MODEST
تتهم سماحة السيد بقلة الأدب؟ لو سمحت لا تتعدى حدودك واهو مو محتاج حق شهادتك عن قيمه الأخلاقيه .. انزين عيل نواب اللي تتحجى عنهم لمن يتهمون بعض الوزراء بالزندقه والبندقه تحت قبة عبدالله السالم ؟ والنواب التكفيرين شنو ردك عليهم يا أخ ...؟ ومن أتهم اللي طلع مابي اذكر اسمه لانه"
اسم على مسمى" وذكر انه الشيعه اهم كانو سبب في هدم مساجد الجينكو.. يبي يشعل فتنه طائفيه ويبيها اتصير مثل عراق ولبنان وتشتعل حروب الأهليه .. عسى الله لا يوفجه دنيا وآخره
وزارة الأوقاف ومساجد الجينكو وفريق التأزيم :
وبعدين احنا دستورنا اهو صمام الأمان اهو القانون .. الفتاوي اللي اطلعونه انه مايجوز هدم المساجد ولكن اذا الارض مغتصبه ؟ هل يجوز بناء مسجد بدون ترخيص ؟؟ يا اخي لو انا الحين اخذ متر من ارضك شوف القضايا اللي ماتخلص وهذي بالاخير املاك الدوله ... اذا فعلا تبي تبني مسجد او تحط دوانيه .. فادفع قيمة الارض حتى تمتلكها ثم افعل ماشئت .. عزيزي ايام الجاهليه وايام البـر " كل من نصب خيمته ومشى" .. راحت الحين الديره تحكمها ضوابط و قوانين !
اما وزارة الأوقاف فحدث ولا حرج .. يعني انا بفهم مودست من قلة المساجد بالكويت انه الواحد يبني مسجد جينكو ؟؟ يا اخي والله ياكثرة مساجد بالكويت ! ولعلمك الخاص اللي تدعي عنهم مساجد اظن لاحظت هناك بعض منهم يستخدمونه لغرف تخزين او مسكن للعزابيه .. ولا اتسوي روحك ماتشوف هالشي؟
الشيخ الفالي :
اما بالنسبه للشيخ الفالي فيما قاله شيء حسب معتقداته وانا مو دارس ولا عالم بالدين ولا ادري من صحة ذلك ولكن اهو اعلم بهذا الشيء .. وبعدين احنا دوله ديمقراطيه .. نحترم جميع الأديان .. وهذا الشي كان موجود من ايام الإسلام .. وبما انك ماتعتقد بهل شي مو لازم تسوون بلبلة بهل بلد عشان شي يخالف معتقداتك ... !
العموم انت المفروض تعلم الفارق الكبير شتان بين المذهب الشيعي والسني.. ولا اريد ان اتدخل في هذا الموضوع لانه راح نخرج من محورنا الأساسي .. ومحورنا الأساسي اهو سيد حسين القلاف
فلا تدخلنا في متاهات و تحسب نفسك انك بتربح هذا النقاش...
لماذا تخاف الحكومة بالوقوف ليوم واحد فقط ..؟
لانه للأسف نواب التأزيم صارت لهم قاعده داخل مجلس الأمه ، منهم الحدس والتكفيرين .. وانه بعد الاستجواب مايحتاج عاقل انه بالتصويت يقدرون يطرحون الثقه .. لانه عددهم كافي حق هالشي ..
عرفت ليش.. وعلى فكره لو انك اتشوف هاليومين تحركات الحكومه في احتجاز الطاحوس وبورميه .. راح تلاحظ انه هذا فقط إنذار لكل من يتعدى حدوده عالشيوخ .. مهما يكون فهذا ولي الأمر ..
اتمنى انك ماتكثر اسئلتك وهذي اجاباتي سواء اقنعوك ام لا.. فهذي قناعاتي و وطنيتي.. واذا تبي تذكر عن السنه .. فإني احترم اخواني السنه " الغير تكفيرين " .. امثالهم مرزوق الغانم ، مبارك الخرينج ، احمد السعدون ، علي الراشد وغيرهم وغيرهم.. الحمدالله احنا بالكويت مجتمع متعاون ماعندنا هالطائفيه ايام اجدادنا
ومن دخلوا " حــدس " والتكفيرين " ا هالطائفيه .. وبنفس الوقت انا ضد كـل " شيعي " تكفيري ..
اتمنى انك ماتسأل اخ MODEST لأنه والله هذا نقاش اللي توصلناه الحين ضعيف جداً .. بس اتمنى انك اتشوف موضوع ثاني وتريّحنا شوي
