مرشح للمجلس البلدي .. من عائله السعيد ,

[جهراوي و افتخر]

بسم الله الرحمن الرحيم ..
مساكم عسل / صباحكم عسل
-----
اعلن المهندس طلال الخلف السعيد
ذو الباع الطويل في خدمه مؤسسه الخطوط الجويه الكويتيه
ترشيحه للمجلس البلدي للدوره القادمه بعد اسابيع معدوده ..
و اعرب ايضآ السعيد :
انه مرشح للجميع حظر الجهرآ و للبدو و للسنه و للشيعه
----
و بالصراحه لي معرفه شخصيه مع هل شخص
بصراحه ناشط سياسي
و غير عن المرشحين الاخرين من عائله السعيد
طرحه 360 درجه غير عن صالح السعيد و مؤيد السعيد و طلال عثمان السعيد
اهو غير 360 درجه
----
و بالتوفيق للجميع حظر و بدو سنه و شيعه
و كلنآآآ للكويت
تحيآآتي ولد الجهرا الوفي /
جهراوي و افتخر

:وردة:
​

 

[فتى الشمال]

خله ينزل نفسه انتخابات جمعيه احسله
الدائره محسومه ماتطلع من عنزه و شمر

 

[حلاتي بذاتي]

لا والله حتى الجمعيه واجد عليهم السعيد مالنا خلق لسكوب وامجادها للسفهاء

 

[جهراوي و افتخر]

مع احترامي لكم ثنانتكم ,
حكمتو على الواحد من اسمه ما عرفتو عنه شي ,
تقدرون تقولون لي شلون عرفتوا ان مو زين ,
و طبعا ردكم راح يكون لانه نفس الباجين من العائله
لكن المهندس طلال غير عنهم
و بنتظار ردكم على سؤالي شلون عرفتو ان مو زين ؟

 

[محرر مجهول]

لووووووووووووووووووووووووووووووووووووووول
يمكن تتصل فجر السعيد وتقول حق أخوها طلال
" تصدقون إذا اخوي طلال ما قدر يسوي خدمة حق الناس يطيح يبالمستشفى .!!!"
لووووووووووووووووووووووووووووووووووووووووووول
مثل سالفة صالح السعيد

 

[فتى الشمال]

جهراوي انا ما حكمة عليه بس مراح ينجح

 

[جهراوي و افتخر]

محرر مجهول ..
احكمو على الرجال ليما تشوفون طرحه ,
انا ما قلت لا صالح ولا طلال السعيد اخوان فجر
هذآ واحد غيرهم ,
اتمنى تشوفن طرح الرجال و بعدين تكلمو على كيفكم
( ما نبي نتكلم قبل لا نحكم )

 

[جهراوي و افتخر]

فتى انا ما قلت لك بينجح
لكن انت من اول رد على الموضوع جيت و قلت :
خله ينزل نفسه انتخابات جمعيه احسله
الدائره محسومه ماتطلع من عنزه و شمر

صح ولا لا ؟
اوكي لا ينجاح عادي خل روح التنافس شريفه
خل يجرب حقه اهو حر سقط ولا نجح مالي شغل ولاني مستفيد شي
لكن كل الكلام الي بوصله انك ما يصير تحكم على الواحد من العايله
و بعدين بالتوفيق لشمر و عنزه على راسنا ولله
و بالتوفيق لجميع من يريد مصلحه الكويت بعيدا عن الرشاوي

 

[حلاتي بذاتي]

يبا الحب على بذره يعني شنو بسوي غير الضهور بقناة الساقطين سكوب وضج وترفيع وعوار راس واخر شئ يجيب 150 صوت

 

[*محمد الشمري]

اعتقد المنافسه على كرسي المجلس البلدي
عن الدائرة الثامنة ( الجهراء ، الصليبخات )
ستكون بين :

1 - محمد الوقيت الشمري
لأنه مدعوم من كافة ابناء قبيلة شمر بحصوله على المركز الأول بـ ( تشاورية ) القبيله .
ولا ننسى ان عائلة الوقيت من اكبر عوائل الصليبخات ،
ولهم علاقات نسب مع باقي العوائل ومن ابرزها اسرة ( ال صباح ) حفظهم الله .

2 - عبدالله فهـــــاد العنزي
ايضاً مدعوم من ابناء قبيلة عنزة بحصوله على المركز الأول بـ ( تشاورية ) القبيله .
ومدعوم ايضاً من حركة ( حدس ) ومن بعض السلفيين .
.
.
المنافسه اعتقد لن تخرج عن هؤلاء الأثنان .
خالص الـــود
:وردة:
.

 

[جهراوي و افتخر]

حلاتي بذاتي ,
انا معاك سكوب بهرجه لصالح ,
لكن انت حكمت على صالح عقب طرحه الرايح فيها بصراحه
بعدين سؤال ؟
هل يعني ان عائله السعيد كلها مو زينين دام صالح و فجر و طلال سو مشكله ؟

 

[جهراوي و افتخر]

مستقبل واعد ..
حيآآك الله و بالتوفيق للجميع لو كان منو بس المهم مصلحه البلد
وكلنا للكويت ..
و كل القبائل و العوايل و بدو و حظر يستاهلون
و تحيآتي

 

[حلاتي بذاتي]

المثل يقول الحب يطلع على بذره

 

[جهراوي و افتخر]

على راحتك بعدين ليش انا اعور راسي بالكلام عن مرشح لا لي صله فيه
انا حبيت بس اقولكم هل خبر ,,
و حبيت افهمكم ان مو على اسم العايله
على الشخص نفسه ,
تحيآآتي /

 

[بهجت الاباصيري]

يبا والله عائله فايف ستااااااااار

مافيهم طب

كلهم يبجوووووووون خنت حيلي والله

 

[قرأت]

من هؤلاء العظـــــــــــــــــــــــــــــــــــــــــــــــــــــام الذين نراهم في الصورة ؟!!​

 

[برق الليل]

خله ينزل نفسه انتخابات جمعيه احسله
الدائره محسومه ماتطلع من عنزه و شمر

وين صوتك جهراوي ولاتؤخذ الجهراء من شمر وعنزة


لازم نتحد ضد العنصرية ونرفض التشاوريات كرسي الجهراء للجهراء


وين الوردان المرتزقة ليش مايسوي ندوة في فندق السليل على حسابة


أحد المرشحين لازم نصوت ضد عنزة وشمر مطلوب الاصلح

 

[النايف79]

لو الله يفكه من طلال وفجر راح يتوفق وياليت غيرهم مثل ماتقوول
طلال وصولي لابعد درجه وفجر حدث ولاحرج
اللهم عافنا واعفو عنا

 

[صوت الكويتq8]

الله يوفقه انشاله
بس اعتقد ان المنافس علي الكرسي هو المهندس عبدالله فهاد العنزي

الرجل اخلاق وخبره والاهم جهراوي

 

[فتى الشمال]

وين صوتك جهراوي ولاتؤخذ الجهراء من شمر وعنزة


لازم نتحد ضد العنصرية ونرفض التشاوريات كرسي الجهراء للجهراء


وين الوردان المرتزقة ليش مايسوي ندوة في فندق السليل على حسابة


أحد المرشحين لازم نصوت ضد عنزة وشمر مطلوب الاصلح

يا ابو كبتي انا صارلي يومين مسجل منو قالك انا رئيس حملة خل صوتك جهراوي ....؟!
و بعدين الوردان رجال من قبيله طيبه احترام الاخرين يا غير محترام
و بعدين احنا حالنا من حالكم خل صوتك مطيري!! خل صوتك رشيدي !! خل صوتك جهراوي !!
كلهم نفس الطقه :إستحسان:بس انت فيك انفصام شخصيه و ماتفكر بس تحب كل شيئ لك و الثانين يعلهم يحترقون
والله العظيم صج مهايطيه سلملي على ابو شيبه و ورعانه يلي يقنون جدام الجنه صليبيخات
بمدرسة العنجري