سؤال وجواب وين أحسن مكان لتصليح BMW

[bodalal]

السلام عليكم .. تصدقون هذا القسم من أحسن الأقسام بالنسبة لي


فكرته حلوة ومفيدة جدا ..


المهم سؤالي عن أحسن كراج لتصليح سيارات BMW .. خاصة الكهربا << طبعا غير الشركة اللي تقص قص بأسعارها


ومشكورين ..

 

[JeNaN]

كراج الملكي

بافاريا



الاسعار لك عليها لكن اهون من الوكالة بمراحل

 

[bodalal]

الله يعطيك العافية ... مشكووووووووووووووور

 

[JeNaN]

حياك الله

 

[FahdQ8]

الوكاله ولا تشاور ... غاليه بس اضمن لك ...

 

[bodalal]

مشكور أخوي فهد .. الوكالة مضمونة صح .. بس يا خوي أسعارهم ناااااااااااااار

بروحها قطع الغيار غالية ..

الله يعين .. ومشكورين على التفاعل والمساعدة

 

[liberalism]

رافج لك واحد من لاعبين نادي الكويت ..

و خل اهوا يودي سيارتك الوكالة

و ما بتكلفك شي

 

[المختصر المفيد]

كراج الشرق الأوسط في الشويخ و لا تناقش ملك الالكترونيات للسيارات الألمانية

أيضا عالم الغنام :إستحسان:

 

[bodalal]

رافج لك واحد من لاعبين نادي الكويت ..

و خل اهوا يودي سيارتك الوكالة

و ما بتكلفك شي

شمعنه يعني ؟

عموما مشكورة ع النصيحة .. والله لا يخلينا بحاجة أحد ان شاء الله

 

[liberalism]

شمعنه يعني ؟

عموما مشكورة ع النصيحة .. والله لا يخلينا بحاجة أحد ان شاء الله

مو القصد انك تحتاج احد حشى والله ..

بس يوم رحت اخذ الرنج قالي البياع .. خصم لاعبين نادي الكويت 40% !!!

صدمني الصراحة .. يعني اكثر من ال Family member !

و كان 23.000 ما يسوى و بيتغير شكله جان احول على وكالة ثانية

لو فيها شي محتاج قطع و تبديل ..

اخذهم من الوكالة و صلح برا .. مثل ما قالولك الزملاء في جم اسم :إستحسان:

و يعطيك خيرها و يكافيك شرها :وردة:

 

[bodalal]

الف شكر .. وعسى الله يزيدهم ويرزقهم .. ويرزقنا وياهم .. يستاهلون لعيبة نادي الكويت وكل الرياضيين

الخصم بديرتنا غريب عجيب

عندي خصم 50 % كصحفي .. بس عمري ما استفدت منه بشي .. لأن أغلب الأشياء وخاصة تذاكر السفر تصير أرخص لو اشتريها بدون خصم ال 50 % هههههههههه

عندهم حسبة غريبة .. يضربون ويقسمون ويجمعون ويطرحون وبالأخير تلاقي التذكرة برة بـ 100 ولك بعد الخصم 50 % بـ 110 زين ما تطلع مديون من ورى هالخصم

مشكورة مرة ثانية ليبرالزم .. عساج ع القوة