الزميل @ابوعبدالله@ عضو جديد يقوم بالترويج للجامعات الفلبينية في المنتدى .. وهو – جزاه الله خير 
– قام بوضع رقم تلفونه لمن يرغب في الدراسة بالفلبين ..
بما أنني أحد المهتمين بموضوع تردي التعليم في الكويت .. ورغبة في توضيخ مدى الإنحطاط الذي وصل له موضوع شراء الشهادات وتواطىء وزارة التعليم العالي معه ..
ورغبة في أن لا ينخدع بعض حسني النية .. كان هذا الإتصال مع @ابوعبدالله@ والحوار ...
طرقي : ألو بوعبدالله .. كيف حالك ؟؟
@ابوعبدالله@ : يا هلا ..
طرقي : إنت حاط تلفونك في الشبكة الوطنية .. بخصوص الدراسة بالفلبين
@ابوعبدالله@ : إيه نعم .. منو معاي ..
طرقي : معاك أحمد .. وأنا حاب أعرف شنو طريقة الدراسة في الفلبين وهل هي معتمدة من التعليم العالي ؟؟
@ابوعبدالله@ : يا هلا بوشهيب .. الجامعة معترف فيها من التعليم العالي ..
طرقي : طيب إنتوا مكتب ولا شركة .. ووين مكانكم ؟؟
@ابوعبدالله@ : لا أنا طالب بهذي الجامعة .. بس عندي Green Light من إدارة الجامعة... (طالب وعنده قرين لايت) ..
طرقي : شنو إسم الجامعة .. وين مكانها .. وجم الرسوم ؟؟
@ابوعبدالله@ : إسمها جامعة فياسيس .. وهي بعيدة عن مانيلا .. تقع في منطقة ( ..... ) وتوصلها الخطوط القطرية مباشرة ..
طرقي : بالنسبة للرسوم ؟؟
@ابوعبدالله@ : مافي رسوم تسجيل أو أي شيء ثاني .. مجرد تسجل وبناء على عدد الوحدات تدفع الرسوم .. تقريبا لو سجلت 24 وحده بالكورس .. تدفع ما يعادل 120 دينار ..
طرقي : طيب أنا تخصصي في الثانوية أدبي .. ونسبتي 55% .. أبي أكمل هندسة كهربائية ... يقبلوني ؟؟؟
@ابوعبدالله@ : مافي مشكلة يقبلونك .. بس التعليم العالي يطلب شهادة بإنك خذت مواد تمهيدية .. يعطونك إيها الجامعة عادي .. (شهادة فالصوا .. ودراسة فالصوا.. وتعليم عالي فالصوا) ..
طرقي : زين بالنسبة للإنجليزي .. يبون توفل ؟؟ أنا ما أعرف إنجليزي ..
@ابوعبدالله@ : ما يبون توفل ولا شي ..
طرقي : طيب شلون الدراسة والإمتحانات ؟؟ في دراسة وحضور ولا لأ ؟؟
@ابوعبدالله@ : سهالة .. مجرد إنك تروح مرة بالكورس .. تبي شهر 3 أو شهر أربعة .. وإنتا ناجح بمجرد دفع رسوم التسجيل .. مو مثل ما يكذب بعض المكاتب على الناس يا خذون 600 أو 700 كل كورس ويقولون لهم 120 للتسجيل والباقي عشان إنجحكم بالمواد ..
طرقي : طيب إنتا جم تاخذ ؟؟
@ابوعبدالله@ : أنا آخذ 400 دينار مرة واحدة بس .. أسجلك .. وأجيب لك جدول المواد :إستحسان: . .
طرقي : طيب أنا بقولك بصراحة .. أنا ما أقدر أحضر .. شلون ينجحوني بدون حضور ..
@ابوعبدالله@ : لا جذي ما يصير .. بس ممكن لو كنتوا إثنين ثلاث شباب .. كل واحد يروح مرة ويشيل الباجي ..
طرقي : شلون يعني .. كل واحد يروح كورس .. ويحظر عن الباجي (صكوا على مصر) ؟؟
@ابوعبدالله@ : إيه ممكن .. بس تقعد مع العميد تشرحله ظروفك .. عادي ..
طرقي : طيب في كويتيين وايد بهالجامعة ..
@ابوعبدالله@ : في تقريبا 1000 طالب يدرسون في هالجامعة ..
طرقي : طيب أنا بقولك شي .. أنا بصراحة طافني التسجيل بمصر .. والحين ما لي خلق أكمل 4 سنوات بكالريوس .. وبعدين ماجستير ودكتوراه ..
يقدرون يعطوني بكالريوس بتاريخ قديم .. وأضمن لهم أسجل عندهم ماجستير ودكتوراه ..
@ابوعبدالله@ : لا ما يصير .. بس إهي كل الدراسة 3 سنوات وتاخذ شهادة الهندسة !!! .. وممكن تقعد مع العميد يزيدلك عدد الوحدات وتتخرج بسنتين ونص ..
طرقي : طيب إذا هم بهالشكل متساهلين .. ممكن يعطوني شهادة بتاريخ قديم .. وأنا ترى ما عندي مشكلة أدفع أكثر .. وحتى تصديق من التعليم العالي ما أبي ..
@ابوعبدالله@ : شوف إهو كله يعتمد على تضبيطك مع العميد .. دش عليه المكتب وسكر الباب وعزمه على مطعم وخذ رقم تلفونه وإيميله .. وإطلب منه اللي تبي عقب ما تشرحله ظروفك ..
طرقي : حلو .. يعني نفس سوالف مصر .. موبايل ولابتوب ؟؟
@ابوعبدالله@ : لالا .. سهالة مو مثل مصر .. ترى هم بسيطين .. وإذا ذبح عمره ممكن يطلب منك 100 دينار .. بس أهم شي إنك لا تقول حق أحد شنو سويت مع العميد .. وإهم زينين ومتفهمين .. مثل عميدة الهندسة المدنية وايد متفهمة ..
طرقي : طيب بوعبدالله ... أنا إنشالله بسجل .. متى عندك سفره .. وشنو الأوراق المطلوبه ..
@ابوعبدالله@ : أنا إنشالله عندي سفره قبل شهر واحد (يناير) ... (أول الإتصال قالي شهر 3) ... إذا تبي جيب أوراقك .. صورة والجواز .. والشهادة باللغة الإنجليزية ..
طرقي : لازم شهادة بالإنجليزي من وزراة التربية ... شهادتي بالعربي ..
@ابوعبدالله@ : لا عادي .. ترجمها عند أي محل تصوير .. وما تحتاج تصديق من التربية .. وخل العربية عندك (يعني حتى لو أطبع شهادة من عندي بالإنجليزي تمشي) ...
طبعا هذا الحوار والإتصال ... كان لنبين للإخوة أن هذه الجامعات .. ومن يسهل عملها في الكويت من أفراد أو مكاتب أو حتى وزراة التعليم والعالي والوكيلة سيئة الذكر ...
إنما هم يرتكبون جريمة بحق الكويت بتخريج آلاف من الجهلة يعينون كمهندسين ومحاسبين بل يحصلون على درجات الماجستير والدكتوراه المزوه ... ولا أستغرب أن يصبح بعضهم أعضاء مجلس أمه في وقت قريب ..
.
– قام بوضع رقم تلفونه لمن يرغب في الدراسة بالفلبين ..بما أنني أحد المهتمين بموضوع تردي التعليم في الكويت .. ورغبة في توضيخ مدى الإنحطاط الذي وصل له موضوع شراء الشهادات وتواطىء وزارة التعليم العالي معه ..
ورغبة في أن لا ينخدع بعض حسني النية .. كان هذا الإتصال مع @ابوعبدالله@ والحوار ...
طرقي : ألو بوعبدالله .. كيف حالك ؟؟
@ابوعبدالله@ : يا هلا ..
طرقي : إنت حاط تلفونك في الشبكة الوطنية .. بخصوص الدراسة بالفلبين
@ابوعبدالله@ : إيه نعم .. منو معاي ..
طرقي : معاك أحمد
.. وأنا حاب أعرف شنو طريقة الدراسة في الفلبين وهل هي معتمدة من التعليم العالي ؟؟@ابوعبدالله@ : يا هلا بوشهيب .. الجامعة معترف فيها من التعليم العالي ..
طرقي : طيب إنتوا مكتب ولا شركة .. ووين مكانكم ؟؟
@ابوعبدالله@ : لا أنا طالب بهذي الجامعة .. بس عندي Green Light من إدارة الجامعة
... (طالب وعنده قرين لايت) ..طرقي : شنو إسم الجامعة .. وين مكانها .. وجم الرسوم ؟؟
@ابوعبدالله@ : إسمها جامعة فياسيس .. وهي بعيدة عن مانيلا .. تقع في منطقة ( ..... ) وتوصلها الخطوط القطرية مباشرة ..
طرقي : بالنسبة للرسوم ؟؟
@ابوعبدالله@ : مافي رسوم تسجيل أو أي شيء ثاني .. مجرد تسجل وبناء على عدد الوحدات تدفع الرسوم .. تقريبا لو سجلت 24 وحده بالكورس .. تدفع ما يعادل 120 دينار ..
طرقي : طيب أنا تخصصي في الثانوية أدبي .. ونسبتي 55% .. أبي أكمل هندسة كهربائية ... يقبلوني
؟؟؟@ابوعبدالله@ : مافي مشكلة يقبلونك .. بس التعليم العالي يطلب شهادة بإنك خذت مواد تمهيدية .. يعطونك إيها الجامعة عادي
.. (شهادة فالصوا .. ودراسة فالصوا.. وتعليم عالي فالصوا) ..طرقي : زين بالنسبة للإنجليزي .. يبون توفل ؟؟ أنا ما أعرف إنجليزي ..
@ابوعبدالله@ : ما يبون توفل ولا شي
..طرقي : طيب شلون الدراسة والإمتحانات ؟؟ في دراسة وحضور ولا لأ ؟؟
@ابوعبدالله@ : سهالة .. مجرد إنك تروح مرة بالكورس .. تبي شهر 3 أو شهر أربعة .. وإنتا ناجح بمجرد دفع رسوم التسجيل
.. مو مثل ما يكذب بعض المكاتب على الناس يا خذون 600 أو 700 كل كورس ويقولون لهم 120 للتسجيل والباقي عشان إنجحكم بالمواد .. طرقي : طيب إنتا جم تاخذ ؟؟
@ابوعبدالله@ : أنا آخذ 400 دينار مرة واحدة بس .. أسجلك .. وأجيب لك جدول المواد :إستحسان: . .
طرقي : طيب أنا بقولك بصراحة .. أنا ما أقدر أحضر .. شلون ينجحوني بدون حضور ..
@ابوعبدالله@ : لا جذي ما يصير .. بس ممكن لو كنتوا إثنين ثلاث شباب .. كل واحد يروح مرة ويشيل الباجي ..
طرقي : شلون يعني .. كل واحد يروح كورس .. ويحظر عن الباجي
(صكوا على مصر) ؟؟@ابوعبدالله@ : إيه ممكن .. بس تقعد مع العميد تشرحله ظروفك .. عادي ..
طرقي : طيب في كويتيين وايد بهالجامعة ..
@ابوعبدالله@ : في تقريبا 1000 طالب يدرسون في هالجامعة ..
طرقي : طيب أنا بقولك شي .. أنا بصراحة طافني التسجيل بمصر .. والحين ما لي خلق أكمل 4 سنوات بكالريوس .. وبعدين ماجستير ودكتوراه ..
يقدرون يعطوني بكالريوس بتاريخ قديم .. وأضمن لهم أسجل عندهم ماجستير ودكتوراه ..
@ابوعبدالله@ : لا ما يصير .. بس إهي كل الدراسة 3 سنوات وتاخذ شهادة الهندسة !!! .. وممكن تقعد مع العميد يزيدلك عدد الوحدات وتتخرج بسنتين ونص ..
طرقي : طيب إذا هم بهالشكل متساهلين .. ممكن يعطوني شهادة بتاريخ قديم .. وأنا ترى ما عندي مشكلة أدفع أكثر .. وحتى تصديق من التعليم العالي ما أبي ..
@ابوعبدالله@ : شوف إهو كله يعتمد على تضبيطك مع العميد .. دش عليه المكتب وسكر الباب وعزمه على مطعم وخذ رقم تلفونه وإيميله .. وإطلب منه اللي تبي عقب ما تشرحله ظروفك
..طرقي : حلو .. يعني نفس سوالف مصر .. موبايل ولابتوب ؟؟
@ابوعبدالله@ : لالا .. سهالة مو مثل مصر .. ترى هم بسيطين .. وإذا ذبح عمره ممكن يطلب منك 100 دينار
.. بس أهم شي إنك لا تقول حق أحد شنو سويت مع العميد .. وإهم زينين ومتفهمين .. مثل عميدة الهندسة المدنية وايد متفهمة ..طرقي : طيب بوعبدالله ... أنا إنشالله بسجل .. متى عندك سفره .. وشنو الأوراق المطلوبه ..
@ابوعبدالله@ : أنا إنشالله عندي سفره قبل شهر واحد (يناير) ... (أول الإتصال قالي شهر 3
) ... إذا تبي جيب أوراقك .. صورة والجواز .. والشهادة باللغة الإنجليزية ..طرقي : لازم شهادة بالإنجليزي من وزراة التربية ... شهادتي بالعربي ..
@ابوعبدالله@ : لا عادي .. ترجمها عند أي محل تصوير .. وما تحتاج تصديق من التربية .. وخل العربية عندك (يعني حتى لو أطبع شهادة من عندي بالإنجليزي تمشي) ...
طبعا هذا الحوار والإتصال ... كان لنبين للإخوة أن هذه الجامعات .. ومن يسهل عملها في الكويت من أفراد أو مكاتب أو حتى وزراة التعليم والعالي والوكيلة سيئة الذكر ...
إنما هم يرتكبون جريمة بحق الكويت بتخريج آلاف من الجهلة يعينون كمهندسين ومحاسبين بل يحصلون على درجات الماجستير والدكتوراه المزوه ... ولا أستغرب أن يصبح بعضهم أعضاء مجلس أمه في وقت قريب ..
.