يا جماعة ترى الرجال ما كفر والدميقراطية اما تكون على سنع ولا مالها داعي والديمقراطية با الكويت مشوهة ولا هي ديمقراطية والأسباب
1-امير البلاد هو المتحكم بمصير المجلس يعني متى ما زعل قال لهم توكلوا على الله
2-احزاب غير معلنة وتكتلات سياسية لكن المصيبة اقوى تكتل معارض يمثله 3 نواب اذا ماني غلطان يعني مسلم البراك لو احدالوزراء يسرق من بيته يمكن ما يقدر يسقط عنه الثقة
3-رئيس الوزراء يعينه أمير البلاد لو كل الأعضاء معارضين لوجوده
4- مثقفين ورجال سياسية يصلون الى المجلس بواسطة قط العقل وتكفى تكفى
والله يا مربي اجيال ان كلامك صحيح
عندنا اسم ديمقراطيه حق الكشخه والتفلسف على جيراننا الا الصحيح ديمخراطيه ( الحين واحد ينقز ويقول عندك اخطأ املائية )
المهم الديمقراطيه اما على سنع و إلاّ بلاها
اربع مجالس امه خلال سنتين ونقول عندنا ديمقراطيه
يبه خلالالالالالالاص ملينا كل انتخاب نغير من 40 الى 50% من نواب المجلس اللي علينا سويناه - ما عدا الرئيس الاصلاحي مو راضي يتزحزح ولا يتغيّر -- شنو الحل
اكيد الخطا فينا ما نعرف نختار نواب - اذا جذيه السالفه معناها كلام بدوي واقعي صحيح
بلا مجلس بلا دستور بلا هم - يمكن ان الشعب الكويتي لم يبلغ سن الرشد حتى الان ولذلك
قراراته وتصويته ديمخراطي وليس ديمقراطي لذا على ولى امره اتخاذ ما يلزم في كل مره لتقويم المسار الديمخراطي الشعبي الكويتي -
ملاحظه - للاخوه المدافعين عن الديمخراطيه قفوا قليلا وانظروا بمواقفكم من الاستجواب الاخير ابو خمس ملايين وشوفوا انفسكم --- انتم ديمقراطيين صحيح وتدافعون عن الحقوق او ديمخراطيين وتدافعون عن الشخصيات على اسس ليست من الديمقراطيه بشئ
وبنيت تلك المواقف على اسس طائفيه او عائليه او فئويه ولا مكان للحقيقه فيها .
سلام للشباب .
