سؤال وجواب ممكن لللإفاده

[قلبي خفق ياكويت]

بسم الله الرحمن الرحيم
السلام عليكم ورحمه الله وبركاته
اللهم صل على محمد وعلى آل محمد وصحبه أجمعين


اخواني واخواتي
بقيت أسألكم واستفسر
عن أحسن ماركه سياره
وافضلها وتستمر معااي
يعني ماتخرب بسرعه وكل يوم مأذتني


وكل الشكر لكم


ودي واحترااامي​

 

[درع الجزيرة]

أكثر سؤال يتردد في هالقسم

تويوتا فقط لك وللزمن ​

 

[قلبي خفق ياكويت]

أخوي تويوتا زينه بس طلعتلها عيوب الواحد يخاف على عمره

انزين ماركه نيسان أو شفروليت
وكل الشكر لكم

ودي واحترااامي​

 

[بوهاشم]

الســـؤال عـــااااام وااااايد !
يــعني لازم تعرف أو تعرفيـــن أستــعمال الســـياره لأي غرض غير المشـــاوير
بمعني راعي بر ولا راعي ســـفر ولا الدوام كــل يوم خــط طويـــل
عـــزوبي ولا متـــزوج عندك عيــــال ولا لأ
تحـــب الصــــالون ولا الدفع الربــــاعي
الخ الخ الخ
بعدهــــا ممـــكن تـــاخذ النصيــــحه

 

[قلبي خفق ياكويت]

لا حق دوام
وانا بنت يعني مو حق عيال
وابي صالون مااحب السيارات الكبار

ومشكور على النصيحه ماتقصر

تحياتي​

 

[أبوأحمد2010]

انصحك بالفورد عن تجربه 13 سنه :إستحسان:

 

[المطيريه]

الالماني

خطيررررر​

 

[درع الجزيرة]

أخوي تويوتا زينه بس طلعتلها عيوب الواحد يخاف على عمره​

انزين ماركه نيسان أو شفروليت
وكل الشكر لكم​

ودي واحترااامي​

يا اختي العيوب الي في الشرق الأوسط بس في نوعين

افالون وسكيويا

انصحك بالأوريون عملي للغاية

والله اعرف ناس كرفوا سيارات تويوتا وخدمتهم 10 سنوات ولا زالت في الخدمة ​

 

[OK]

اختي افضل سيارات استعمال الياباني

عندج الكامري وعندج المكسيما بس بشرط انج تحافظين عليها يعني لا تهملينها وبعدين تقولين ذبحتني خرابات لان لو اهملتي خراب او خرابين خلاص سلمي على السيارة

 

[ناصر المعروف]

كل السيارات جيدة

وتعتمد على طريقة الإستعمال

والعناية فيها

والالتزام بالصيانة الدورية لها

من مراقبة لمستوى الزيت والحرارة وغيرها


لو السيارة (اي سيارة كانت)

كانت فاشلة

جان لقيتي المصنع مسكّر ثاني يوم



المهم برأيي الشخصي إن افضل سيارة

هي تويوتا

وبجميع موديلاتها

وممكن تستمر معاج لمدة طويلة (جدا جدا)

ومن غير اية مشاكل


بس عيبها (وهو عيب بسيط)

قطع الغيار الغالية بشكل فظيع


فقط لا غير :وردة:

 

[المتبحر]

سؤالك يحتاج إلى توضيح أكثر :

هل أنت راعي بر أو سفرات أو ما تطلع بره الديرة إلا في النادر ؟!

شنو استخدامك ؟!

شبابي ؟! عائلي ؟!

عموماً :

الأمريكي أريح وأفخم .

والياباني ( التويوتا خصوصاً ) أجمد وأقوى وأثبت ( ما يتهرقل مع الوقت ) .

والألماني جمع الاثنين ( بس غالي وشاب ضو ) .

لو تتكلم بتفاصيل أكثر عن حاجتك للسيارة أقدر أفيدك .

 

[منصورابوحسين]

احسن سيارات من جميع النواحي
الالماني بالدرجة الاولى
والامريكي بالدرجة الثانية
وغيرها مجرد سيارات تجارية وتجميع من هنا وهناك
خذي الجولف
عندي سيارة جولف 2002 صارلها 8سنين ولساتها جديدة وخرابها قليل والحمد لله
واذا تبين شيء افخم من الجولف خذي الباسات

 

[كـــويــــت]

انصحك بسيارت فورد تورس sho 2010 الجديدة
والفورد معروف وماعليه كلام سياره كد ومد
وهاذي صورها وترا توها نازله





​

وبالتوفيق ان شاء الله
مبروك مقدماا​

 

[قلبي خفق ياكويت]

جزاكم الله خير
وماقصرتم وبيض الله وجيهكم

بس الفورد هاذي بجم سعرها اخووي

وكل الشكر لكم

ودي واحترامي​

 

[قلبي خفق ياكويت]

سؤالك يحتاج إلى توضيح أكثر :

هل أنت راعي بر أو سفرات أو ما تطلع بره الديرة إلا في النادر ؟!

شنو استخدامك ؟!

شبابي ؟! عائلي ؟!

عموماً :

الأمريكي أريح وأفخم .

والياباني ( التويوتا خصوصاً ) أجمد وأقوى وأثبت ( ما يتهرقل مع الوقت ) .

والألماني جمع الاثنين ( بس غالي وشاب ضو ) .

لو تتكلم بتفاصيل أكثر عن حاجتك للسيارة أقدر أفيدك .

هلا فيك اخوي
شاكرتلك مداخلتك المميزه
لاهنت

استخدام شبابي
وانا بنت يعني مو طلعات بر
استخدامي لها بالدوام والمشاوير البسيطه
والباجي مع سايق البيت

كل الشكر لك
وماقصرت​

 

[بوهاشم]

بنــــت

وأســــتعمـــال خفيـــف جـدا

مشـــوار الدوام ومشــــاوير قصــيره بس

معنــــاتها ماتحتـــاجين كد ومــد
ولا يهــــم سعر قطع الغيــــار لأن أصلا ماتحتــــاجين غير الصــــيانه الدوريـــــه

والحــــل ...

واحـــد من أثنيــــن

أمــــا ياباني فخـــــم

أو المــــاني


اليـــاباني :

أمــــا لكــزس

أو نـــازل مكسيــــما 2010 بس شي فخـــم ومايفرق عن الألمـــاني


الألمــــاني ماكو غير المرسيدس أو البي أم دبليـو

والأثنيــــن فخـــامه لاتوصــــف
بس سعـــر الألمــــاني غــــالي والغالي سعره فيـــه

الفرق بين المرسيدس والبي أم في أعـــادة البيـــع

يعني لو أردت بيع البي أم سعـــرها يطيح وايــــد
لكن المرسيـــدس ســـعره يظـــل متماســـك

نصيــــحه ...

روحي الوكاله وشوفي على راااااحتج

روحي وحطي في بالج أنج ماراح تشــــترين

بس بتـــطمشــــين فقط لاغيــــر

بعدها بيومين ثلاث قرري


وتحيــــاتي

 

[قلبي خفق ياكويت]

اخوي بوهاشم جزااك الله خير الجزاء
الصراحه فدتني واجد
وماتقصر
عطيني رايك بالسيارات المستعمله لإنه اسعارهم زينه
بس ماادري عن الاستعمال عقب واخاف توهقني
وانا ودي حيل بالكاديلاك

مشكور​

 

[كـــويــــت]

جزاكم الله خير

وماقصرتم وبيض الله وجيهكم​

بس الفورد هاذي بجم سعرها اخووي​

وكل الشكر لكم​

ودي واحترامي​

حياك الله اختي الكريمه
سعر السيارة ابتداء من 6000دك
وكامل المواصفات الي بالصوره غاليه الصراحه
وخري عن الكدلك لأن قطع غياره غالي جداا​