشكل عام يعني..

ترى عيني بارده لا تخافون :)
 
G

GrandMa

عضو مميز
Mariner

انا خالتي دكتورة بس استشارية.. تاخذ بو 3 وشوي..

بس مشكلتهم ان الراتب كله بدلات.. بالاجازة يتفصخ!!

اللي معاشاتهم اقوى دكاترة الجامعة.. ياخذون 4 وشوي
 
M

Mariner

عضو
مشكور S.Mohammed ...

بس شلون بالاجازة يقل ؟؟
مو الاجازات الحين مدفوعة الراتب ؟؟ ..
مو الموظف العادي لي طلع اجازة ياخذ راتب عادي مع البدلات .. ليش الطبيب لأ ؟

زين اللي توه متخرج جم راتبه
ولي اخصائي جم ..

ومشكوووووور
 
G

GrandMa

عضو مميز
Mariner

بصراحة ماعرف تقسيمة الراتب.. بس اعطيك مثال بدل شفت/خفارة يطيح

ومادري عن اللي توه متخرج.. سوري
 
ا

الحريه وطن

عضو بلاتيني
ياجماعه نظم معلومات جامعي بوزارات الدوله كم كادرهم محلل نظم ؟

وهل ينقبلون بمكان مخصص لهم وفيه كادر كالفتوي والتشريع او جهاز تكنلوجيا المعلومات او مجلس الوزراء والامه؟
 
يجب تسجيل الدخول أو التسجيل كي تتمكن من الرد هنا.
أعلى