جــنــــون الشـــــعـــــر

[@Noura@]

دنيا تناقض . جامعه فراق وعناق
تلعب بي هالدنيا على خذ وهاتي


أفتقد هذه الصفحة كثيرا
:وردة:​

 

[العبدلي]

موضوع حلو

وعندي مشاركه ما أعرف شاعرها بس حسيت أنه حزين

ألا يا قلب يامسكين ترى باعوك احبابك ,, يقول اصبر على جرحك إلين الله يفرجها
أنا ماني حلم عابر حلمته وتبغي تفسيره ,, انا قصة قلب صابر على حبك وتقصيره

 

[حلوة الكويت]

الى العزيز كنتروال....
فقدنا...روعة شعرك...
واحساسك المرهف هنا....
تعودنا على..الحزن ..والفقدن...الرمانسية بشعرك.؟؟؟
يهل ترى...
عندما تعود هنا....

عن ماذا سوف تكتب؟...
شعر ماجن...
ام ..هجاء

عموم مبروك يا عريس...
وهذولا سمج...هدية لك...محتاج طاقة
تحياتي

​

 

[حلوة الكويت]

اهداء الاحياء الذكري الاولي الغيابة من المنتدي ....
بسب ان الزوجة صاكة علية...
تحياتي...

[FONT=DecoType Naskh, Arial (Arabic)]كل ما نسنس[/FONT]
​

كلما نسنس من الغربي هبوب حمل النسمة سلام
وان لمحت سهيل في عرض الجنوب .. عانق رموز الغرام
لك حبيب ما نسا .. كلمته دايم عسى
اطلب الله وارتجيه .. صبح يومي والمسا
كل زين اشهاده وانتم بعيد منوتي ليتك معي
وان سهرت الليل اهوجس بك واعيد هل لاجلك مدمعي
وانت هاجس خاطري .. وانت فرحة ناظري
يا قريب ويا بعيد .. فيك امس وحاضري
نشوتك تلعب مع قطر المطر .. وانتشى قطره معك
والسحاب يطاردك بين الشجر خالق الزين ابدعك
الندى في وجنتك .. صار عطر بلمستك
والهوى غنى طرب .. تستثيره بسمتك
كلما ضمت عيوني منك طيف يا بعد كل الطيوف
قلت ما مثلك على الدنيا وصيف لا حشا مالك وصوف
لا سحاب ولا مطر .. لا نسيم ولا زهر ..
لا طيور ولا زهر .. ولا مع باقي البشر ..


خالد الفيصل​

​

 

[حلوة الكويت]

​

احد قال انا شعر وهذك قال به..
مير ما يزها هالشعر غير به
بشاعر مجنون جن الشعر به
شاعر الامس واليوم والغد به
غبت عن اورقك الكل قال به
اعتزال او غاب الشعرمن اطيافه​

​

 

[حلوة الكويت]

دفتر الحب امتلا شعر وكتابه


...................................والهوى بالقلب اصبح لي فريضه




ماكتبت الشعر الا بك خطابه


...................................استدين الحـــب منّك واقتريضه




كل بيت فيه اسمك له مهابه


..................................ينزف المعني عليك وثم يفيضه




ياعيون الكون يابسمة غلابه


................................يا شعاع الشمس يابرق ووميضه



نزف سابق



لــ :


< كنترول >





****




و


.


.



مابين قلبي والهوى به صداقه
كن الهوى بير (ن) انا فيه منكب



الله جمع مابينهم في علاقه
ماهي بـ علاقة كل من هب أو دب



يشوف عشقه هم عند العشاقه
يرتاح به عشره . . وعشرين يتعب



ماني من اللي يعشقون بطفاقه
أنا الهوى عندي . قوانين وإرتب



طعم الهوى ذقته ومرّ بـ مذاقه
واللي يذوق الحب ماعاد له طب




< كنترول >







اسعدتنا عودتك...
اجمل الشعر تكتبه في ايدينك
لا تحرم من انطرب من قراءلك
..
تحياتي:وردة:​

 

[كنترول]

صبر ؟

اصبر وانا انتظرك

ومليت الصبر واصبر

على شانك لأني ما قدرت انساك

واتم اصبر

دخيل الله اشكثر اهواك

ما انساك

صبر واصبر وانا انتظرك

اقاوم وحدتي بـ شعري

لأني شاعر وتدري

ورفض شعري الصبر لأجلك

يبي يفرح مع هالناس

إلهامه انقلب وسواس

بس حالف

صبر واصبر وانا انتظرك

لأني ما قدرت انساك

وهم ادري

سنين العمر بي تجري

وحبك جرح ما يبرى

لأن جلدي ورق دفتر

وعمري بالقلم جرّه ...!

ودميّ اللي بشراييني

يسيل وصار له حبره

وكل هذا واعاند لأجلك اشعاري

وابرر موقفي منّك

واقول ان حبك بقلبي

من الفطره

واتم اصبر انا انتظرك

لأني ماقدرت انساك



< كنترول >​

 

[كنترول]

تقولين الهوي ,, قسمه وأقول ان الهوى أسرار
تقولين الهوى ,,غاية واقول ان دربها دربي​

تقولين الهوى سيفٍ بيّد العاشقين إحتار
وأقول اللي بتر قلبي , سيوف العشق يا قلبي​

تقـولين المذاق اللي نذوقه بالهـــوى أمرار
واقول اشرب من أمرارك , الين اموت من شربي​

حلفت اشرب من الامرار وادري ان الزمن غدّار
يخلّـيني علــى كيفي ,, يلهّيني ويلعب بي ​

يصوّر لي تصاوير الفرح ,, ثم يلتحف بالنار
وعلى جمرك أتم أسعى في دنيا الحب وألبي​

اهاجر بك واسافر للفضا , مثل الفلك دوّار
تدور نجوم في كونه ,, ونجومه معانقه الشهبي​

نعم هايم انا لجلك , وببحور الهوى بحّار
وأغوص الغيص لأجل اكسب درّه جعلها كسبي​

< كنترول >

​

 

[كنترول]

مساء الخير يا نبضي , مساء الخير , يـ الآلام
مساء الخير يا حـــرفٍ نزف دمّــه بصــفحاتــي ​

مساء الخير ’ يا اتعس مسا , يا محطّم الإلهام
ليا من زدت في بوحي , تدخّلني بمتاهاتي ​

ابي افرح ولو مرّه , ولو حتى مع الأحلام
ولكن يا مسائي انت , تقصر فيك خطواتي​

تغرّب شمسي واعلن انا لك حالة استسلام
وأكتب لك وثيقه حبرها دمّـي ودمعاتــي​

كأني يا مساء الهم , لاجلك اعبد الأصنام
نجومك دوم اسامرها وفيها تزيد هقواتي .!!​

احاكيها واعددها , واتوه بعالم الأوهام
واذا بك تهت , تخنقني بصدري منْك عبراتي​

واهل ابيات مصدرها خفوقْ , بـ سبّتك منضام
​

​

وتحزن لي نجومك يا مسا , وتبكي مع أبياتي ​

< كنترول >

​

 

[وسم*]

هلا ومرحبا الــــــــــــ1000ـــــف

بشاعرنا الغالي كنترول

صج اللي قال من طول الغيبات جاب الغنايم

والله اشعارك رووووووووعة دائما كما تعودنا منك

بس نتمنى المواصلة والاستمرار وعدم الانقطاع

 

[k7elan]

حسااافة

الموضوع نزل بتاريخ تسجيلي بالشبكة الوطنية و تو الحين اطالعه <<اشوف العنوان لكن ما ادخل الموضوع

قصايدك رووووعة و شاعرية يا شاعرنا العذب (( كنترول))

الآن وصلت للصفحة 12 من ابداعات كنترول



رررررررفع <<حرام يموت مثل هالموضوع



تحيتي

 

[الشاب السياسي]

عزيزي كنترول
لو انك تسمعني لصفقتلك حتي تتعب يدي
ولو تراني لا رفعة عقالي تحية لك
لانها كلمات جميله من انسان اجمل
تقبل مرور

 

[كنترول]

يا سكة النسيان . يادرب مغزاي
..........يامنيةٍٍ ودي بها في مساري​

ودي الخطاوي تلتقي مع مناياي
..........وينزاح حب ٍ ساكن القلب طاري​

حبٍ قديمٍ صارت الروح له ماي
..........عطشان يشرب شافني سيل جاري ​

استوطن القلب الذي سبّب اشقاي
..........بخيل هو . و اصبحت له حساب جاري ​

ياااا حب ارحل عنّي اليوم بيبااااي
...........كسوه لبستك . لكن اليوم عاري​

----​

رعشة اهدابك لها في نظرتي عالم خيال
كنها وردٍ تفتّح فووووق صحرا قاحله ​

شفتها تحوى هموم وضيم واكثر من سؤال
وش يفيد البحر . مركب كان ضيّع ساحله​

----​

ان كان هذا الشعر حرّك بك اشعور
وأصبح خيالك مع شعورك أسيره​

ابشر تدلل بكتب ابيات وسطور
لجلك واذا ماجاز لك جبت غيره ​

بقول وأنشد بك ولا نيب معذور
وتصير ديوان الشعر لي وسيره ​

بقول .. يا كل الغلا انت . يانور
يضوي سما اللي له غديت انت ديره​

ديره سكنها شاعرٍ . والهوى سور
يحمي سماها ياغلا الروح طيره​

----​

​

ليت لي مركب ويبحر بالمحيط ....... ما يوّقف غير في مرسى الرباط​

لا مشى وسط البحر كنّه يخيط ...... قــوّتــه بالعـزم عالي بالنشـاط​

يحمل اللي به هوى المغرب ربيط ...... وسط جوفه حبّها شب واستشاط

***​

​

حبيبي وان عصا شعري وقلته من بعد حيره
تجيك احلى قصيده واسمها هي شيخة اشعاري​

***​

​

تنام ونامت الدنيا معاك بصبحها والليل
أبد ما أحس في يومي بدونك يابعد حالي​

احسّك مثل فنجالٍ تطعّمته وحبّك هيل
تبهّر دنيتي بهيلك , وأبد ماهزّ فنجالي



كنترول​

 

[كنترول]

تقولين الهوي ,, قسمه وأقول ان الهوى أسرار
تقولين الهوى ,,غاية واقول ان دربها دربي

تقولين الهوى سيفٍ بيّد العاشقين إحتار
وأقول اللي بتر قلبي , سيوف العشق يا قلبي

تقـولين المذاق اللي نذوقه بالهـــوى أمرار
واقول اشرب من أمرارك , الين اموت من شربي

حلفت اشرب من الامرار وادري ان الزمن غدّار
يخلّـيني علــى كيفي ,, يلهّيني ويلعب بي

يصوّر لي تصاوير الفرح ,, ثم يلتحف بالنار
وعلى جمرك أتم أسعى فـ دنيا الحب وألبي

اهاجر بك واسافر للفضا , مثل الفلك دوّار
تدور نجوم في كونه ,, ونجومه معانقه الشهبي

نعم هايم انا لجلك , وببحور الهوى بحّار
وأغوص الغيص لأجل اكسب درّه جعلها كسبي


كنترول​

 

[كنترول]

الزمن قاضي وهو له متّهم
والهوى هو الجريمه والذنوب

والجريمه كل دوافعها الوهم
والهواوي اليوم تمليه العيوب

الهوي في وسط قلبه كالسّهم
سهم نار الحب في قلبه نشوب

جرّب الحب الحقيقي وما رهم
طار مع هاك العواصف والهبوب

التهم ريح العواصف التهم
شاعرٍ من حب خلّه ما يتوب

الحبيب اللي فتح بابه ودهم
وما فتح غيره ابد هالباب نوب

هو قرا أسرار قلبه وهو فهم
وهيّض الأشعار واسكنها القلوب

في دروب الحب اصبح مشيهم
مستقيم الدرب والخطوه لعوب

المهم مستقبل الحب المهم
من نجاح اليا نجاح اليا رسوب

طاري الفرقا يعكّر جوّهم
عايشين ولا بسين الحزن ثوب

ناطرين الموت . لكن صدّهم
صدّهم حلفٍ مشوا به بالدروب

اتفّاق الوصل عزّز حبهم
كنّه حلف الاطلسي بين الشعوب

والفراق اللي طرى ماهو مهم
المهم ان حبّهم وسط القلوب

والوهم ياللي قريت وتفتهم
ان هواهم ذنب من عرض الذنوب


​

​

كنترول​

​

​

​

​

​

​

 

[كنترول]

يا بــنيّه عـلّميني كـان لــي عـندك معــــزّه
وش مكاني داخلك مرتاح وإلا إنّي إمتوازي ؟

مايـطير الحـــرّ إلا لـــي رفـــع راسه بفـــزّه
وكم أنا شفتك حلاة الصيد لي إن كنت غازي

في خيالي وفكــر بالي صورتك يابنت رزّه
مايفــيد الحب من غيرك ولا لي فيه عازي

عـازتــي اكتب بــك الأبيات لو ناديت حزّه
بليلةٍ انتــي قمرها وماخذه وضع ارتكازي

كـلّ ماشفتك أحــسْ بــرعشةٍ فيني ونـــزّه
وكـل ما نزّيت اسّمي بأسم ربٍ لي يجازي

مثل زلــزالٍ يصــيب الأرض انتي لي وهزّه
وحبي لك مقياس ريختر مايقيس إلا إهتزازي

كاملة بزينك وحسنك والأصل جودٍ وعزّه
بنــت شيخٍ للقبايل بالكـــرم والجـــــود فازي

مـــن خليج المجــد أنتي يادرر بحره وكنزه
بـنـت منهو نخوته (....) ليا جات المغازي

العجايب ســبـع وأنتي الثامنه وكـلٍ يمَـــيْزه
معجزه وأنتي جمعتي أوصافها بكل إمتيازي

مغـــربيه لا ولا أنتي من مصر وديار غـــزّه
أنتي من أهل الكويت الفخر لك هي وإعتزازي

إبــــرةٍ تنسج عروقي بحبها . ومع كل وخزه
زاد فيني بكـــل وخْـزَه والـوجع يابنت جازي

جاز لي هذا الوجع كان الوجع نظره وخزّه
نظره تكفي من عيونك واكتفى منها إعتيازي

أعشقـــك يامـــرْ ذقته لي حلا أنتي ومـــزّه
ولو أنا وجعان صرتي لي كما دم البرازي

منتي عـفــريته ولـكـن تلبسينـــي دوم بـــــزّه
والمرايا كم حكت لي . داخلي شخص انتهازي

تلبسيني حب وإحساس وشعــور وشوق دزّه
لـ كتابة فــيك شعـــرٍ ما بــعـد مثله يــوازي



كنترول​

 

[حلوة الكويت]

تراك بالخاطر ولو ما نشوفك ...
غلاك ما يمحاه قل المواصيل ...



فقدنا روعتك هنا...:وردة:​

 

[كنترول]

الهــــوى ياناس انا قلبي اهتوى به
عاشقٍ (ن) شاعر هوى , بزينه وشينه

انخطف قلبي ومحدٍ (ن) قد درابه
انسجن في سجن سجّانه لعينه

اسحرتني بسحرها اللي اهابه
وسحرها ما فكّه حتى ساحرينه

وصفها من حسنها كلّه ذرابه
حسنها الباهر سحر كل ناظرينه

زينها كل زيــــن بالدنيا انزوابه
كل وصوف الزين هي فيها سجينه

كبلت قلبي بهواها اللي سطا به
غرّها مافيه من شوق , وحنينه

درّستني الحب بالقول , وكتابه
وكيف هي تأسر قلوب العاشقينه

صوّبتني بسهمها وزادت صوابه
اشعلت بالقلب أضواء المدينه

هالمدينه ماتشيل الا الغلابه
والغلابه بالهوى هم طامعينه

اشعلت نيرانها في وسط غابه
غابةٍ (ن) بأزهارها كانت حصينه

غابةٍ (ن) بأزهارها صارت , مثابه
واديٍ (ن) يمشيه كل التايهينه

دشت بقلبي وهو مفتوح بابه
دشّت الغابه لقتها , مستكينه

ساكنه فيني وهي تعزف ربابه
صرت انا شاعر , وسط غابه حزينه !!

صرت انا شاعر هوى يعزف عذابه
لحنه الآهات وهمومه وسنينه

امرضت قلبي وهي تعْرف طبابه
مره إتداويه , ومره هي تهينه

صوت قلبي اليوم تعويه الذيابه
بدّلت دقاته , وصارت ونينه

ماجنيت امن الهوى الا عذابه
ومن عرفني قال: هذا الله يعينه




كنتــــرول​

 

[حلوة الكويت]

ماجنيت امن الهوى الا عذابه
ومن عرفني قال: هذا الله يعينه
​

كنترول..
شاعر المنتدي بلا منازع...
زراع الاحساس بشعره؟...
يكتب لنا من الاه...
ومن الحزن....
رغم كل شئ...
نمسح الدمعه...
ونقول ما اروعك....
الله لا يحرمك من الموهبه...يفرحك بدنياك واخرتك...
مثل ما تطربنا بروعة شعرك:وردة:​

 

[@Noura@]

​

كان بيدي لعبةٍ فيها لعبت
كيف كنت وكيف حالي اليوم كان​

يازماني .الحب سالبني وسلبت
منّه الشعر وهمومه من زمان ​

ماترك لي غير دفتر به كتبت
شعـر في صدري ويحكيه اللسان​

كم أفتقد نوادر كنترول ..!!

صح لسانك بلا عدد ​