أبيك يمي

[وسم*]

صراحة هالقصيدة قرأتها وحبيت تقرونها معاي وتحسون بمشاعر كاتبها:

خوفي قبل أرجع تموت المشاعر...........وخوفي الأماني تنتحر قبل ألاقيك

كل شي يهون ولاتشين الخواطر...........أرفق على قلب يودك ويغليك

قل لي متى طرفي مع الخوف ساهر...........ولي متى أنا أسير لتغليك

ماطلبك لأجلي تهل العباير......................لكن أبيك تحس يوم أناجيك

أبيك يمي يالفواد المكابر..............مابي جسد أبيك فكر أداريك

ترى الوفا في هالزمن شي نادر...................أرجوك ارجع لايخيب الرجا فيك

وبرجعتك بسلا وأزف البشاير.......................وأعيش بك باقي حياتي وأسليك

 

[كنترول]

كلمات رائعه واختيار موفق يا اخت وسم الغاليه وهذا ليس بغريب على انسانه دائما تأتي بالشئ الجميل والمميز .

وانا وكما هي العاده اريد ان اعتبر ما تفضلتي به عباره عن صوت وإليك الصدى والذي اتمنى ان أوفق به

جتني حروفك هي كما غيم ماطر ....... يا حي حرف(ن) تكبته لي ايديك

والرد ياتي لك على طيب خاطر ........ ومسعاك لا ماخاب . ولا بد أرضيك

ارضيك بأبيات(ن) تجيك إتّقاطر ........ تصطف لك هيبه . وتقبّل اياديك

واعطيك قلب(ن) صام هو فيك فاطر ........ فيك انتهى وهو الذي كان مبديك

لا تحسب اني يا غلا الروح شاطر ....... بالهجر . وكل فكري مع الشعر يطريك

وانا لرجوعك اعترف كنت ناطر ........ ويومك رجعت ابشر ابد ما اخلّيك​

 

[وسم*]

هلا بالغالي كنترول
وماتدري شكثر فرحت بمشاركتك
اللي أضافة جو حلو ومميز مثل صاحبها
وهذه الكلمات اهداء لكل أعضاء المنتدى

لو طالت الأيام
ماني بناسيك
لوطالت المده
وطول دهرها
أبيع كل الناس
يازين وأشريك
والناس لجلك
مستعد أخسرها
يفز قلبي كل
ما مر طاريك
ومشاعري تعلن
لدارك سفرها
ياكثر ما أحبك
وياكثر ماأغليك
يالغالي اللي لك
عيوني ونظرها

 

[@Noura@]

صراحة هالقصيدة قرأتها وحبيت تقرونها معاي وتحسون بمشاعر كاتبها:

خوفي قبل أرجع تموت المشاعر...........وخوفي الأماني تنتحر قبل ألاقيك

كل شي يهون ولاتشين الخواطر...........أرفق على قلب يودك ويغليك

قل لي متى طرفي مع الخوف ساهر...........ولي متى أنا أسير لتغليك

ماطلبك لأجلي تهل العباير......................لكن أبيك تحس يوم أناجيك

أبيك يمي يالفواد المكابر..............مابي جسد أبيك فكر أداريك

ترى الوفا في هالزمن شي نادر...................أرجوك ارجع لايخيب الرجا فيك

وبرجعتك بسلا وأزف البشاير.......................وأعيش بك باقي حياتي وأسليك

وأبيك للزمن سند لي وقت المخاطر ........قول وفعل يا ابن الناس عسى ربي يخليك ......

وسم يا زين ما قلتي من قول باهر ...........عساه يفيد في قلوب قاسية ما تشريك ......
​

 

[وسم*]

وأبيك للزمن سند لي وقت المخاطر ........قول وفعل يا ابن الناس عسى ربي يخليك ......

وسم يا زين ما قلتي من قول باهر ...........عساه يفيد في قلوب قاسية ما تشريك ......
​

لاتــــــعـــــــلـيــــــــــــــــــــق

كلام ولاأجمل منه ياأختي الغالية شمس