طاح الوالد علينا واخذته ووديته مستشفى العدان قلت خني اوديه العدان وبعد ما يستقر اوديه لاي مستشفى خاص يعتنون فيه ويقدمون له رعاية متميزة ( بفلوسنا ونتدلل ) , واول ما دخلت لقيت المستشفى متغير حتى الرسبشن عطوني رقم وكلها 5 دقايق ودخلت على الدكتور مع وجود شوية زحمة لكن الظاهر اكثر من 3 دكاترة خفارة , دخلنا على الدكتور واجلرى الفحص اللازم بكل اريحية وطيبة نفس من سكر وضغط وامر بفحوصات اخرى واشعة ( لو انها بمستشفى خاص لصارت علي ب250 دينار ) المهم رحنا الملاحظة فوجدنا كل اهتمام من دكتور الملاحظة وطاقم التمريض وخاصة واحد سوري كان هناك والفحوصات دايرة لا تتوقف وانا اقف مذهول من الوضع في هذا المستشفى التعيس ( سابقا ) ونظرا لنوم الوالد قلت خلني اطق فرة بالمستشفى فوجدته من حيث الشكل احلى من اكبر مستشفى خاص من ارضية وديكور وابواب واكثر ما اعجبني طوارئ الاطفال من رسومات تحاكي الطفل واجهزة حديثة على كل سرير ورجعت الى الملاحظة حيث يرقد ابي فوجدت السرائر مريحة ( صدقوني نمت بأحدها احسن من سريري بالبيت ) و فوق كل سرير جهاز للفحص وارضية تفتح النفس .
المهم بعد اجراء الفحوصات اللازمة وكلها اطلعت تمام قالوا لازم يقعد عندنا فترة ( نظرا لكبر سنه ) عشان نضبط له مستوى السكر قلت ماكو مشكلة واستربت هالاهتمام .
بالنهاية اقول سبحان مغير الاحوال .
المهم بعد اجراء الفحوصات اللازمة وكلها اطلعت تمام قالوا لازم يقعد عندنا فترة ( نظرا لكبر سنه ) عشان نضبط له مستوى السكر قلت ماكو مشكلة واستربت هالاهتمام .
بالنهاية اقول سبحان مغير الاحوال .