ملينا من كلام فاضي بالسياسه الجميع يركب المركب للكلام فقط ولم نشاهد افعال ابدا مرات نسمع عن تازيم ونقول معلش احنا ما نفهم بالتازيم نبي اعمال ونطالع بوجه الحكومه اللي ما عندها غير راح نسوي ونسوي .
من قلب واحد عايش ويشوف جيوب الشعب الكويتي تفضى يوم بعد يوم ترى مو مشكلتنا القروض ولا العقليات الاستهلاكيه ترى حتى العالم كله مثلنا ولكن طمع التجار وسكوت حكومي وبعد في المجلس عن هذا ولجوء الى قصص الانتقام والريفرينج وكان الحكومه والمجلس تبع جزر المالديف واحنا والتجار فقط بالكويت .
كويتي ينولد ويصير عمره ساعات يبدأ حياته من مستشفى قذر ورائحه معفنه واهتمام صفر في ما يسمى مستشفيات الحكومه واذا ربك كاتبله ابو وام حنونين راح يولد في مستشفى خاص يعني مال تجار وتبدأ حياة المولود الجميل ما بين حليب غالي واكل ومواد طفوليه غاليه وادويه اغلى الى ما ربك يسلمه ويفكر يدش مدرسه حكوميه اذا الله نجاه من هتك العرض من قبل البنغاليه ماراح يفتك من ضعف المستوى التعليمي اللي يقوم على دراسه كل شيء بدون فهم شيء طبعا هذا اذا الله رزقه ب اب و ام حنونين ودخلوه مدرسه خاصه هم يعني مالت تجار واذا كبر الولد ترى بالكويت ماله الى التجار يبي سياره يبي يتزوج ويفرش بيته حتى لو يبي يتوظف يا يتوظف عند التجار او يجيب له واسطه وافضل واسطه التاجر طبعا احسن من عضو مجلس الامه او البلدي او الجمعيه او الديوانيه يعني بالعربي احنا عايشين ويا التجار اما حكومتنا ومجلسنا ما اعرف عن اخبارهم شيء .
لا تزعلون لما الواحد يدافع عن التجار فلو افترضنا ان التاجر وسوس له الشيطان مثلا وحب يرفع سعر بضاعته ترى للعلم ماراح تتدخل لا حكومه ولا مجلس ولا جمعيه لاننا نعيش في مجتمع التاجر فقط وبعدين الدستور اللي نسمع فيه .
انا مو اشتراكي ولا راسمالي ولا هم يحزنون ولكن الوضع اللي احنا فيه ما اعرف له اسم حتى حكومتنا في خطه التنميه اللي ما نعرف عنها شيء غير مبلع 37 مليار دينار ولا نعرف شنو معنى التنميه في علاقتنا الجميله مع معازيبنا التجار اللي همهم الاول والاخرين استنزاف جيوبنا بدون اي مقابل .
دليل بسيط على حب التجار لنا لو تشوفون خدمات الهاتف النقال على مستوى العالم العربي او الاسيوي او العالمي راح تلاقون اننا من اعلى الاسعار في الخدمات ومن اسوا الخدمات ايضا المقدمه وعمركم سمعتم عن دور حكومي او من مجلس الامه في شيء .
قيسوا الحال على المواد الاساسيه مثل الاكل وقطع الغيار اللي صارت اهيا والبورصه تتشارك في ميزه عدم ثبات السعر وعمركم سمعتوا عن رده فعل حكوميه او تشريعيه
يا جماعه
السالفه كلها احنا شعب نتكلم عن السياسه مع فلان او ضد فلان ولا عمرنا فكرنا بنفسنا نفس معازيبنا التجار اللي ما عمرهم فكروا غير بنفسهم احنا شعب نقوم ويا رفيجنا ونروح وياه ونسوي ونسوي ولا نفيد عمرنا وهذا مصدر الضياع عندنا
يا جماعه
لو نفكر بنفسنا لو مره واحده ونقول ما نبي تنميتكم احنا نبي فلوس نبي نعيش ملينا من سوء العلاقه اللي مع المعازيب اللي عمرهم ما فكروا فينا نبي بس ندفع لعيالنا علشان يولدون وياكلون ويدروسون ونشتري لهم سيارات ونشتري بيت واثاث
يا جماعه
الكلام في السياسه نقاش بيزنطي اذا كان المحور للحديث عن دور حكومي او تشريعي في مجال تعديل الوضع الاقتصادي للمواطن الكويتي
كل سنه وانت طيب يا باشا
من قلب واحد عايش ويشوف جيوب الشعب الكويتي تفضى يوم بعد يوم ترى مو مشكلتنا القروض ولا العقليات الاستهلاكيه ترى حتى العالم كله مثلنا ولكن طمع التجار وسكوت حكومي وبعد في المجلس عن هذا ولجوء الى قصص الانتقام والريفرينج وكان الحكومه والمجلس تبع جزر المالديف واحنا والتجار فقط بالكويت .
كويتي ينولد ويصير عمره ساعات يبدأ حياته من مستشفى قذر ورائحه معفنه واهتمام صفر في ما يسمى مستشفيات الحكومه واذا ربك كاتبله ابو وام حنونين راح يولد في مستشفى خاص يعني مال تجار وتبدأ حياة المولود الجميل ما بين حليب غالي واكل ومواد طفوليه غاليه وادويه اغلى الى ما ربك يسلمه ويفكر يدش مدرسه حكوميه اذا الله نجاه من هتك العرض من قبل البنغاليه ماراح يفتك من ضعف المستوى التعليمي اللي يقوم على دراسه كل شيء بدون فهم شيء طبعا هذا اذا الله رزقه ب اب و ام حنونين ودخلوه مدرسه خاصه هم يعني مالت تجار واذا كبر الولد ترى بالكويت ماله الى التجار يبي سياره يبي يتزوج ويفرش بيته حتى لو يبي يتوظف يا يتوظف عند التجار او يجيب له واسطه وافضل واسطه التاجر طبعا احسن من عضو مجلس الامه او البلدي او الجمعيه او الديوانيه يعني بالعربي احنا عايشين ويا التجار اما حكومتنا ومجلسنا ما اعرف عن اخبارهم شيء .
لا تزعلون لما الواحد يدافع عن التجار فلو افترضنا ان التاجر وسوس له الشيطان مثلا وحب يرفع سعر بضاعته ترى للعلم ماراح تتدخل لا حكومه ولا مجلس ولا جمعيه لاننا نعيش في مجتمع التاجر فقط وبعدين الدستور اللي نسمع فيه .
انا مو اشتراكي ولا راسمالي ولا هم يحزنون ولكن الوضع اللي احنا فيه ما اعرف له اسم حتى حكومتنا في خطه التنميه اللي ما نعرف عنها شيء غير مبلع 37 مليار دينار ولا نعرف شنو معنى التنميه في علاقتنا الجميله مع معازيبنا التجار اللي همهم الاول والاخرين استنزاف جيوبنا بدون اي مقابل .
دليل بسيط على حب التجار لنا لو تشوفون خدمات الهاتف النقال على مستوى العالم العربي او الاسيوي او العالمي راح تلاقون اننا من اعلى الاسعار في الخدمات ومن اسوا الخدمات ايضا المقدمه وعمركم سمعتم عن دور حكومي او من مجلس الامه في شيء .
قيسوا الحال على المواد الاساسيه مثل الاكل وقطع الغيار اللي صارت اهيا والبورصه تتشارك في ميزه عدم ثبات السعر وعمركم سمعتوا عن رده فعل حكوميه او تشريعيه
يا جماعه
السالفه كلها احنا شعب نتكلم عن السياسه مع فلان او ضد فلان ولا عمرنا فكرنا بنفسنا نفس معازيبنا التجار اللي ما عمرهم فكروا غير بنفسهم احنا شعب نقوم ويا رفيجنا ونروح وياه ونسوي ونسوي ولا نفيد عمرنا وهذا مصدر الضياع عندنا
يا جماعه
لو نفكر بنفسنا لو مره واحده ونقول ما نبي تنميتكم احنا نبي فلوس نبي نعيش ملينا من سوء العلاقه اللي مع المعازيب اللي عمرهم ما فكروا فينا نبي بس ندفع لعيالنا علشان يولدون وياكلون ويدروسون ونشتري لهم سيارات ونشتري بيت واثاث
يا جماعه
الكلام في السياسه نقاش بيزنطي اذا كان المحور للحديث عن دور حكومي او تشريعي في مجال تعديل الوضع الاقتصادي للمواطن الكويتي
كل سنه وانت طيب يا باشا
