يالعارضة ماهي رجولة خذلتيه
......................لاجل يتزايد بالخسارة نحيبه
عليك لومي والعتب والمشاريه
.....................وعليك لعنات القلوب العطيبه
خـليـه يثـبت للجـماهـير خلـيـه
......................باقي هدف والحظ عيا يجيبه
سددها من قلبه ومن حر مافيه
........................بآخر دقيقه ليتها من نصيبه
لو فـيك ذره مـن حيا مـا تـركتيه
....................يذرف دموعه من سبايب لهيبه
شوفيه دمه تارس الوجه شوفيه
.....................معذور من حب الكويت الحبيبه
هذا عجب مهما بظلمك ظلمتيه
.....................رجل المواقف والصفات العجيبه
عسى الولي من عين الاشرار يحميه
..................ويبقى ذخر لاجل الكويت الحبيبه