اخي قيس
مشكور على ردك الاخوي ,, وانا قريت مواضيع اخرى ولك ردود فيها ويحسب لك مصداقيه كلامك والله يشهد اني ماخذها بعين الاعتبار ولكن,
صاحبي والله لو اني ما كنت وياه وشفت شهاده الراتب بعيوني ولا كان صدقت كلامك واقتنعت
انا منصدم انك ما تعرف هالمعلومات وانت مهندس , وفي بدلات قريبه راح تقر مثل بدل الخطر وبدل التلوث ,, مادري اذا اقروها بعد
دوامه بالزور واساسا ما يدوام ,, اساسا حاليا طلع استقاله وراح يشتغل بالوطنيه ,, والي يضحك تدري شنو ,, مديره كان يحاول فيه انه يقعد وكان يقوله بالحرف الواحد ( ليش تطلع وانا اخليك ماتداوم ولا تشتغل عندي ومرتاح ) ,, عشان تعرف الوضع عدل(مصخره ب راتب سنع )
وبعدين فرصتي للدراسات العليا ( اذا لا سمح اللله وما كملت بالهندسه ) ترى موجوده ووظيفتي موجوده ومو طايرين بس وين اروح امريكا انجلترا الله يهداك ,صح خريج حقوق بس مو فلتة زماني ب الانجليزي ,و لا تنسا دراسه الحقوق بجامعه الكويت كلهااا من اولها لاخرها بالعربي مافي انجليزي وخبري بالانجليزي سنه 2003
واذا على جامعه الشداديه والله شفت مقالة بجريده ( افاق الجامعيه ) حاطين خبر بالستينات يمكن 1969 عن جامعه الشداديه ,و ولمعلوماتك مر على هالخبر 50 سنه وتو يبلشووون فيها ,و هالمره بتقولي على جامعه صباح السالم الي سمعنا فيها وطبعا ماراح تبصر النور بدوله مثل الكويت وبمجالسها الا بعد خمسين سنه ثانيه والله يعطينا طوله العمر اللهم امين انشالله هههههه وبعدين ترى هي مجرد انتقال موقع كليه الحقوق من الشويخ الى الشداديه مع الاحتفاظ بالدكاتره ,, يعني اذا عندهم نقص ما راح يطلون فينا يلي تقديراتهم بالبكاليريوس ( جيد ) لان من شروط وظيفه معيد او دكتور ان البكاليريوس يكون جيد جدا اقل تقدير : \
وبعدين للمره الثانيه واعيدها لك ( انت ضامن انهم يوظفونك دكتور عندهم ؟ ) انت تتكلم عن فرصه بالهوى مو مضمونه ولا ماسكها بايدي وانت قلت انكلترا وامريكا , اذا بدرس ماستر بيكون حدي الدول العربيه بحكم الظروف الي قلتها بيت وعيال
مع العلم ان شهاده الماجستير والدكتوراه كلهم كورهم على بعضهم يطلعون لك 150 دينار زياده فقط عالمعاش ؟؟
لو تقارنها مع راتب المهندس المبتدئ بعد اربع سنوات بوظيفته ,, بدون ماجستير ولا دكتوراه وتعبها يطلع المهندس المبتدئ بوزاره الكهربا كراتب اقوى من دكتور قانون بوزاره ,, لان حاليا راتبي 1050 ومع تدرج المسميات الوظيفيه اصير 1200 بالكثير ومع الدكتورااااااااااه 1350 ,و والمهندس المبتدئ 1450 مبتددددددئ
اخوي قيس ,, قاعد اكلمك عن ارقاااااااااام ووقائع ,, شي حقيقه ملموسه ,, دكتور بالقانون شهاده واسم بالوزاره وبعدين ؟؟؟ راتب اقل من مهندس مبتدئ؟؟؟ ولا تقولي منظوري مادي ( الكويت فصلتنا بعد اقرار الكوادر الى طبقات وعلى الانسان الاخذ بالاسباب ويغير بمعيشته مو يحط ايده على خده ويتحلطم ,, واذا عالماستر والدكتوراه انشالله قادر على اخذها وانا مهندس بعمر ماراح يتجاوز ال37 ,, ,و وان شاءالله الحقوق مو ضايعه مني كشهاده وخدمه , وراح تكون اضافه لي بالCV اذا على قولتك طلبوا دكتوراه هندسه راح ادعمها ب خبرتي القانونيه وينظرون لها ان شاءالله