أشكال قبيحة في مجتمعنــــــــا !!

[الأصمعي]

موضوعي يتكلم عن الأشكال القبيحة في المجتمع الكويتي
سوف أتحدث باللهجة الكويتية​

لو تلاحظون إن في شغلات في المجتمع تخلي الواحد تلوع جبده لما يشوفها..
طبعاً انا عارف إن الحرية الشخصية مكفولة لكل شخص و موضوعي مايتدخل في طريقة لبسهم او أشكالهم ولهم كامل الحرية ..​

لكن لنا الحق إن ننتقدها وهذي حريتنا الشخصية دون إللزام الناس بتغير أشكالهم ..​

فا أنا اشوف أشكال أستغفرالله تشنه ماعندهم منظرة في البيت او يمكن أهله يقولون له حلو فا عباله صج حلو ( القرد بعين أمة غزال ) ​

يعني أذكر لكم بعض الأشكال المأساوية إللي تشوفونها على البنات او الشباب !​

1- الشعر الطويل للرجل (خاصة ورى الغترة او الشماغ) !!!​

2- قوطي النيدو ورى الحجاب !!!​

3- واحد وزنه 1000 ولابس لي ستريج ومطلع البوكسر ​

4- منقبة والكحل والشدو لاعب في عينها لعب
(مرات أعرف المراجعة من غير ما اشوف هويتها طريقة الكحلة أقولها شلونج فلانه ) ​

5- متحجبة والبقله (القذلة) طالعه ! ( قطي لحجاب وايد أذرب )​

6- قاعد بقهوة وفجأ داش لك واحد لابس بيجاما !!!​

7- بنطلون وقميص وشغل عدل (ونعال كرم القارئ) :إستنكار:​

8- الويه ويهة جكر اللهم لا شماته ( ويلحق البنت يبي رقم ) --> إنت شايف نفسك بالمنظرة !​

9- الكل يعرف لسبايكي مافي مشكلة بس المشكلة لا صار ( إنفجارات كونية فوقه ) !!​

10- العباءة المشيرة ( معروف إن العباءة للتغطية وليست لعرض لوحات ليوناردو دافنشي ) !

​

مرات الواحد يكسر خاطري ودي أروح أقولة عليك بالعافية بس شكلك جيكر ! يعني لو حلو عليك أوكي بس ماتنبلع مرة وحدة ..​

طبعاً كل إللي قلته كوووم و ( حجاب قوطي النيدو - و جدايل شعر الريال ورى غترته ) بصوب !!
يعني لو ويوهكم تشفع لكم يمكن بس ميح اللهم ياكافي ..​

أترك لكم التعليقات و هم إللي بقلبة شغلات مو سلبية إلا تلوع الجبد لكن البعض يصر على لوعة الجبد ..
يشاركنا فيها​

 

[كويتيه من مطير]

قوووووطي روووووب مــو نيـدووووو !!!

والشعــر ورا الغتره أووووف نكتـه ومدهــن بعــد !!!!

اللــه يصـلــح الـحــاااااااال بــس ....

 

[ولد النوخذه]

موضوعي يتكم عن الأشكال القبيحة في المجتمع الكويتي

سوف أتحدث باللهجة الكويتية​

لو تلاحظون إن في شغلات في المجتمع تخلي الواحد تلوع جبده لما يشوفها..
طبعاً انا عارف إن الحرية الشخصية مكفولة لكل شخص و موضوعي مايتدخل في طريقة لبسهم او أشكالهم ولهم كامل الحريم ..​

لكن لنا الحق إن ننتقدها وهذي حريتنا الشخصية دون إللزام الناس بتغير أشكالهم ..​

فا أنا اشوف أشكال أستغفرالله تشنه ماعندهم منظرة في البيت او يمكن أهله يقولون له حلو فا عبالة صج حلو ( القرد بعين أمة غزال ) ​

يعني أذكر لكم بعض الأشكال المأساوية إللي تشوفونها على البنات او الشباب !​

1- الشعر الطويل للرجل (خاصة ورى الغترة او الشماغ) !!!​

2- قوطي النيدو ورى الحجاب !!!​

3- واحد وزنه 1000 ولابس لي ستريج ومطلع البوكسر ​

4- منقبة والكحل والشدو لاعب في عينها لعب
(مرات أعرف المراجعة من غير ما اشوف هويتها طريقة الكحلة أقولها شلونج فلانه ) ​

5- متحجبة والشعر والبقله طالعه ! ( قطي لحجاب وايد أذرب )​

6- قاعد بقهوة وفجأ داش لك واحد لابس بيجاما !!!​

7- بنطلون وقميص وشغل عدل (ونعال كرم القارئ) :إستنكار:​

8- الويه ويهة جكر اللهم لا شماته ( ويلحق البنت يبي رقم ) --> إنت شايف نفسك بالمنظرة !​

9- الكل يعرف لسبايكي مافي مشكلة بس المشكلة لا صار ( إنفجارات كونية فوقه ) !!​

10- العباءة المشيرة ( معروف إن العباءة للتغطية وليست للوحات ليوناردو دافنشي ) !​

مرات الواحد يكسر خاطري ودي أروح أقولة عليك بالعافية بس شكلك جيكر ! يعني لو حلو عليك أوكي بس ماتنبلع مرة وحدة ..​

طبعاً كل إللي قلته كوووم و ( حجاب قوطي النيدو - و جدايل شعر الريال ورى غترته ) بصوب !!
يعني لو ويوهكم تشفع لكم يمكن بس ميح اللهم ياكافي ..​

أترك لكم التعليقات و الهم إللي بقلوبكم من شغلات مو سلبية إلا تلوع الجبد لكن البعض يصر على لوعة الجبد ..​

اخى العزيز

هذا شعورك وانت حر فيه ومن حقك لكن تبقى حريه شخصيه للناس ان تلبس كما تريد اما سالفة اللى لابس بجاما وداخل القهوه فهذه ليست حرية شخصيه بل (قلة ذوق وتخلف ) حتى الاجانب اذا رن جرس باب البيت فان الرجل يلبس (روب ) فوق البجامه المكونه اصلا من بنطال وقميص لزوم الذرابه واحترام الناس وسلم لى على راعى البجامه وقوله شخبارك .

 

[الأصمعي]

قوووووطي روووووب مــو نيـدووووو !!!

والشعــر ورا الغتره أووووف نكتـه ومدهــن بعــد !!!!

اللــه يصـلــح الـحــاااااااال بــس ....

ذاك قبل روووب الحين نيدو ومرات حليب بودر الأبراج ​

 

[الأصمعي]

اخى العزيز

هذا شعورك وانت حر فيه ومن حقك لكن تبقى حريه شخصيه للناس ان تلبس كما تريد اما سالفة اللى لابس بجاما وداخل القهوه فهذه ليست حرية شخصيه بل (قلة ذوق وتخلف ) حتى الاجانب اذا رن جرس باب البيت فان الرجل يلبس (روب ) فوق البجامه المكونه اصلا من بنطال وقميص لزوم الذرابه واحترام الناس وسلم لى على راعى البجامه وقوله شخبارك .

صح أنا قلت في موضوعي إنها حرية شخصية وانا الكل يعرفني في المنتدى أكثر واحد مع الحرية الشخصية وعدم تلبيس خلق الله ملابس على مزاجنا .. بس القصد إن في ناس أشكالهم مهولة وماعندهم ذووووق ... يعني شعرك طويل وويهك يشفع لك عادي مثل هذا مافي مشكلة

بس شكلك مأساوي مثل هذا

إهني المشكلة لاتزيد الطينه وتهول حرام إرحم حالك

مشكور أخوي على المشاركة

 

[العجيز]

وليش ما ذكرت اللي يروح بيت الله فبجامه وجريمبي ؟؟!
بدوانية بيته يستقبل ربعه كشخه .. يروح يقابل رئس قسم كحيان كاشخ .. يروح الجمعيه ..همن كاشخ..بيت الله بالله شكو مبهذل ؟!!!!!
خذو زنتكم عند كل مسجد..يعني قمة كشختك لما تقابل ربك ..

اما الميك اب !! اممممممم
يعني كحيله نبلعها ... بس مضيعه الاخت بدال لا تروح صالة افراح بميك ابها وجايه السوق او الطبيب !!
اسمحلي
تصدقون والله جد .. انا برمضان مرات انخرع !!!!
بنات كنت اشوفهم نعومه وذرابه واسسسسكت على الميك اب الطبيعي ..وانا بقلبي اقول جكري ما يترقع
بس من يجي رمضان ماغير متهوله وفاتحتن فمي من العجايب والغرايب !!
وين البشره وين الحين اللي تقول عين وحش !!
وين رمش الغزال !!!!
بس برمضان أحس بشعور هيفا وهبي !!

 

[شين الحلايا]

يا اخي في اشياء ماتعجبك لكن تعجب ناس غيرك . اذا قوطي الروب على قولتك يلوع الجبد في ناس تشوفه حلو . واذا الشعر الطويل مع الغترة او الشماغ عندك موحلو في ناس تشوفه حلو . يا اخي الناس اذواق وبعدين هذه حرية شخصية ليش دايما ندخل بخصوصيات الناس كل انسان حر في مايلبس انت وغيرك شكو في الناس . احج عدل وقعد عوي . عينك إذا أبدت لك مساوئ فصنها وقل يا عين للناس أعين .

 

[الأصمعي]

يا اخي في اشياء ماتعجبك لكن تعجب ناس غيرك . اذا قوطي الروب على قولتك يلوع الجبد في ناس تشوفه حلو . واذا الشعر الطويل مع الغترة او الشماغ عندك موحلو في ناس تشوفه حلو . يا اخي الناس اذواق وبعدين هذه حرية شخصية ليش دايما ندخل بخصوصيات الناس كل انسان حر في مايلبس انت وغيرك شكو في الناس . احج عدل وقعد عوي . عينك إذا أبدت لك مساوئ فصنها وقل يا عين للناس أعين .

شكلك ماقريت الموضوع كامل ..

انا قاعد أقول إني ما أتدخل في طريقة لبسهم أو أشكالهم ولهم كـــــــــــــــامل الحرية الشخصية ..

لكن موضوعي يتكلم عن الأشكال الغلط .. إللي مايترقع اللبس عليهم يضبط عليك بس مايضبط علي ..

والحرية بالنقد مكفولة للأخرين .. دام إني مو قاعد أفرض سلوك أو ملابس معينة على الناس

وضحت الصورة ؟!

 

[jody]

بنطلون وقميص وشغل عدل (ونعال كرم القارئ)​

لووول شلون يعني ؟؟ قصدك فلات ..؟​

ولا نعال - وأنتوا بكرآمة - مال الدشداشة !!​

المشكلة حتى لو حجينّا .. أهما رآضين ..​

أحنا بس نستنكر .. ولا مالنا شغل بأحد تـــرى ​

اللي يرفع الضغط .. بطــــة .. ولا عــــصلة .. ولابسة سكيني جــينز !!​

أستغفر الله .. أتضحك .. لوول​

ولا الثانية لابسة حجآب .. ومع التي شيرت لابسة لـقنز !!​

أستغفر الله شنو هـ الحجآب ..؟​

أصلاً غــلط .. ​

حتى اللي مو محجبة .. لا لبست لـقنز ..تلبس توب أشوي طويل ..​

ولا شغلة ثانية .. مو فآهمتها .. من الرياييل والحريم .. ليش دآخل المجمع يتمون بنظآرتهم الشمسية ...؟ ​

صج صج ليش ..؟​

ويآكلون .. ويتشرون .. بالنظآرة !!​

أما المنقبآت .. حدّث ولا حرج . .​

سقى الله أيام الزهراء .. نادراً ما أجوف منقبات ..​

كآرثة .. كآرثة .. أصلا يلوعون الجبد .. فـــــــــــل ميك أب حق عينها .. والنقاب طآيح عليه أشوي بودرة لووول ..​

والعبآة تبرق تبرق .. شنو هذا ..؟​

حتى بعرس ما أنسوي جي ..​

أما في منقبات .. مشالله مشالله .. صج يفرضون إحترآمهم .. ​

عشآن ما نظلم الكل ..​

تشكرآت الأصمعي ..​

 

[العجيز]

شفيكم على الرجال !!
هو فبداية الموضوع قال

إن الحرية الشخصية مكفولة لكل شخص و موضوعي مايتدخل في طريقة لبسهم او أشكالهم ولهم كامل الحرية ..لكن لنا الحق إن ننتقدها وهذي حريتنا الشخصية دون إللزام الناس بتغير أشكالهم

..
يا ربي هالشبكه ماغير تتناحرون ؟! انا منقبه وعادي في شغلات غلط مافيها شي اذا احد ذكرها .. انا عندي البنت تطلع سفور ولا انها تلبس نقاب اي كلام..يا تلبس مثل العالم وله لا تلبس شنو هو لعب عيال ..
الموضوع فرفشه لا تخربونه

 

[حلاتي بذاتي]

مانقول اللهم لاتبلانا ولا تبلا أخواننا

والي يسوي هالشغلات ماعنده ثقه بنفسه

وأذا تبي تشوف الهوايل رح للأفنيوز <<<< يملا الصاروخ الي مايخلي فيك طابوقه صالحه

 

[الأصمعي]

اللي يرفع الضغط .. بطــــة .. ولا عــــصلة .. ولابسة سكيني جــينز !!​

أستغفر الله .. أتضحك .. لوول​

كآرثة .. كآرثة .. أصلا يلوعون الجبد .. فـــــــــــل ميك أب حق عينها .. والنقاب طآيح عليه أشوي بودرة لووول ..​

والعبآة تبرق تبرق .. شنو هذا ..؟​

تشكرآت الأصمعي ..​

ذبحتيني من الضحك دمعتي نزلت وانا أضحك أستغفر الله حاله ميؤووس منها ..
فل ميك أب بس حق العين

إي والله انا ماعندي مشكلة يلبسون إللي يلبسونه في ناس يلوق لهم بس في شغلات أستغفرالله تقولك الستر زين والعباة تبرق حتى مرات أخفف عبالي بتدش يمين

ولا شغلة ثانية .. مو فآهمتها .. من الرياييل والحريم .. ليش دآخل المجمع يتمون بنظآرتهم الشمسية ...؟ ​

صج صج ليش ..؟​

ويآكلون .. ويتشرون .. بالنظآرة !!

​

سمعتي إن النظارة تخفي الجكر وتحلي الإنسان ؟!

حــــــــــــــــــــالة .. :إستحسان:

 

[ABDULRAHMAN]

1- الشعر الطويل للرجل (خاصة ورى الغترة او الشماغ) !!!​

هذا يسمونه ستايل التيس طال عمرك و ماخذينا استيراد من دولة قطر​

3- واحد وزنه 1000 ولابس لي ستريج ومطلع البوكسر ​

توه مبلش رجيم و صدق نفسه :باكي:​

6- قاعد بقهوة وفجأ داش لك واحد لابس بيجاما !!!

حدد أي قهوة بالأول إذا كانت من قهاوي خيطان عادي ​

7- بنطلون وقميص وشغل عدل (ونعال كرم القارئ) :إستنكار:​

بالعكس ترى صايرة حركات هــ الأيام بس انت الظاهر شايب و ماتعرف هــ السوالف​

وعلى حسب شكل و ستايل ( النعل ) يكرم القارئ :إستحسان:

8- الويه ويهة جكر اللهم لا شماته ( ويلحق البنت يبي رقم ) --> إنت شايف نفسك بالمنظرة !

هذا الله يسلمك ..
اضحكت البنت للي وراه وما جذب خبر ​

9- الكل يعرف لسبايكي مافي مشكلة بس المشكلة لا صار ( إنفجارات كونية فوقه ) !!

لا تكون أصلع و تغار وتحتر منهم ​

 

[الأصمعي]

هذا يسمونه ستايل التيس طال عمرك و ماخذينا استيراد من دولة قطر​

توه مبلش رجيم و صدق نفسه :باكي:​

حدد أي قهوة بالأول إذا كانت من قهاوي خيطان عادي
بالعكس ترى صايرة حركات هــ الأيام بس انت الظاهر شايب و ماتعرف هــ السوالف​

وعلى حسب شكل و ستايل ( النعل ) يكرم القارئ :إستحسان:
هذا الله يسلمك ..
اضحكت البنت للي وراه وما جذب خبر ​

لا تكون أصلع و تغار وتحتر منهم ​

إي والله لعياب عند الباب نعيب أول في لبنان نشوف السعودية والقطرين مع شعورهم المأساوية صرنا مثلهم أستغفرالله ..

قهاوي المرقاب طال عمرك ..

شوف أطوف له لنعال لـflat بس نعال نيدية ولا نعال دشداشة كرم القارئ !!! :إستنكار:

لا مو أصلع الله لا يبلانا .. راح أعتزل المنتدى والمجتمع

بس سبايكي سنع يعني لازم كشه عبد في عز السبعينيات ( كلنا عبيد الله ) ولا ماعرف أسوي سبايكي !!

القصد كلشئ حلو بالأنسان يقدر يسويه بس المشكلة لما الواحد يهول بالشئ.. والمثل يقول لا زاد الشئ عن حده ينقلب ضده
تحياتي

 

[ABDULRAHMAN]

قهاوي المرقاب طال عمرك ..

نفس الشي هي وخيطان واحد
يعني سامحه عشاني بس

شوف أطوف له لنعال لفلات بس نعال نيدية ولا نعال دشداشة كرم القارئ !!! :إستنكار:

إذا كان لونها أبيض مفيش مشاكل بس هم على حسب اللبس لازم يكون خفيف و على حسب المكان بعد
اذا نعال دشداشة هذي ما تترقع
بس أنا دافعت عنهم قدر المستطاع :وردة:

لا مو أصلع الله لا يبلانا .. راح أعتزل المنتدى والمجتمع

مادري ليش احساسي يقول قوية قوية

القصد كلشئ حلو بالأنسان يقدر يسويه بس المشكلة لما الواحد يهول بالشئ.. والمثل يقول لا زاد الشئ عن حده ينقلب ضده

شوراهم خلهم يهولون بعمرهم و يستانسون بس أهم شي لازم الناس تفهم إن هذي الموضة و دام الواحد توه شباب و الشعر للحين بعزّه
خل يحورف فيه قبل لا يروح مثل ماراح شعرك

تحياتي

حياتك الباقية :وردة:

 

[الأصمعي]

هههههههههههههه حمني ...

قهاوي المرقاب صج مو نفس قهاوي السالمية بس مافي مقارنه مع قهاوي خيطان مرة وحده !!

لا مو قوية صج .. كيفهم دام يلوق لهم بس إذا مايلوق له الشعر يعد وسبايكي غصب !!

 

[ABDULRAHMAN]

هههههههههههههه حمني ...

قهاوي المرقاب صج مو نفس قهاوي السالمية بس مافي مقارنه مع قهاوي خيطان مرة وحده !!

لا مو قوية صج .. كيفهم دام يلوق لهم بس إذا مايلوق له الشعر يعد وسبايكي غصب !!

راح أعتبر نفسي ماشفت هــ الرد اللي فوق


وراح أوريك شوية من مهاراتي و أحط ردك الأساسي

هههههههههههههه حمني ...

لا مو قوية صج .. شككتني بعمري

شوف يالغالي تعلمت من شخص عزيز علي إن الاسم يوصف صاحبه
فــ راح نشوف اسمك الحين و حروف اسمك

الأصمعي = أ - ل - أ - ص - م - ع - ي

شوف الحروف اللي باللون الأحمر هذي صفه من صفاتك موجودة بإسمك

 

[ABDULRAHMAN]

يعني تصير أصلع
و ألمعي
وانت تعرف يالغالي إن الصلعة دايما تلمع يعني انت الحين 2 في 1

 

[حلوة الكويت]

الموضوع عجبني....يا ويلك...
بجمع لك من فكري بعض من تلك الحالات انتظري اليوم بخرب هالموضوع...
لي عودة... مع موسيقي ضحكة شريرة​

 

[It's Me]

6- قاعد بقهوة وفجأ داش لك واحد لابس بيجاما !!!​

​

بكلية الآداب طالب من أهل كيفان .. الله العالم يوصل الكلية " كعّابي " كل يوم , طبعا ً بـ بيجاما و فلات يحضر محاضراته و طوااالي عالبيت يكمل النومة و بالصيفي .. حالته صعبة

مو بعيد عن هذا :

نفس الشعر و العيون الفتانة .. بس للأمانة , زقرتي ..