كدينه خير على الأسامى الى انتو اخترتوها،،،، دام الاسامى هذى انا اقول لو يعلقون المجلس سنه احسن،، يعنى اصراحع ماتوبون 3 دورات فى مجلس الامه انحل وهم متمسكين فيهم .. ياجماعه نبى ناس جديده ..
نواب وطنيون ونواب شرفاء + أثبتوا وقوفهم مع المواطن وحقوقه وأتمنى رجوعهم:
محمد الخليفة أتمنى وبشدة وأدعو الله أن يرجع كم افتقدناه وافتقدنا وليد الجري وعبدالله عكاش، وأتمنى ثبات هؤلاء الشرفاء اللي وقفوا مع المواطن وحقوقه : مسلم البراك ، وليد الطبطبائي ، أحمد السعدون ، عاشور ، فيصل المسلم ، جوهر، عبدالله البرغش ، محمد هايف المطيري ،محمد المطير"فيه خير بس يبعد عن ذوليك" ، المليفي ، الحريتي ، الدقباسي ، بورمية ، الحبيني ، الحربش "حسنة حدس الوحيدة!" ، تحياتي لهؤلاء النواب الصادقون واللي وقفوا مع المواطن وكانت لهم مواقف جيدة ،
نواب أتمنى ان لايرجعوا وعار علينا ان رجعوا:
الخنفور ، النائب بو مرقة الدويلة ، عدو الشعب صاحب مناشدة الحل الغير دستوري القلاف ، الحويلة ، رجا حجيلان خل يستريح شوي ويعطي المجال للشباب ماستفدنا منه شي ، السلطان " لا حول ولا قوة إلا بالله صدمنا أكبر صدمة فحياتنا وخيب آمالنا ،العميري ، الدبوس ، الهاجري ، الخرافي ، مرزوق الغانم ، الفحماء ، الميع ، ماننسى المقرر الاجباري دميثير ، عبدالصمد ، لاري ، مخلد العازمي، عسكر العنزي ، الرومي ، العبدالجادر ، الصرعاوي ، الملا ،
بس كلام علفاضي ماكو فايدة بنرجع كل واحد يصوت لولد عمه ولطائفته وهذا ولدنا من عيال بطنها الخ !! وماينلامون لانه الديرة كلها ماشي جذي ، وكل شيء حولنا يشجع على جذي !
اوكي ولد عمك وولد طائفتك أولى بصوتك ان كان يستحق يصل للمجلس لكن ان كان من الطقة التعبانة وان كان بيوقف ضد المواطن ليش ترجعه للمجلس ، رجوعه ماراح يفيد لا قبيلتك ولا طائفتك ، يمكن يمشيلك معاملة ، يصرحلك جم تصريح تبرد فيه جبدك لكن حقوقك وحقوق أبنائك انسى ! أول من بيوقف ضدك اهو ،
وأتمنى لو تصير دائرة وحدة وصوت واحد لتكون هلخطوة نهاية للقبلية والطائفية وغيرها وليصبح الشعب مجبرا على عدم بيع صوته لابن القبيلة ولابن الطائفة لأننا على مايبدو مانعرف مصلحتنا ونعمل ضد أنفسنا! !